¹ Kavulyaho, vulyena ishina ko ensepiso yoku kavira muma shweneno ishi kero ko, tutiye, okutiye kwaazya kwenu ozyo nasiyare. ² Kakuli nitwa sumwinwa embuzi endotu vulyaho niva iwana. Kono eyo ezwyi elyo kali nilya tusa avo kali kava shangane muku zumina navo kali kava shaka. ³ Shina eswe nitwa zumina noku kavira mwaena masheneno, ''Shina aho ndi konka muvukali bwangu, Kali nava kavire mu masweneno angu.'' Nanga kwakuti ye, o mutendo wakwe niwa mana ku matatikizo e fasi. ⁴ Kakuli kwina oko naamba ze zyuva lye aanja niwo vire: ''Mi Nyambe nashwena mwizyuva lye aanja niwoire ku mitendo yakwe.'' ⁵ Mi mwinjira ifwana naataye, ''Kali naba kavire mu mashweneno angu.'' ⁶ Kavulyaho, kushi zumininwe ye vamwinya nava kavire mwayena mashweneno, nikwabena niva shuwa ezywi erotu kono kali niva kavira mo kevaka lyokusha shuwa. ⁷ Kono hape Nyambe kaaketa ezyuva lyinwi, nokuli kuwa ye ''Shunu.'' kuvuso aho naamba ka Davida mumazywi akwe: ''Shunu shinga shemu shuwa ezywi lyakwe mwasha zyuminizi e myezo yenu.'' ⁸ Nali Joshuwa navaha lyimwi ezyuva lyoku shwena, Nyambe kali nina amba kelyimwi ezyuva. ⁹ Cware kusiyere e Nsabata yoku shwena eyo ivikirwa a vantu va Nyambe. ¹⁰ Kakuli ozyo akavira mu mashweneno a Nyambe neye vulyaho nashweni ku mitendo yakwe, vulyena naatenda Nyambe kuyakwe. ¹¹ Cware tu tukufarerwe kuku kavira mwayena mashweneno, okutiye kwaazya ozyo nakangwa ukuva nokusha shuwa vulyaho niva tenda. ¹² Kakuli ezywi lya Nyambe lihara mi kolina mi ndicheku kuhita o mukware ufunda nokunoku. Likoshaura noku muzyaa no ruho, mwi ngorero no mukee, mi liwora kuzyiva engazyaro nezi tendantu zo mozyo. ¹³ Kwaazya echo nicha vumbwa echo chizikitwa havuso bwa Nyambe, kono zintu zonshe zina harukanda noku aruka mu menshe ozyo oko tuvotere okuha o vupaki bwetu. ¹⁴ Kavulyaho, shina aha tukwesi o mupurista o munene ozyo nahita mwiwuru, Jesu Mwana Nyambe, tukwatilire kwezo nitwa tambura. ¹⁵ Kakuli kali kutiye twaazya o mupurista o munene ozyo katufwili enshe kokusha gora kwetu. Kono, tukwesi ozyo na yerekwa mwinjira zingi, nanga kwakuti ye azyaa e chibi. ¹⁶ Cware tuyende koku gora ku ruvono rwe chishemo, o kutiye natuwane e shishemo mwi nako zoku shaka kwetu.