¹ Cware hanu tureke a matatikizo ezywi lya Nyambe tuye kuvuso ku vukuru. Twasha zyali hape a matatikizo oku vaka mu mitendo ifwire ne ntumero kwa Nyambe, ² kapa matatikizo oku zyiiza zoku koroveza, nizo kuvika maanja, zoku vuka kwavafu, noku atura kwama maninikizo. ³ Natura tenda vulyena ati Nyambe natu zuminina. ⁴ Kakuli kuvavu kwavena sheva shuwa, avo niva yereka echihewa chewuru, avo niva tahirwa ku Ruho ru Chenete, ⁵ mi avo niva yereka kwizywi erotu lya Nyambe mi na manta awo ashi kezya, ⁶ kono kwavena niva wira kunje - kukavavu okuva zorera hape kuku vaka. Kevaka lyo kutiye nivali kokotera Mwana Nyambe hape, noku munyansa ha nkanza. ⁷ Kwina vulyaho kwivu linywa ku nvura ozyo akezya, mi kupakiwa ezi menantu zi shakahara kwavena valima - mi ndevu liwana enfuyauzi izwa kwa Nyambe. ⁸ Kono ati nazi vika e minga ne mikona, yaazya entuso mi ina ahafwihi nechi kuto. Mi ma maninikizo kuhisiwa ku mulilo. ⁹ Kono tuzumina ku zintu ezirotu ziamba enwe, enwe mushakiwa, ezintu ziamba noku hazwa, nanga twaku amba vulyena. ¹⁰ Kakuli Nyambe kali ndeye azya ku rukite. Kali na zibare e mitendo yako ne rato elyo niwa sunda kwi zina lyakwe, kakuli niwa tendara e zintu ku vantu vakwe vachenete, mi mushi vatendera. ¹¹ Mi tushilira ye o muntu no muntu kwenu asunde oku talifa kutwara kuma maninikizo, okutiye muve ne nsepo hape. ¹² O kutiye namu reke okuva a vakata, kono vachilira vena vashi ntumero no mozyo omure vantambura ne nsepiso. ¹³ Kakuli Nyambe aho asepisa Abrahama, nali konke eye mwini, shina aho kali kawora kulikonka kozywimi munene. ¹⁴ Aku amba, ''Mbondi fwizyaure nokukuha avehwa vangivangi.'' ¹⁵ Kenjira yovulyena, Abrahama na tambura ezo na sepisiwa aho nalindira hawa. ¹⁶ Kakuli a vantu vana ku konka ka vantu vava hita. Kuma maninikizo akuli kananisa, okuli shumina koko ku goresa. ¹⁷ Cware Nyambe aho kashaka oku sunda kwavena vajovora e nsepiso yo murelo wakwe yokusha zoka, nali konka koku goresa. ¹⁸ Natenda ezi mwi zintu zobire ezo kazizoki - kazo kukavavu hawa kwa Nyambe ye ahome - eswe, nitwa vutukira kuku lizika, netura wana okuli gingisa ku gorete o kutiye tukwatise hawa kwi nsepo eyo nitwa hewa. ¹⁹ Ensepo eyi ivavarerwa noku isepa ko muzya, ensepo i kavira mukati shira ya masira, ²⁰ oko nayenda Jesu, ozyo nali tangiza kwetu, natu kavira mo kevaka lyetu. Naava o muprisita o munene kavumani kavulyena bwa Melekidezeki.