¹ Ndishilira nali mulivika neme muvusiru. Kono keniti mulivikite kwangu! ² Kakuli ndimi fwira omuna. Ndikwesi omuna wa Nyambe kwenu. Shendi misepesa esheshwa lyo mukwame yenke. Ninda misepesa ku mivika mbwe ndi kamware acenete kwa Kiresite. ³ Kono ndi tiyite ye hamwinya, shina Eva vuti na homiwa ku njoka ko vutali bwayo, engazyaro zenu ziwora kumi hambusa muku rukane kulivika kwa Kiresite. ⁴ Tute ye zyumwinya akezye akutaze za Jesu ungi kunje yozyo nitwa kutaza. Kapa mutambura kapa mutambure ezywi lingi kali elyo nimwa tambura. Mulivikite nenja mwezi zintu! ⁵ Kakuli ndi azyara kutiye kali ndime wama manikizo kwavo vakuiwa ye va apositora vanene. ⁶ Kono nanga kali nindazyiwa okuamba, ndaazya kuvulite enzivo. Munjira zonshe ne muzintu zonshe nitwa zyivahaza ezi zintu. ⁷ Haha ninda tenda ecivi kokukivika hanshi kutiye munanunwe? Ninda kutaza ezywi lya Nyambe kwenu nendi rukuruhite. ⁸ Ninda hivira enkereke zimwinya koku tambura entuso kwavo kutiye ndimi tendere. ⁹ Aha kandina nenwe hape kandi shaka entuso, kali ninda vika ovuremu ku muntu. Kakuli ezi kandi shaka niza zwa kuva kwangu vazwa kwa Macedonia. Muzintu zonshe kandi lizwisite muku miremesa mi mbondi zwire havuso okutenda vulyaho. ¹⁰ Kavuniti vwa Kiresite vwina kwangu, Okulitunta kwangu kunu kali kakutotozwa muziraro za Achia. ¹¹ Evaka? Kakuli kandi mishaki? Nyambe azyi. ¹² Ezo nditenda mbondi zwire havuso kuzitenda, okutiye ndi koshore enkaruro yavena va shaka kuva ne nkaruro yokuva mbwe ndiswe muzintu ezo bakitunta kazo. ¹³ Kakuli abantu vo vulyaho ma apositora vovuhomi mi ba mitendo yo vusawana. Bakihinda mbwe ba apositora va Kiresite. ¹⁴ Zinu kazi komokisi, kakuli Satani neye alihinda ye ndiñiloyi lyo mumuni. ¹⁵ Kaku komokisi ati aveka vakwe vakihinda ye mbeka vokuruka. Ama manikizo abo arava ezitendo zavo ezo zivaswanera. ¹⁶ Kame ndita ye: Kwashavi nozyo a azyara ye ndili musiru. Kono ati nemutenda vulyaho, mundihinde bwe musiru okutiye ndikitunte kamanana. ¹⁷ Eco ndiamba nokunu ku litunta kwe nsepo - kandi ambi kenjira ya wora ku amba kayo Nfumu - ndi amba mbwe musiru. ¹⁸ Kakuli vungi bwa bantu balitunta kenyama, neme mbondilitunte. ¹⁹ Kakuli muboterwa okuva navasiru. Nenwe mutalifite! ²⁰ Kakuli nimwa zuminizana zo muntu ozyo ami vika muvukana, ati nami sinya, ati nami hinda kenjira kai swaneli, ati nalinanuna, kapa ati naku bakura ku mensho. ²¹ Ndira amba ke nshoni zetu ye twaazya amanta oku tenda vulyaho kono ati zyumwi nalitunta - ndi amba shina ndili musiru - neme vulyaho ndira lituntra. ²² Nga mba Heveru? Neme vulyaho. Mbena Isiraere? Neme vulyaho. Mbehwa va Abrahama? Neme vulyaho. ²³ Mbakana va Kiresite? (Ndiamba shina ndaazya engana) Ndi zywire. Mumi sevezi omi kavavu, mukuva hawa mwi ntorongo, muku damiwa hawa oko ku hitilira entikanyo, muku tonderera ezi remantu ziyaya. ²⁴ Ninda wana oku likana kwe anja kuma Judaencupa zi likana '' ama kumi one noku zwisa yonke.'' ²⁵ Kotatwe nendi shwatirwa ne nchupa.Inwi nako shendi damiwa namavwe. Kotatwe nendi shumininwa hachi sepe chifwite. Ninda hinda o rusiku na kamwi mucivaka chi arukite cewate. ²⁶ Kandina mu mwendo echi kalira. Mwi ndema zomu ruzyi, mwi ndema zava vasa, mwi ndema zizwa ku vantu vangu, mwi ndema zizwa kuvashi macava, mwi ndema zomu mureneñi, mwi ndema zomwi haraupa, mwi ndema zokwi wate, mwi ndema zizwa kuvakwangu ve mbuzi.