^{1 2} Ndya butatu nendi kezya kwenu.Entaba ne ntaba itatululwa paki zo bire kapa zo tatwe. Ninda amba kale kwebena ni ba tenda echibbi, kwabo bonshe aha kandina ko lya bire.Ni nda amba hape shake ne ndi boore kali nendi ba fwire nshe. ^{3 4} Ndi misumwina, mushaka ecisupo co kutee Kiresite a amba kangu.Azya ku kangitwe kebaka lyenu, Ka bulyaho,akwesi manta henu.Na kokotelwa mubufokoli.Kono ahara ka manta a Nyambe.Kakuli tufokwere kakwe, kono ne tuna hara neye ka manta a Nyambe mukati kenu. ^{5 6} Muli tatube mubeni mubone kapa mushi kere muntumelo.Muli tatube mubeni.Mwazya kubwine ye Jesu mwena mukati kenu? Mbita shimwa siyalili entatubo.Ndi sepa kute nemuna zyiba ye kali nitwa kwangwa entatubo, ⁷ Turapera kwa Nyambe yee twasha tendi ovubi. Kandi laperi kute kubonahare yee twa tendi nenja mu ntatubo, ndi lapera kutayee mutende zilukite, Naha asunda ye nitwa siyala entatubo. ⁸ Kwazya eci tuwora kutenda kuamana ne niti,mbita ke niti. ⁹ Tuboterwa aha tushi boora hashi, naho mugorete.Neswe tulapera ye mube ba zyulilile. ¹⁰ Ndi ñora ezi zintu nendi azya kwina nenwe, shaka nendi kezye kuba nenwe nendi reke kumi kabuhazila ka manta a ndikwesi. Aa nandi ha o Nfumu yee ndimi zyake kali ku mizyakurura. ¹¹ Koku manikiza, bayawe, muboterwa, musebeze koku libusulusa muazyale muligorise, mube cintu chonke, muhare ke mpore. Nyambe we lato ne mpore ave nenwe. ¹² Murumerese bamwinya koku ñxumeta kucenete. ¹³ Boshe bantu ba Nyambe ba chenete ba mimeresa. ¹⁴ Echishemo cha Jesu Keresite, ne lato lya Nyambe, koku shangana ko bushere vo Ruho ru Chenete ruve nenwe.