¹ Emee nde Paulusi , ndimi kumbira , Kokulibooza hanshi novutore bwa Keresite. ndili booza hanshi haha ndina mukati kenu, Kono haiba ndili tuntubula haiba ndakwaazya . ² ndimikumbira ye, haiba ndina nenwe , kandiwoli okuli tuntubura kangu. Kono ndiazyara ye ndilituntubula ndisibona abaa baazyara ye tuhara ke nyama. ³ Mi naha tuyenda mwi nyama, katureti e ndwa ke nyama. Kakuli e zi rwiso ezi turwisisa kali nze nyama. ⁴ Kono , zina okuluka kugorete noku sinya ama golero onshe. kaareti e nkani ezi zitulyanganisa. ⁵ Tusinya zonshe ezi zina mwi wuru ezi zyimana noku kananisa e ngana za Nyambe.Tuhinda zonshe e ngazyaro zokuba kokuruka kwa Keresite. ⁶ Tulitukiseze oku haa o murandu kukufosa, haiba okuruka nekumanite. ⁷ Mutonde ezi zibohara habuso bwenu. Haiba omuntu yenshe azumina ye nkwa Keresite ena, A likumburuse ye ahaa ali wa Keresite neswe bulyaho. ⁸ Nanga ndili tundubure kanini ko bungi bo mulawo, owo o Nfumu na tuhaa okutaye tuzyake kali okutayee tumisinye kali kandi fwee enshoni. ⁹ Kandi shaki yee kubonahare yee ndimitiiza kama ñoro. ¹⁰ Vantu bamwi bataye , ''ama ñoro akwe a gorete hawa, kono eye mukata ko muvili. Amazywi akwe kaaswaneli okuteezwa.'' ¹¹ Musiye aba bantu ba zyibe ye omo tukalire mu mazywi ka mañoro etu haiba twakwaazya mbobulyaho tube kezi tendantu haiba nkotwina ¹² . Katuyi kure o kuba muzi gugi kapa tuli bapise naba bali temba avo veni. Kono haba sili tatuba kaboo komuntu no muntu nokulikanisa naboo , baazya e muni. ¹³ Eswe , hanu kali katuli tundubule oku hitiliza . mbotutende bulyaho kobunini komo atuhera Nyambe , kentikanyo e nini ezi zihura kwetu nenwe. ¹⁴ kali nitwalinanuna hawa aha nitwa hura kwenu. Ndiswe ve ntanzi okuhura okure nenwe kezywi lya Keresite. ¹⁵ Katu litunti okuhitiliza ke misebezi yabamwi. Kono, ensepo yetu njoku tiye e ntumero i naha ikura, omusebezi mukati kenu u zwira habuso noku kura , hawaa. ¹⁶ Twina ensepo kezi, yee tukutaze enzywi lya Nyambe muzibaka zina okure nenwe. Kali katuli tunte no musebezi u tendahara muzi baka zimwi. ¹⁷ ''Musiye ozyo alitunta, alitunte ku Nfumu.'' ¹⁸ Kakuli kali ndeye alibika okataye a zumininwa. Kono ndozyo a zumininwa Ku Nfumu.