¹ Mbo vulyaho ba votere kutu hinda bantu, mbwembakana ba Kiresite no bukombwa bwakwe Nyambe buzikitwe. ² Ezi zibotere ku vakana kute zi sepahare. ⁴ Kokuya kangu cintu vulyo cinini eci ndi voterwe kuatrulwa kwenu kappa mukuta ya bantu. Kavulyaho kandi woli kuli atura ndemwini. ³ Kandizyi o murandu oo ndibikitwe ku amana neme, kanda tewa yee ndaazya kufosete. Ozyu andi atura ndu Nfumu. ⁵ Kavulyaho, mwa ambi zo muzeko ne ishini kukwana enako, pili Nfumu nashini kezya, Nara reta hanje zintu ezi zikitwa noku zikura ezi zikere mu myozo. Muntu no muntu nara wana etuvo kwa Nyambe. ⁶ Paho, bayawe, ninda bika eyi mirawo kwangu ne Appolusi kevaka lyenu, o kutaye kwenu mulizyiye etaruso yezi ziambwa. Kakuli kwasha wanisiki ozyu ali kumusa a amba sobozi ku zyumwinya. ⁷ Ndini ozyu a bwene cincheho mukati kenu nabanwinya? Chinji eci okwesi eci kali ni wawana? Kali nimwa chiwana, chinji aha mulikumusa mbwe kali nimwa chiwana? ⁸ Mukwesi kare ezi kamushaka! Shimwa fumi kare, Shemwa tatiki oku yendesa - naha twakwaazya! Nji niti, kandi azyara ye muyendese kuteye tuvuswe nenwe. ⁹ Kakuli ndi azyara ye Nyambe na tuvika kuva Baapositora bakwe tuve vama maninikizo, mbwe vantu niva aturerwa o rufu, tuli bantu tu tondererwe hanshi, na mangiloyi na vantu. ¹⁰ Tuli vasiru kevaka lya Kiresite, Kono mutalifite ka Kiresite. Twaazya manta, kono ewe o gorete. Enwe mutembwe eswe tushwahura. ¹¹ Kureta inu nako tushi fwite enjara ne nyota, twaazya zizyabaro zo kuzwata, tukuvazwa mi twaazya munzi. ¹² Tuvereka hawa, kuvereka na maanja etu. Kuti tukutiwa ku, tufwizyaura. Ati tushandiswa tuli goresa. ¹³ Ati tuhubiswa tu amba ke chishemo. Tufwana mbwe sicoro zefasi, noku zyura etukuta ku zintu zonshe. ¹⁴ Kandi ñoli zinu zintu ku miswavisa, kono kumi tengurura shina aha muli vanangu va shakiwa. ¹⁵ Kakuli nanga muve a vantu vatenda zikiti zekumi kwa Kiresite, mwaazya veshwenu a vantu. Kakuli nindava shwenu kwa Jesu Kiresite kezywi. ¹⁶ Cware ndimi jingisa nenwe ye muve vandi yerekeza. ¹⁷ Shira ndiku tuma Timoteya, ozyu ashakiwa noku sepahara kwa Nyambe. Nara mizyivisa njira zangu kwa Kiresite, shina aha ninda mizyiiza konshe mi nomwi nkereke ne nkereke. ¹⁸ Cware, vamwinya kwenu sheva nali tunduli, sheva tenda mbwe kali kandi kezya kwenu. ¹⁹ Cware ndina kezya kwenu hahanu, ati o Nfumu ashaka. Kuzwaho ndira zyiva vulyo ezywi lyava valitunta, Kono ndira zyiva manta avo. ²⁰ Kakuli o muvuso wa Nyambe kawina mu mazywi kono mu manta. ²¹ Echi mushaka chinji? Ndikezye kwenu ke ncupa kapa kerato no muzya o murotu?