¹ Muchilire njira ye rato no shaka ezihewa zo ruho, sihuru okutiye no porofite. ² Ozyo a amba ke ndimi ka ambi ku vantu kono kwa Nyambe. Kakuli kwaazya ozyo ashuwa eziwambo zakwe kakuli a amba ezo kazi zyivahali muruho. ³ Kono ozyo a amba ke chiporofita a amba ku vantu ava zyaka, ava nanuna, nokuva susueza. ⁴ Ozyo amba ndimi alizyaka yemwini, kono ozyo a porofita a zyaka enkereke. ⁵ Ndimishilira nali mwenshe muamba ke ndimi. Kono nanga ku tanta ho, ndishilira nali muporofita. Ozyo a porofita munene kozyo a amba ke ndimi ( mbita eva kwena ozyo atoroka kuti enkereke itambure kunanunwa) ⁶ Cware hanu, vakwangu, kuti ndikezye kwenu ne ndiamba kendimi, zinji shake muwane mo? Kandiwoli, mbita ndi ambe nenwe ke sinuro kapa ke nzivo, kapa ke chiporofita kapa koku zyiiza. ⁷ Ati ezintu kazihali zitenda endungati - mbwe nji pala kapa kambuli - nali kazireti e mirumo ichinchene, mbuti awora kuzyiva zyumwi ze miromu ye pala kapa a kambuli ye kalira. ⁸ Kuta ye entorombita izwisa omurumo ucinca mbuti shaka azyive o muntu nako yo kurwa. ⁹ Cware ina kwako. Ati no amba eziambo za azya o vutali, mbuti zyumwi shake azyive ezo no ambi? Mbuwa kuamba kono kwaazya ozyo akushuwa. ¹⁰ Kwina kusha zunzunya mu mishovo imwinya mwifasi, mi kwaazya eyo kaishuwahali. ¹¹ Kono ati kandizyi echo chitaruswa mowina mushovo, mbondive o mwezyira kozwina a mba, mi nozywina a amba mbwave o mwezyira kwangu. ¹² Cware ina kwenu. Shina aho mushaka okutiye oruho ruzyivahare, muyereke o kutenda ezihewa zi zyaka enkereke. ¹³ O kutiye ozyo a amba ke ndimi a rapere ye aku toroka. ¹⁴ Kakuli ati ndi rapera mwi ndimi no ruho rwangu ru rapera, kono engazyaro zangu kazi sepahali. ¹⁵ Zinji ndiwora kutenda? Mbondi rapere ko ruho rwangu, kono mbondi rapere kame ke ngazyaro zangu. Mbondi zyimbe ko ruho rwangu, mi kame mbondi zyimbe nike ngazyaro zangu. ¹⁶ Ati kali mbovulyaho, ati no temba Nyambe ko ruho, wokunje mbuti shake ate ye ''Amen'' ati okwesi oli tumera ati kazyi ezo okwesi o amba? ¹⁷ Ewe oli tumere, mi zyumwi muntu azya kuzyakitwe nenja. ¹⁸ Ndili tumera kwa Nyambe kakuli eme ndiamba mu ndimi kumihita. ¹⁹ Kono mwi church nali nandi amba vulyo mazywi e anja komo ndi shuwisisa o kutiye ndi sumwine vamwinya, kali ka mazywi mangimangi hawa mwi ndimi.