¹ Nanga nendi amba ke ndimi zo vuntu inza mangiroyi. Kono ati ndaazya e chishako, ndili murangu vulyo ulira. ² Nanga nandi kwesi e mpo ye chiporofita noku shuwisisa zonshe ze niti zi lizikite ne nzivo, nokutiye ndikwesi yonshe e ntumero yoku nanuna marundu. Kono ati ndivure eshako, ndaha azya. ³ Nanga nandiha zonshe ezo ndi suwite kurera a vakana, no kutiye nditahe o muvili wangu ye wu yisiwe. Kono ati nendi vure eshako, no kuvure echo ndiwana mo. ⁴ E rato nku kwata o mozyo nokuva nenja. E rato kali muna hape kwaazya ku likuumusa. Kali ku zyuminiza o mutwi ⁵ kapa a mahanyi. Kali kulitendera ozo oshaka. Kali kuli vengera vulyo, kapa ku vunjika e ezibbi. ⁶ Kali ku voterwa mu kutenda ezibbi. Kunje ya vulyaho, ku voterwa mwi niti. ⁷ E rato livika ezintu zonshe, lyi zumina e zintu zonshe, li kulika ezintu zonshe. ⁸ Erato kalimani. Ati kwina e ziporofita, nezira mana. Ati kwina e ndimi, nezira zyimana. Ati kwina enzivo, nezira mana. ⁹ Kavulyaho tuzyi ziche mi tuporofita eziche. ¹⁰ Kono ze nit shaka nezi kezye, ezo zaazya kuminite nazira mana. ¹¹ Aha kandili mudana, kandi amba mbwee mudana, kandi azyara mbwee mudana, kandi tenda mbwee mudana. Aha shendiva mukuru, ninda vika zo vudana kumbali. ¹² Kavulyaho hanu shetu vona mucimboni kenjira imwi, kono hape kuli tonderera. Hanu shendizyi kacenya, kono mi nandira zyiva kuzyura shina mbovulyaho ninda zyiviwa. ¹³ Kono hanu ezi zotatwe zi siyara: e ntumero, ensepo yo kuvuso, ne rato. Kono echinene kwezi nji rato.