¹ Pakuyeca, wakulu wa nhantsembe wakhada gumana na wa anciao, na wa nembi, na wentse wanyamitemo; Ndipo, wacimumanga Jezu, amutenga wacimu pereka kwa Pilato. ² Ndipo Pilato adamubvunzisa: Ndiwe mambo wa majuda? Ndipo iye adamutayira: Ndiwe ukulonga. ³ Na wakulu wa nyantsembe wakamu pumpha bzvijinji. ⁴ Kaciwirikace Pilato amubvunzisa: n'khau tayiri cinthu? mphoswa zingasi zawo wali kukupumpha thangwera iwe! ⁵ Ndipo Jezu alibhe kutayiraswve cinthu, na khaindi idhadzakala pilato na kudhabuwa. ⁶ Pa n'kwando, Pilato wadapfudzumula ubhodzi, ule kuti muni kumbira. ⁷ wanango wakhada kumbira Baraba, wanya kumangiwa wanango, kuti pa kupandukirana akadapha munthu ubhodzi. ⁸ Ndipo nthithi uda bwera ucitanga ku kumbira, ninga bzawo wakhadawaita. ⁹ Ndipo Pilato adawatayira: Mukuda kuti ndiku futhumulileni mambo wa majuda? ¹⁰ (Nakuti iye akhadziwa kuti wakuluwakulu wanya ntsembe wakhada mu pereka na maipilha). ¹¹ Ndipo wakuluwakulu wa nya ntsembe wada kalipisa m'thithi, nakuti na bzobzo, wa wafuthumulire Baraba. ¹² Ndipo Pilato aciwataira kaciwiri, adawabvunza: kuti, munayitatani na ule wanu mumba cemera mambo wa juda? ¹³ Iwo wadadza pomwe kuti: mukhomerereni! ¹⁴ Ndipo Pilato adawabvunza: Thangweranyi? kuipa kyanyi kwace ayita? Ndipo iwo wakha khuwa pontho: mba akhokhomeriwe! ¹⁵ Ndipo Pilatos kuda kupfantsisa m'thithi, adawafuthumulira Baraba; Ndipo adapereka Jezu, kuti akhakhomeriewe. ¹⁶ Ndipo ma sirikal wadamutenga acimuendesa pa thangwe; ndipo wadadza cemera ma sirikal yentse. ¹⁷ Ndipo wadazamubvazika nguwo; wada kata nkhata yaminga, wacimuikha. ¹⁸ wada dzayamba kumumusa: nga musiwe! mambo wa mayuda! ¹⁹ Ndipo wada dza ceka mu n'solo na n'sale, wamupswipira, na kugodama, wada munamata. ²⁰ pawo wada mu khundula, wadaha mu khukutidza ntsakala, wacimubvazikha na khuwo zace caizo, ndipo wada dzyendanae panja, kuti wakamu khokhomere. ²¹ Ndipo wada mangirira ubhodzi Simeau cireneu, kuti akhapinda, kubuda ku tsanga, paiwace Alexandre na wa Rufo, kuti atenge txinjikwa yace. ²² Ndipo wada muendesa pa mbuto ya Golgota, kuti kuphimbinudza ndi: mbuto ya mumphako. ²³ Waci mupasa vinho yakusakanindziwa na mira; Ndipo iye alibhe kuyimwa. ²⁴ Pa kumukhokhomera, wada n'gambirana nkhuwo zace, acithusirana soloti, kuna xire ca ubodzi na ubodzi cace angada tenga. ²⁵ Ykhali nthawe yacitatu, Ndipo wadha dza mu khokhomera. ²⁶ Ndipo kunembiwa kwa mposwa yace ikhada nembiwa padzaulu: ²⁷ Mambo wa mayuda. Ndipo wada mu khokhomera pabodzi na mbava ziwiri, ubodzi kumbali yace yadidi unango kumbali ya dzere. ²⁸ --- ²⁹ Ndipo wale wakhapita wakha munyaza, waci wanyaza m'solo yawo, Ndipo waciti: Ah! iwepo ndiwe umzafudza themberi, pa ntsiku zitatu uni imusa, ³⁰ bzi futhumule wekha, Ndipo txitha pha txinjikwapa ³¹ Na bzibodzibodzi wakuwakulu wa nyantsembe, na wanembi, wakhabvunzana, waci nyaza: Iye asunungula mwanzace, yekha nkha abzi sununguli! ³² kuti Jezu, mambo wa israel, txitha ntxintxino pa txinjikwa , kuti tikuwone, tici bvuma! wale kuti wakhada khokhomeriwa naye wakha mutukanambo. ³³ Zicifika nthawe zitanthatu, udadzabwera m'dima pantsi pentse, kufika pa nthawe zi khumi. ³⁴ Ndipo ntawe zi khumi, Jesu akhuwa na pfala likulu: ELOI, ELOI, LAMA SABACTANI, kuti ku phimbinudza ndi: Mulungu wangu Mulungu wangu, thangweranhi mwandisiya? ³⁵ Ndipo wanango kuti wakhalipopale, pawo wadabva, wadalonga: kuti aku cemera Elia. ³⁶ Ndipo ubodzi, adadzathamanga, adzaza thonje la vinagre; aciyikha pa m'sale akhamupasa bzakumwa, aciti: musiyeni, tiwone Elia anibwera ka mubudisa. ³⁷ Jezu akuwa na pfala li kulo, napopo adzafa. ³⁸ Ndipo nguwo ya mu themberi idadza n'gambika mbai ziwiri kubhuda padzawulu na pantsi. ³⁹ Ndipo centuriyao ule akhali kumbali kwace, aciwona kuti afa adadza longa tenepai: cadididi munthu uyi akhali mwana wa mulungu. ⁴⁰ wakhalipombo popale wakadzi wanango waci dhingisa na kutali, kuti pa iwo akhalipombo Mariya Madalena, na Mariya (maiwace Tiago mudoko wa Jose), na Salome; ⁴¹ wale kuti pace akhali ku galileiya, wakhamutera, Na kumusenzera; Ndipo na wanango wajinji, kuti wakhada kwiranaye ku Jerusalema. ⁴² Pakuyenda kumawulo, nakuti kukhali kugadzirira, kuti ikhali ntsiku ya kumbuyo ya salade, ⁴³ Abwera Jose wa ku Arimateiya, aci pasa mbiri ubodzi yakulanga, kuti akha dikirambo umambo wa Mulungu, Na xungu ayenda kwa Pilato, adadza kunbira nthupi la Jezu. ⁴⁴ Pilato adadzadabwa nakuti akhadafa kale. Adadza cemera centuriyao, ndipo adadzamubvunzisa kuti akhafakale adi na na nthawe ijinji. ⁴⁵ Pace iye ada tambira mafala ya centuriyao, ada pereka thupi kuna ⁴⁶ Jose, wa kuti ada gula ca kufunika ci tete, ndipo acimusosa pa txinjikwa amuyika mu cakufunika citete. Paciwiripace, iye adadzamuyikha mu m'phako mwa kufungulika na mwala, ndipo ada ikha mwala pa n'suwo pa manda. ⁴⁷ Mariya Madalena na mai wace Jose wadawona pawo wadamuyikha.