¹ Na popo kupinda ntsiku ziwiri, ikali phasika , na mphwando wa mikate yakusaya isti; na wakuluwakulu wa ntsembe, na wanembi wakapsaga njira yakuwa manga na kuwanamiza, na ku wapha. ² Ndipo wakalonga: ''Nkabe pa mphwando, kuti paleke kuwoneka kugwengesana pa wanthu.'' ³ Na kukala iwe ku Betania, pa mui pa Simawu nyamapere , pakukala pa meza, padabwera nkazi bodzi, akhana nkhali yamafuta ya kununxira, ya kudulisisa, acisika nkhali yamafuta, adathulula mu nsolo mwace. ⁴ Pada woneka wenengo wadadabwa wokha, wadati:'' Thangweranyi yadzongiwa mafuta ya kununxiraya? ⁵ Nakuti mafuta yakununxiraya yangadagulisiwa na kobiri ya kupindiriza bzulu bzitatu bza denario, ndipo ingada perekiwa kwa walombo.'' Na kumunyunyutira. ⁶ Ndipo Jesu adati: ''Dusieni tangweranyi muli kumunzunza? Iye andicitira basa la bwino. ⁷ Thangwe walombo wamba khala na imwe kwenda na kwenda; mungada, kana ku wayita bzabwino; ndipo ine, ndikajinjilini ku khala na ine. ⁸ Enei acita bzace akwanisa; atsogola kuzodza thupi langu, pa kutsayiwa pangu. ⁹ Cadidi ndikukubvunzani, kuponi kuti ku Nyika yentse yanu mukuda ika palidziwe Vangeri, na bzace acita bzinza kumbukiwambo mu nbfungwa.'' ¹⁰ Yuda Sikariote, m'bodzi pa wakhumi na wayiri, adayenda kwa wakuluwakulu wantsembe, kuti wapereke kuna iwo. ¹¹ Na iwo wacibzibva wadapfansa; na kumuyimbisa komupasa kubiri; na kupsaga kumupasa panthawe yabwino. ¹² Pa ntsiku ya kutoma yamikate yakusaiya isti, pawo wakhaperekera cibayiro ca bira la Phasika, wapfunzi wace wadati: '' Ndikuponi kwako ukuda kuti tika gadzirire kuti udza dyere Phasika?'' ¹³ Adatuma wapfunziwace wayiri, aciwabvunza: ''ndokoni ku Zinda, na munthu m'bodzi kuti anitola mpuxo m'bodzi wa madzi anzakufikirani, terani iye. ¹⁴ Na mule mwace anida kupinda, bvunzani mbuye wapamuyi: Mesiri ati: Iri kuponi mbuto yakudyera Phasika na wapfunzi wangu? ¹⁵ Iye anzakupangizani thambwe likulu, lida longedziwa; penepo mukakonzere ifepano. '' ¹⁶ wa pfunzi wabuda, Wacibwera ku m'zinda, wada fikira bzida konziwa ninga bzawo wakada longa, wada dza konzekera Phasika. ¹⁷ Na kumawulo, adabwera na wa Pfunzi khumi na wayiri. ¹⁸ Pawo adakhala pa meza, nakudya, Jesu adati: ''Mwacadidi ndikubvunzani, kuti m'bodzi wanu kuti alikudya na ine, anzandipereka.'' ¹⁹ Iwo wadatanga kusuwa, wacilonga m'bodzi na m'bodzi ''Kuti ndine?'' ²⁰ Ndipo iwo wadamutayira: ''Ndi m'bodzi wa pakhumi na wayiri, kuti alikudya na ine m'ndiro. ²¹ Ndipo mwa cadidi Mwana wa munthu aniyenda, ninga bzida nembiwa payiye; pontho kwawule Mwana adaperekiwa; bzingadakhala bwino kwa munthu weneyi ninga alibe kubaliwa.'' ²² Pawo iwo akhadya, Jesu adatola nkate; nakulonga bwino, adayigwanda, aciwapasa, aciti: ''Tambirani, iri ni thupi langu.'' ²³ Nakutambira khapo, na kupasa nyaca, adawa pasa; na wetse wadamwa lace. ²⁴ Nakuwabvunza: ''Iri ndi gazi langu, malembi, yanzakhala yaciyerera kuna wazinji. ²⁵ Mwa cadidi ninkubvunzani, kuti lekani kumwa kayiri munxero wa muti, mpakana tsiku ire, mungamwa umambo upsa wa Mulungu.'' ²⁶ Kubuda pakuyemba nyimbo ibodzi, wadabuda waciyenda ku phiri la Mawolivera. ²⁷ Jesu adawa bvunza: ''Mwetse imwepo ninzakunamizirani; nakuti bzidanembiwa: Ninzatsamwisa m'busa, ndipo watendi wanzamwazika. ²⁸ Pontho pangu ninzapemphuka, ninzayenda kutsogolo kwa imwe mpaka ku Galileia.'' ²⁹ Napenepo Peduro adati: ''Napo mwetse mucilikukalipidya, ine n'khabe.'' ³⁰ Jesu adam'ubvunza: ''Mwacadidi ninkubvunza, kuti lero, usiku buno, djoingwe asati alira kayiri, unzandiramba katatu.'' ³¹ Ponthu Pedulo, acim'manikidza akhalonga: '' Napo ndicida kufa nawe, cipo ndinzakulamba.'' Na wetse wakhalonga bzibodzibodzibvo. ³² Wadabwera ku mbuto, ikhacemeriwa Getsimani, nakuwa bvunza wapfunzi wace: '' Khalani pani, ine ndicinamata.'' ³³ Adatola Pedulo, Tiago na Jowau, nakutoma kutsamwa acigumbuka. ³⁴ Aciwa bvunza: '' M'zimu wangu wudasuwisisa mpaka kufa kwangu; khalani pano, mucilindira.'' ³⁵ Ndipo Iye adayenda padoko kutali, acigodama pantsi. Adanamata, kuti bzingada kwanisika, afunduke kwa iye panthawe ire. ³⁶ Nakum'bvunza: ''Aba, Baba bzinthu bzetse kwa imwe psakukwanisika; ngayipindirire khapoyi kwa ine; pontho mbabzireke kuyitika na kuda kwangu, manji ande na kuda kwanu.'' ³⁷ Adzabwerera pontho, adzawafikira wadagona; adadzabvunza Pedulo: ''Semeao, ukugona? aukhalindiri nthawe ibozi? ³⁸ Khalindirani, nakunamata, kuti muleke kupinda mwakuezeriwa; m'zimu mwacadidi udakonzekera, nhama idaneta.'' ³⁹ Pace adadzaenda pontho, adanamata, acilonga mafala mabodzibodziyo. ⁴⁰ Pace adadzabwerera pontho, awafikira wagona; nakuti matso yawo yakhalemera, wakhadziwalini dzakumutaira. ⁴¹ Adadzabwera pontho kacitatu, ndipo awabvunza: '' Mukugona basi nakupuma? Bzakuana nthawe yafika. Ndipo Mwana wamunthu aperekiwe mumanja mwa wanhakuphonha. ⁴² Mukani, ambayni; ndipo anindigulisa alipaduze. ⁴³ Ndipo, pace akhafuma akulonga, abva fika Juda, wakuti akhali ubodzi wace pawa khumi nawayri, ndipo iye akhana nthinthi, na mipeni, na mimpini, kumbali kwa wakuluwakulu wanhantsembe, na lembi, wama anciao. ⁴⁴ Nhakumugulisa akhadapasa cilatizo, kuawo, kuti: ''ule wangu nini m'psompsonayo, ndie; mumutenge, mwampolempole.'' ⁴⁵ Pace abwera, ayenda pana iye, acimubvunza: ''Rabi'', amu m'psompsona. ⁴⁶ Ndipo wamutenga na kumumanga ⁴⁷ Pa wanango akhalipopale ada pfuwa m'peni, aciceca nhabhasa wa nkulunkulu wa nha ntsembe, acimugwata khutu. ⁴⁸ Jesu adha tanga ku mubvunza: ''wabwera kandi phata na m'peni na mipini, ninga ine ndine phanga? ⁴⁹ Ntsiku yentse ndikhanae mu themberi, ndicipfunzisa, ulibhe kundimanga, ndipo na tenepai ukucita kuti ma nembi ya itike.'' ⁵⁰ Ndipo wentse wada dzamu lekera, ⁵¹ Na mphale ubodzi akhamutera, akhada funika ca kufunika mu thupi la ku saiya bzakubvala. Ndipo wada mu phata. ⁵² Ndipo iye adhalekera ca ku funika na ku thawa. ⁵³ Ndipo wada tenga Jesu acimuendesa kwa nkulunkulu ya ntsembe, wa ma anciao na wa nembi. ⁵⁴ Ndipo Pedulu amuterera na ku tali ndipo pa kufika munkati wakupindanamo mwa nkulunkulu ya ntsembe, ndipo ada dzakhala na wakuluwakulu, acikhala ku khundo kwa moto. ⁵⁵ Ndipo wakuwakulu wa kwa wanhantsembe, na wentse wa utongi wakha saga wa ku pupula tangwera Jesu, kuti wa muphe, ndipo walibhe kuwona thangwe. ⁵⁶ Nakuti wajinji wakha pupula bza kunama thangwera iye, pontho wa nha kupupula wakha bzibvumiralini kwa iwo wokha wokha. ⁵⁷ Ndipo wanango wakha pupula bza kunama thangwera iye, wacilonga: ⁵⁸ ''ife tabva kulonga: Ine ninza fudza themberi la kuitiwa na manja, pa ntsiku zitatu ninza dontsa inango ya ku saiya kuitiwa na manja. ⁵⁹ ne na tenepoiyo bzace akha pupulilha bzikha bvumiwa. ⁶⁰ Apo nkulu wa nyantsembe adamuka pakati, acibvunzisa Jesu: ''n'khautayiri cinthu? pswanhi bzawo wali kukupupula thangwera iwe?'' ⁶¹ Ndipo iye ada nyamala, alibhe ku tayira bzinthu. Nkulunkulu wa ntsembe ada dza bvundzisasve: ''Ndiwe Cristu, mwana wa wule wakuti ngwa bwino?'' ⁶² Jesu atayira: Ndine. munzawona mwana wa munthu adakhala ku mbali ya didi kwa nya ntsimba, na kubwera na makole ya kudhenga.'' ⁶³ Ndipo nkulunkulu wa ntsembe, acin'gamba nkuwo zace, adalonga: ''na thangwera canyi tinadaswve nyaku pupula? ⁶⁴ imwepo mwabva bza kunama. bzikubwereranyi ?'' Napopo wentse wada mupompha m'poswa ya kufa. ⁶⁵ Na wanango wadatanga kumupswipira, wacimubvunza ''profita''. ndipo wakulu wakulu wada dza mutambira na mabakera. ⁶⁶ Pace Pedulu akhali pa kupindanapo pantsi pace, adabwera nhabasa ubodzi wa nkulunkulu nya ntsembe. ⁶⁷ pace iye adawona pedulu, kuti akhadakhala acibwibisa, adamudingisa, acilonga: '' ⁶⁸ Iwepombo ukhali pabodzi na Jezu, nazareno.'' Ndipo iye adalamba, acilonga: ''nkhandi mudziwi, ndipo ndikudziwalini bzako ukulonga.''; ndipo adabuda aciwenda ku nyumba inango. ⁶⁹ Nyabasa ada muwona, acitangisa kulonga kaciwiri kuna wakhali popalewale: ''wuyi ndi ubodzi wawo''. ⁷⁰ Ndipo iye adadzamulamba pontho. Kubuda popale, wale kuti wakhali popale wadamubvunza Pedulu: ''cadididi iwepo ndiwe ubodzi wawo; na tenepo ndiwembo galileu'''''. ⁷¹ Napopo iye adadzatanga ku tukana na ku dhumbira, acilonga: ''Ndikumudziwa lini munthu wanu mu kulongayi.'' ⁷² napopo dzongwe lida dzalila kaciwiri. Ndipo Pedulu adadza kumbukira mafala yace Jezu adamubvunza: ''Dzongwe yakadzati alila kayiri kene, iwepo unzandi katatu.'' Ndipo iye adzabuda popale acilila.