¹ Pace akhabuda mu nyumba, pfunzi wace bodzi adamuwuza: Mesiri, ona minyala, ya panyumba! ² Jezu adabvunza: Ulikuwona nyumba zikuluzi? Unzasiyiwa lini mwala padzawulu pawunzace, kuti unzapsiwa lini. ³ Pace akhadakhala pa phiri la Olivera, kutsogolo kwa nyumba ikulu, Peduru, Tiago, Juwawu na Andre adawabvunza pawokha: ⁴ Tiwuzeni, ni lini bzinzankhala bzinthu bzimwebzi? Ni cizindikiro ciponi bzingati bzetsenebzi bzakwanisika? ⁵ Ndipo, adayamba kuwawuza. mphole-Phole! Palibe angakunamizeni; ⁶ wazinji wanzabwera na dzina langu, wacidzati: ''Ndine ine'', ndipo wanzanamiza wazinzi. ⁷ Ndipo mungawabva bza nkhondo na mafala ya nkhondo, lekani thupo; bzincitika tenepo; tsono kunzakhala lini kumalizira. ⁸ Thangwe dziko na dziko linza poka, umambo na umambo, ndipo kunzawoneka citeketeke ca patsi na njala. bzimwebzi bzinzakhala kuyamba kwa kuwawa. ⁹ Tsono bzinkhoncerereni; nthangwe munzabzipereka mu nyumba za mphala ndipo na kusinagoga; munzakhala wakumangidwa, mucidzabwera pa maso ya watongi na pfumo, na thangwe la ine, kuti mudzakhale mboni. ¹⁰ Tsono fala la mulungu bzifunika kuti lipalidzidwe mu madziko entse. ¹¹ Wangatolani kuti akuperekeni, lekani kukhala ntima lokoloko nakakulumize kuti mulewe; lewani bzomwe munipasiwa. Thangwe ndimwe lini muni longa, koma zimu wakucena. ¹² Ndipo bale na bale anzaperekiwa kwa kufa, payi kuna mwana, wana wanzadjamukira wazipayi, ndipo acidzawapha. Dziwani ¹³ kuti muti mudzawengiwe na thangwe la dzina langu; koma kuna ule omwe anzalimbikira mpakana kumalizira, ati adzaciziwe. ¹⁴ Ndipo pawo adzawona midzayidzayi akhali pace bzikhafuika lini kukhala,(omwe aniwerenga, anibva), kuna wale wali ku Judeia, anithawa kumapiri. ¹⁵ Kuna omwe walipatsopdzi ya nyumba, mbaleke kubuluka, ndipo nyampodi kuyenda kutola ciri centse mu nyumba zawo. ¹⁶ Kuna omwe ali thengo, leka kubwerera mambuyo, kuti atole bvakubvala. ¹⁷ Kuna omwe anamimba, na omwe walikumamisa patsiku zenezire! ¹⁸ Namatani, kuti bzimwebzi bzireke kucitika mayidza. ¹⁹ Nithangwe tsiku zenezire zinzakhala zakuboneriwa, kuti kucokera paciyambi, pomwe Mulungu adakhazikisa, mpaka lerolino, mungadzabziwone lini pomwe. ²⁰ Ndipo angadati Mambo alibe kugwatiza tsiku zire, palibe angadadzacira; tsono na thangwe la wakusankhulidwa, wace adasakhula, Iye adzazigwatisa tsikuzo. ²¹ Apo munthu angakuwuzeni: ''Uyu pano Krisitu'', ayayi''ali pale ule'', lekani kumutewerera. ²² Ndipo wati wadzamuke ma Kristu yakunama, na maprofita yakunama, omwe anzacita bzixamiso kuti adzakunamizeni nabzo. ²³ Imwepo, natenepo, khalani na tchero; nimbakuwuzani nakankulumize. ²⁴ Manji pa ntsiku zozire, kubhuda pa matambudziko yale, dzuwa linza doka , na mwezi unza cenalini; ²⁵ nyenyezi zinza doda ku dzaulu, na ntsimba ziri kudzaulu zinza tekenyeka. ²⁶ ndipo muna dzawona mwana wa munthu kubwera mu makole na ntsimba ikulu na mbiri. ²⁷ iye ndipo anza tuma ngirozi, anza gumaniza wakusankuliwa wace pa mphepo zinai kubudira kwa kutekenyeka pantsi na kudzaulu. ²⁸ Mpfunzirani mfananidzo wa nkuyu: pawo nthayi wace unza gaika na kudoda kwa matsamba, ndipo mudzadziwe kuti malimo yadi paduze. ²⁹ Na tenepo imwembo, munga dzawona bzobzi, dziwani kuti mi suwo yadi pa duze. ³⁰ Mwa cadidi ndikukubvunzani kuti panzapindalini dzinza loli, kufika pa bzinthu bzobzi bzisati bzacitika. ³¹ Denga na pantsi bzinzamala, pontho mafala yangu yanzamalalini. ³² Napopo ntsiku na nthaweire palibe andziwa, ne kuna ngirozi ziri kudzaulu, kana mwana, kunja kwa Baba basi. ³³ onani, lindirani, na kunamata; nakuti mundziwalini kuti lini inza kala ntawe. ³⁴ Ninga tenepo munthu kuti, abuda kunja kwa dziko, asiya nyumba yace, adapasa utongi kwa wanyabasa wace, ubodzi na ubodzi basa lace, acituma sirikaliwace kuti awonerere, ³⁵ natenepombo onererani, na kuti mudziwalini ntsiku inzabwera Mbuye wa pamuyi; penu ndi mawulo, penu pakati pa usiku, penu ndi ma djongwe yakulila, penu ndi macibese, ³⁶ kuti iye adzaleke kubwera mwadzidzidzi, kudzakufikirani mudagona. ³⁷ Na bzinthu bzangu ndikubvunzani, ndikubvunza mwentse: lindirani.