¹ Pakupinda salade, Mariya Madalena, na Mariya maiwace Tiyago, ² na Salome, wada gula mfuta kuti waka zodze. Na macibesebese, pa ntsiku ya yamba, wabuera pa gorokota, pa kubuda dzuwa ³ Wakhabvunzana ubodzi na ubodzi: mbani anti fungira mwala wa pa gorokota? ⁴ Ndipo akhali wakukulisa . Pawo wadalingisa, wadadzawona mwala ule ukhada funga kale; ⁵ wacipinda mumanda, wadawona m'phale akhada khala ku mbali yadidi , akhada bvala nguwo zakukulisa zicena; ndipo iwo wadadzadhabwa. ⁶ Iye adadzawabvunza pontho: nhampodini kudabuwa. sagani Jesu Nazareno nhakukhokhomeriwa. iye adimuka, alilini pano. ndipano pa mbuto yanu mwamuikha. ⁷ Napopo ndokoni, mukabvunze wa pfundzi wace na Pedulo, kuti akuenda ku Galileiya; kokule munkamuwona, ninga iye akubvunzani. ⁸ Ndipo iwo wakadziwo, wadabuda nakucimbiza, wadathawa mumanda, thambwera wakhada patiwa na mantha na kudzedzemuka; ndipo walibe kulonga cinthu kwa munthu, nakuti wakhana mantha. ⁹ Acimuka na macibhesebhese, pa ntsiku ya kuyamba, Jesu pakuyamba adawonekera kwa Maria Madalena, wace ada budisa madimini manomwe. ¹⁰ Iye adayenda, adabvunza wace akhanawo, kuti wakhada tsukwala na kulila. ¹¹ pawo wadabva kuti iye akhana moio, kuti adawoniwa na iye, iwo walibhe kubvuma. ¹² Ndipo iye adzabwera ninga unango mwa awiri, omwe wakhayenda munjira ya nthengo. ¹³ Iwo wadzayenda kukawuza wanzawo; tsono walibe kubzibvumira. ¹⁴ Pacumalizira iye adadzawoneka pa wa khumi na m'bodzi, pa kukhala iwo wentse pabodzipo; ada taira na kusaiya kutenda na kuwoma moiyo kwawo, na ku saiya kubvuma pa bzinthu bzawo wakhawona bzicimusiwa. ¹⁵ Na tenepo adawabvundza: Ndokoni pa Nyika yentse, muka palidze vangeri kuna wentse. ¹⁶ ule anibvuma aci batizariwa anza plumusiwa; ndipo ule anileka kubvuma anzatongiwa. ¹⁷ Bzvenebzi bzinzatewera wanha kubvuma: na dzinalangu munadzathamangisa madimoni; munadzalonga malewedue mapswa; ¹⁸ munadzaphata nhoka na manja ; na kumwa bzinthu bzakupha, bzvinza kuitanilini bzinthu; munzatsandzika manja kwa watenda, ndipo wanza pola. ¹⁹ Ndipo Mbuye adati, pa kumala kuwabvunza, adatambiriwa kudhenga, adzakhala ku mbali ya didi ya Mulungu. ²⁰ Ndipo iwo wadabuda acikhapalidza ku mbuto zentse, Mbuye aciwa senzesa, na kubvumiza mafala na miratizo kuti ikhawatera. Amem».