¹ Nlaken kin itefla kinew, Pol, amai to nasum malik kat nawesien nig Yesu Kristo kat akam nen kin upi Gentile. ² Au slati teflan nag akam koipe nrog tae nalekoron nig nawesien nig nawian nig atlakikit teflan kin i tok tau kin kat akam. ³ Atok mtir taos tenen kin Atua i tok pei ki wow kin. Tenen ipi natilmorian nen kaipe mtri tu mus kin. ⁴ Malen pafe natus go pato mrotae nametmatuan nig natilmorian nen rusakro itok Yesu Kristo. ⁵ Natilmorian wan ipi te namutien pak nafet intag nakon. Me naten tap kipe murin pei kin tu nafet profet go teweswes tap nig Yesu Kristo. ⁶ Natilmorian wan kin nag nafet Gentile me ru mai pi tesa go ruk nfasu namolien, go nomser ptai sireu ki nauian nig Yesu Kristo, totur nafsan nega. ⁷ Au mai pi teweswes nig Atua nlaken nauian nen a piatlaken totur Yesu Kristo, skot nakerkraian nega. ⁸ Taosi kin kinew alakor ses tol aposol nakon me nawian nega atlakikit i prigi kinew a tok sireu ki nafsan tap pak mus nafet tsentael, tilsei nawian nen itop perkati. ⁹ Reki nen ser natamol ruk seltae namroan kpur nig Atua nen i kaimes ki senalo lap nig emeromen. ¹⁰ Namer nig Yesu Kristo rumai seltae namroan nig atlakekit pregi nafet telekor telesok nig elagsau ruk fo mai pamor ser nakon nig nametmatuan nig atlakekit. ¹¹ Tenen i pakor totur namroan tumautu nen Atua i weswes kin totur Yesu Kristo naot negakit. ¹² tuk fo piatlak nmarakan totur namroan kerkrai nlaken tu sralesokos. ¹³ Malfanen atok paus ki mus nag ko tap mro firfir mau, nlaken nanrogtesan nignew kefo pi nauian negamus. ¹⁴ Nlaken tenmatun nen iprigi atok tapetu ki temen. ¹⁵ Nega kin iptu ki nagi pak ser nametrau nig elagsau go emermen nen. ¹⁶ Au tafesfes nag Atua kefo tumen ptu taos nafsoklepan nig naworan nega, skot nakerkraian nig naten wi nen iskot ik. ¹⁷ A tok tafesfes nag Yesu Kristo i tae tok emaloput nakpom totur naseralesokon negag, go namolien kerkrai negag skot nanromien negag. ¹⁸ Reki nen kin pafo tae mro tae, skot namer tap wi nig Atua , teflan i folfol teflan ipram, teflan ipak elag go teflan ipak etan. ¹⁹ Go pafo tae nag nanromien nig Yesu Kristo i liuliu tol intaewen, reki nen pafo tae pur ki silu nawian nig atlakikit. ²⁰ Totur Atua nen i tae preng sernale tol nafte kin tu paus kin ko nafte kin tu tok mro kin, taus nakerkraian nega nen i skot kit natamol, go nanrernrerwen, ²¹ Nega skot nasumtap nega go totur Yesu Kristo pak intag me intag kai termau tu.