¹ Tetwei i taosi kin tu to nmalko nlaken tu tap taus nafte kin Atua i tili mau, go tu to preg sernale nen itap leg mau. ² Tetwei i taosi kin tuto taus sup nig emeromen, taosi kin tu to etan nakerkeraian ni naten sa nen i to ilfek emeromen, ito preg nawesien nen natamol ruk fak emae ki Atua. ³ Tetwei tu skot natamol . Tu preg namroannigmam go tu taus sup go namroan nig natamol. Atua kefo pestaf mam go kofo preg suptap nlaken sup negakit tunomser pi toskei mas. ⁴ Atua i pur ki nanromien nlaken ipi atlak nap nen itop nen kin ito mur akit. ⁵ Malen tu mat to nmalko ipreg tunomser mol skot atlakekit kat nanromien top nega, ga i welu kit. ⁶ Atua isik kit yunom skot naten ipregi tu skoti to elagsau skot yesu kristo. ⁷ Malen ito mai kefo pei ki kit ki nanromienpur negaemrom nanromien naga mai kit emrom yesu kristo. ⁸ Nanromien pur nega : ku mol kat nasralesokon negag i tap mai reki ag mau me taus naftuan nig Atua. ⁹ Itap pi kat nawesien nen ke freg nagtamol ruktae pes matu kin mau. ¹⁰ Akit nafet natamol weswes go akit nen tu skot Yesu Kristo tu mai wel natamol wi nen tuk freg nawesien wi nen Atua kipe negakit slatlua ito nen tuk siwer skotir. ¹¹ Me akam kofo metpakro na akam kofo tap tae Atua mau . Ru soso na akam utata mas namrun mau kin ru soso ki sekomsaes akit natamol tu to pregi nagmolir kin taos narur. ¹² Me mal nen akam uto emae ki Yesu,akam uto ektem Israel go utik ki nanriksoksokien nen kotkal nafte kin Atua itli.Malpei akam upi nafet natamol nig emeromen mas. Go akam utap tae Atua mau go utapus namroan gamus ikerkerai nanriksoksokwen mau. ¹³ malpei akam uto emae me malfane akam u skot natentap, nmaten ni naten go nran i tro iplak akam mai pak nmeltik ki Yesu. ¹⁴ naten ipregi ipi atlak tmat,ga kin i preng mark nafet natagmol ni Israel skot nafet nagmer pte ru mai wel natagmol ni naor iskei mas.Ga kin i prai sup nen kin itaos fat pur nen ru lao nen i prigi tu to sikskei wel nafet natamol fserser. ¹⁵ I slat lu nafet nanriksoksokien ne Atua itu Moses skot nafet mrag nega. Naten i priging nen raknru mai pak mark keskei mas.Sukp teflan ipregi tu pi atlak nafaketanwen. ¹⁶ Me laken Yesu i mat elang gas Peltakot, i slatlu sukp nen tuto mai pi nagmer sa ki ait,go i slat ait mai skot Atua. ¹⁷ Yesu imai go itil Nafsanwi nen Nfaketanwen go akit nen uto emae, go nfaketanwen ki gar nen ruto meltig. ¹⁸ Malen tuto naor iskei skot naten,tu pitlak nafinatan nen tuk mai pak melting ki Apap gakit go naten iskei mgas i to slat ait tunom mai pi iskei. ¹⁹ Laken namrun teflan akam nafet namer ni Israel nen malpei akam uta pi namer ni Israel mau,akam upe tato tas Nasap ko magmer ni nlaun pte .Go akam upitlak nafinatan ito nfaketanwen ni Atua. ²⁰ Akam u wel ngas ni esum,nafet te weswes ni Atua i mai wel ngas nen ilau to natik tkin. ²¹ Go nafet ngas karu emrom esum nen ru mai pak naur iskei skoti,go kat nenen rutuleg kerkrai taos narustap go ito wi. ²² Akam ko fak naor iskei skot naten nen itaos nasum iskei mgas nen Atua ite tap tkos to sernaliati skot naten nega.