¹ Kineu taos taus natmol nig naot amurin nrik mus kin teplan na pa siwer taus nale nat nen i sos sok. ² Inrik ag kina pa siwer plak nfaketan wen,sup wi,go nmaomao wen, pei ki tepotai ki namroan. ³ Go pa felak sokir ki naten wi ni Atua skot nmat ga. ⁴ Ipi atlak namolien iskei go naten iskei ito pios toskei nafioswen tap nag itok sosok kin. ⁵ Ipi atlak naot iskei,nfafatwen iskei,go bataise iskei. ⁶ Atua iskei nag ipi apap nig telap, me nega ipi atlak sernalo lap go itok sernor. ⁷ Go ipak sernat nag Nanromien itoklosir skot mak nig naftuan nig kristo. ⁸ Ipi atlak tus nen itli nag, teplan itau esan kai ler pak elag,go ining tenag ru of nmot puet, nmot pir negar go ipregir ru mol.Go iptu ki naftuan tu natamol. ⁹ Nafte kin ipi mpet natulenan nega,mpten itli teflan nag nega isu mai pak etan Emeromen nen. ¹⁰ Go ga isu mai pak etan i mer pi ga iskei mau ni Atua ¹¹ Christo imtalu tete nen rukfi tasil nega,tete rupi profet,tete rupi evanjelis,tete rupi paster go teplaksok. ¹² I ptu ki nafet nawesien ne i tuer kin,nen ke tfakor natamol tap nig Atua raki nawesien.Raki natfagien ni nagmolin ni Yesu kristo. ¹³ Go sermal tu tau tfag namolin nag tuk fo mai pi te skei mau. nfafatwen go ntaiwen tatur nani Atua nag tuk fo tae mai kerkrai nag tuk tkal mak,nmaiwen ni Yesu kristo. ¹⁴ Yesu kristo itok tfag namolien gakit ipi nlaken tupe tap taos tesa mau,nag tuk tae mrotae telap nag rupi nafsirwen go nasursurwen. ¹⁵ Tuk til natilmorian go nanromien,nen tuk ftom kerkrai totur supwi nega.Nega ipi Christo naot itfag nagmolim imau wi. ¹⁶ Go ipuet ser nfaswen rumai pak naor iskei ne ruk mai pi teskei mau.Go selwan ser nfasuen rupak naur iskei ru preg namolin imai pi iskei totur nanromien. ¹⁷ Tewan anrik mus kin nag ko tuleng kerkrai to Yesu naot, nen ke tap siwer ur napu ni Jentail mau,taus nafiparorwen ni namroan negar. ¹⁸ Nlaken ru malik skot ntaewen negar,negar ru tok emae ki namolien ni Atua, nlaken ru malto tae.Nlaken nakpor i kerkrai top. ¹⁹ Nmalierwen kipe tik kir, go rukoi tok folfolsa go ru preg nrog ser sup nig nafolfolon sa. ²⁰ Me itap teplan tu tae totur Yesu Christo mau. ²¹ Atae nag ag kupe nrog nagrogrogon nega, go atae nag ag kupe tae nag natimorian ito yesu. ²² Tewan ipi nlaken tuk tao namolien tue nag tu tok os tok,namolien tuei kenom.Namolim nag ipelak touotu ki kit go ipreg sa ki kit. ²³ Tewan kin tuk nre napokit ke mai faum. ²⁴ Nag tuk mai pi natgmol faum, plak nakaimesien ni Atua totur nalenan go nalenan nega. ²⁵ tuk tao nafsirwen kai tilsei natilmorian pak tepotae, nlaken tu pu asel iskei mau. ²⁶ Pa tap maet mau nlaken pafo pi takpar. Patap pusok nmaito pan al ke mtar mau. ²⁷ Pa tap tu naten sa mal mau. ²⁸ Tenag ku pnak pa mer ta pnak mau.Me pa fregi nag pa weswes,pa freg nawesienwi skot narum,nen pa fiatlak tenmatun ne pa tu tefarea kin. ²⁹ Pa tap tao tete nafsan sa ke taf gkanrom mau.Pa tilsei nafsan wi pak tenag ru ptol go ru manreu ru nurin,ne nafsan wi gog kefo psawi kir. ³⁰ Ko tap preg naten wi ni Atua ke nrog tesa mau, totur naten tap tupi atlak mak nen tuk fo totur nagmolien faum. ³¹ Pafus sup nig nmaeto kefak egmae, go pa tao nmato go nafrapwen kerkrai, pa tap ler ki tenag i sa ki sukp sa mau, go tao sukp ni naten sa. ³² Tuk wi ki te potae, kai negar seraletu telap Atua totur nanin Yesu Christo inegakit seraletu.