Pasal 8
YESUS SISO NA DETELROTE POYE MEKOMBUKO
1
Nepelre Yesus meko bulra lre a'te meyowe, detelro doplre nete taukainelre.
2
Nepelre, siso na detelro beisika nekote meyowe, nena bekoune yengkengte dusungkeko, neplrena saneyonu, tua mai wena kenabise dinyena we dete poye mekotuponde.
3
Nepelre, Yesus nena mete nunsuku nete meye kelrouku, saneyonu, de kena te denlrena, poye duponde. Ne suselrei, siso na detelro nepe poye dupuko.
4
Neplrena, Yesus nete saneyonu, dou te poye tewe, we da atena detelro sitena pelre sanipainya, nepelre e'we wena e'ute imam kena bekou ne kilriuponde, nepelre sa bupoite Musa saneyomuna mane nete tlreplrete e'lenaye.
Pelre Detelro Simbei Poy Deyembuko
5
Nepelre Yesus Kapernaum teesute yowe, Nekote perwira simbei meyowe, Ne'te diyiyounu.
6
Neplrena kaye saneyonu, tua dena kembalri detelro miye ne tenowe mendai denaipeko, peko telrete tuwanu.
7
Nemena, Yesus nete saneyonu, “De metlrena nete poye de'yetembonde.
8
Nemenape, ne perwira ate sauku, nepelre saneyonu, “Tuan, denalre tuwanalrena we dena miyedoku tena ipainya, netenate beimote sanetuponde nepelre dena kembalri detelro poye dumbonde.
9
Neplre, delrati, nepelre dena ana pelrayopelre. Nemena de simbeite tembonde, “Ewe” ne'nepe yowe, nepelre si delrati, “Mewe” ne'nepe meyowe, nemane delrati dena kembalri detelro. Da sate mekowe, neplrenakaye ne nepe mekoyowe.
10
Nepelre Yesus ne ate betopuko, ne eute titeyekuko. Neplrena detlro nete taukainelrenate saneyomu. De telrepelre nate we senamalre, De Israel detelro nelrona kena telrepelre damena mena tupeyipai.
11
De wete senamalrena dopelre menay anasulre yepalre sulre menaye Abraham, Ishak, Yakub pelre Surga ne sate membei anenaye.
12
Nepelre delrati yei nining ne kerajaan lre nekobulrute yelronaye. Neplre alrate senaye, dimite diminaye.
13
Nepelre, Yesus pelre belrangkate saneyonu, Ewe, beyamane mekondena ne wena tlrepelre bulra mone. Nepelre, ne su selrei delrati nena kembalri detelro poye dupuko.
Petrus Kena Nena Mutu Pelre Detelro Doplre Pelre De Ye Yomu
14
Neplrena Yesus Petrus kena miyete yowe, Ne douw te teyowe, Petrus kena nenamutu samekoyonu, anetenoyo.
15
Nepelre, Yesus ne nameng kena mete kelrouku nepelre, esu yumuku Yesus te dikiyonu.
16
Nepe denete meyowe, detelro dopelre alru peko-peko kelrokumulrenate yatekaimelre Ne kote miyaye, nepelre ne ambeimo, alru peeko-peko te baite sekeyomu, nepelre emukuna detelro sa nate deyeyomu.
17
Netenate, nabi Yesaya kena a saneyomuna nepe noulre mekombonde. yuwumbonde “Ne ena kani-kani te elrentinde. Nepelre ena sa mekaimena elrentinde.
Yesus Kena Oto Touna Te Dutponde
18
Nepelrena, Yesus teyowe, detelro dopelre nete yembeibeko. Ne bu disute neyenate saneyomu.
19
Nemena, mendona-mendona detelro simbei meyowe nete saneyonu. Detelro We menoute euna de wete tautewelre.
20
Nepelre Yesus nete saneyonu, serigala nenei ambulrupelre nekewe, nepelre awe mane mane welrayena nenei nalre, nepelre, Walri Yei nena belrengkate sansindena now ambai.
21
Nena ototou delrona, simbei nete saneyonu, “Tuhan, dete kalrote it lre telre delrei memaite pelretembonde.
22
Netena, Yesus nete saneyonu,” Dete tawutulre. Nepelre, detelro soweyowena, nepene nenei detelro nete kanine kelronaye.
Yesus Alru Te Nemou Peko
23
Neplrena, Yesus ei bulrate sakokene, nena ototouna nete taukainyelre.
24
Neplre, tiyaye, bunelrone Alru delre sekepuko meyowe nepelre nau nena eite pelremutuku, nemane laiti, Yesus kutetenoyowe.
25
Nepelre, ototouna Yesus kote miyaye, nete yeng keraingsiki, saniyanye, "Tuhan, dete poye mekomuponde, e peko duma pone!"
26
Nepelre, beya tenate, "Endiki dekaukuko, wena telrepelre ambai? Nepelre, Ne, emiki alru pelre bupelre asembuko.
27
Nemenakaye, ne nete saneyomu, "Beyamenapote we endikite dekaukuko. wena telrepelre ambai? Nepelrena ne emiki alrute malrentuku. Nemena detelro kembengte bitiyaye nepelre elriyaye. Ne, beyamena detelro sate, alru pelre bu pelre nete betaimbeko?"
Gadara Na Dobeselrei Alru Peko Kelroku Pelre
28
Nepelrena Yesus bu disute yowe, Gadara yote yowe, detelro beselrei alru peko-peko kelrokupelrena nete tupe'yekeinyelre ne bulrebulrare kiyate miyoye na alre ma doplre, nepelre ne nipitena detelro sipelre yalripainya.
29
Nepelre, tembe, ne alrate seyoye, elriyoye, "Wembelre dembelre beyamena kalrote elremalre, Anak Allah? We beyamena pote We miye nenei selrei nemeye, dete pekote mekomuponde?"
30
Nepelre, opo delrona baite ne sate duweyaye.
31
Mase delrona nete diyiyanye, neplre saniyanye, we elreupondena dete sekemuponde, de opo delrona kena eueite malre.
32
Nemenakaye, Yesus nete saneyomi. "embe" Nepelre, ne diyate miyaye opo delrona kena bulrate yaye. nemenakaye, ne opo delrona etu yelre buyeite seyoye notitiyaye.
33
Detelro opo delrona sema pelre nikiyayena, nenei eute senoyaye Tenuyaye yote esute yaye, mukunate saniyaime, nepelrelati detelro mase pelre kelrokunulrena.
34
Nepe, tiyaye, diyate miyaye Yesus pelre tupeyiyaye, Nepelre ne Yesus te tiyanye, ne diyiyanye nepelre baite ende.