Pasal 7
Detelro Kena Pekotena We Tiyeikoipaina
1
"Detelro si kena peko tena we tiyeikoipaina netenate wena pekotena tiyeikoipai.
2
We nena te tiyeikombena detelro si we tena nemane delrati tiyeinaikonde, nepelre we tuwanyena selrei nemandelrati we te tuwanaiwelre.
3
Beyatena dokeka si kena dou kese te tinye, wena dou kese tena kaye itipai?
4
Beyamenapote, wena dokeka te damane ate saninye, 'Dou kese wena dou eilrena te baite douwitelre, nepelre tewe, wena dou yena kese neme nekewe?
5
We, detelro yeko peko-peko pelrena, wena dou kese te baite douwe.
6
We' sa' sena melro-melro yoku tena ipainya, opo kena bekou tena mutiara tena tinderipanya netenate ne otona titawipaina nepelre bulrunaisine we te bete-bete besenaipone.
Diyiwe, Duwewe, nepelre Bapewe
7
"Diyiwe, nepelre ne a kalro we' tena inai welre. Duwewe nepelre nena te we' douwe. Bapewe, nepelre ne a kalro wetena tuwunaisine.
8
Netante, detelro diyinaina, nenate neye donde, nepelre detelro duwendena nenei pelre delrati dowende, nepelre ne bapendena netena tuwunaisine.
9
Wena nelrolre si me, nena yei pieu te diyiyowe olru te ikine?
10
Nemandelrati, nenei yei ka te diyiyowe, beyamane nenei yei te walre te inulre?
11
Netenate, we' peko detelro beyamane, we nemeye nembombe, sa' bu poi te wei yei yatimena mane, nemanedelrati Memai surga na, Ne' kote diyunelrena, we' kote sa bu poi te inewelrena."
A TUNG NENA MEMETELRE
12
"Netenate, we' na kenalrena detelro si we te kilrinaiwalrena, we delrati detelro si tena kilriwe ne a Atung eine nepelre nabi kena semo eine.
Walri Tena Nipi
13
Mau kekelre we' esute yalrewe, mau kulra pelre nepelre nipi delre nena peko nipi tena, nepelre detelro dopelre esute naiye.
14
Netenate, mau keke nepelre nipi keke nena Walri kote, nena detelro telreng mbai yalrenaiye.
A Tiyeite A Keyane Nena A Peu-Peu Te Danyena
15
Nenanate, a kiyana a' peu-peu na domba mayong te titimbonde we' kote mende, delrena ne yoku selraina.
16
Nena eu waunaina nepelre we nete nimeyenembonbe. Beyamane detelro anggur na te sa siye nelrone koplrinainelre nepelre ara nate onung siye nelrore koplrinainelre?
17
Nemanedelrati, o' nung poitena nena eu poi te waunaye, nepelre o nung peko nena eu peko te waunaye.
18
O nung poi tena nena eu peko tena wawipai, o nung peko tena nena eu poi tena wawipai.
19
O nung eu poi tena mekoipanya baite desenaye sing bulru balrenaye.
20
Netenate, nena eulre we nete nimeyenembombe.
21
Metelrena detelro De tena nemane tena elripai, 'Tuhan, Tuhan, Surga Dia delre esute naye, netenate Memai kena A kalro poite mekondena te nende.
22
Ne ya tena, De te senenantelre, 'Tuhan, Tuhan, wena eudone a kiya te saniyanalre, nepelre alru peko-pekote wena eido eine sekiyamalre, nepelre kembalri telrengdoplre wena eudone mekoyande pe ambai?
23
Netenate, De netena a te saniyamalre, 'De we tena bete pelre nimeipai! Denalre baite euwe, we peko te mekoyauna!""
Betewo Nepelre Mekowe
24
"Netenate, metelre detelro Dena a elralrena te betaiyena nepelre mekonaiye nemane nolruna detelro te dumbonde nenei miete olru burane melropuko.
25
Nepelre, bi melrondena nepelre bume mende, nepelre alru sekendena ne mie baitena bulrutipai nena ne mie olru bulrane melropuko.
26
Nepelre, Dena a elrarlrena te betonaina detelro nepelre ne a tena mekoipaina detelro pelro-pelro tena mane nenei mei te kisi bulrane melropuko.
27
Nepelre, bi melrondena nepelre bume mende, nepelre alru sekendena, ne mie ne kelrouku, ne mie ate bulrutuku, nepelre peko detelre dupuko."
28
Yesus Nena a elreyowena te ketepuko, detelro dopelre Nena a kilriyoumena te kembungte bitiyaye,
29
Nenei delrei bulralre detelrote kilriyoume, nepelre nena ahli-ahli Taurat pelrena mena ambai.