¹ « Kasa mambi a la bara mpe nze ba aka ofiri mambi. ² Mundobu nzi ba osa mambi mutini esasa nze mambi a la bara, mpe motini eye nze bara bunu ba yi nze, liye lesoni li bayii nze. ³ Mpe ki motini nze mumuene etiti ike mukara du lebuni, nze mumuene we etiri ki nene ike mudiu lenze? ⁴ Ki motini nze lie a la buni nze:'' madi me kiao itiri mudiu lenze '' muene nze eni itiri ki nene mudiu lenze? ⁵ Ngamampia! kiao ku itiri kinene ike mudiu lenze mpe nze emono yana mu ukiao itiri ki nene ike mudiu le biuni nze. ⁶ Kawa bilo beyana kuke babua mpe katibi bilo be bara bibue a la banguu; mumutini mukimi, ba buari mutibi, kirebu bo ba bamu mpe ni ba linsiri ndamu ndamu. ⁷ Laa mpe nde aliwi wa; sao, mpe biene libobo; bero, mpe nde alifufu. ⁸ Mundobu ndeso we laa abobo, mpe ndeso weso abobo, mpe a la muru we ebero ifiu enze ba mufufu efiu ende enzo. ⁹ Mu libu munkara biene ma, yabu mwana muli muli limpa, nde sa miwiu kuano? ¹⁰ Yabu nde muli mbi, nde wa muwi tée? ¹¹ Muli bara babi like biene, biene liyabi awa bilo bi bibue a la bana a la ba balande? ¹² Mamaso, mpia mamoso likiuni biene bara basa mundo biene, biene mpe lesa kobunu; ndoki mamana muke maluo mpe ma batumu ba nziame. ¹³ Somo mu efiu ki ekeke, ndoki efiu linene kibibiri bara mulinfu, mpe bara tsu ba banama nzi eso yini. ¹⁴ Mundoki nzi ikeke ike ifiu mpe nzi ekeke ye nsunsua ku mawama mpe bara bansi ba ye momono. ¹⁵ Libunu yta yana ba ntumu babi basame mukara biene ba buari bibana bi meme, mulibu mu mikuo bo bake bango ba badia bara. ¹⁶ Biene liba yaba mu bisia babo. Wa ki bie mu muti mansiene mukara muli mansiane biene likaka we bie efugi? ¹⁷ Mutini mumo, muti ndeso wu mubue abuburu abie yi bie, muti wu mubi abu buru mbue yi imbi. ¹⁸ Muli wu mubue asa aburu we mbie yimbi, muti wu mbi osa buru we mbie yi mbue. ¹⁹ Muti ndeso buburu mbie ye mbue ba munsiri mpe ya ba motibi mba. ²⁰ Mutini mumo, biene liba yaba mubisia babo. ²¹ Kani ba baliwe:" Mfumu, mfumu," ba basomo mu bokuru boneiame bangie, muli esomo ba basisa mando ma eku kuru tara me nziame oku yu. ²² Bara tsée munsu leso bandie a la me," Mfumu, mfumu, biu leya nsamu we nsia mundo nkumu nze, lensuo we banfu mankumu nze mpe biu le sia we mando monene nkumu enze!" ²³ Mulibu me balie ibini puli:" me liyabi we! limaru akua me, biene lesisi mando mabi!" ²⁴ Muli ndeso we yu mando mame mpe aka motini mumo muru nga makani etui nzo nde mu makuano. ²⁵ Mvu muiu, madia eke malui mpe ifu ebini mukara nzo so, muli nzo eso ebuero we, kuobu nzo eso batuiu anzia ma kuano. ²⁶ Mulibu muru ndeso we yu yu mando mame mpe ya insiamu, bu musuesue me ake aka muru ewu we tui nzo nde mukara sie. ²⁷ Mvu emuiu, madia eke maluiu, ifu ike yi mpe ya ewiu mpe ya insamu, yeso.» ²⁸ Biu eto mebu Yesu ya mani obi mande momaso, ibu eso ebara ya ba fuini tse ma ba basuesue nde, ²⁹ Kuobu nde basuesue aka muru ke ya infumu mpe nka banga mampia we.