¹ Mu nto esuru Yesu ongia bana, ebui bara tse oya munama. ² Ta, ngabu biele bokuo yayi mpe ya bafini maku buo mpe ya mulie: « Mfumu, kiri nzi kuini lie me nzu yana.» ³ Yesu asui kuo le nde mpe ya mukuari: « Me kuini, yu yana.» mu mbala ma kuo lende ya lifi. ⁴ Yesu ya molie: « lue kalie muru ndeso. we mpe fusuo a la banga nziame mpe wa mafuru ma lisue MOISE nde osuo mando mabue.» ⁵ Mu nto esomo Yesu mu Capernaum, mukuru mumo (babui bui) suda. ⁶ Ya mubueno mpe ya molie:« Mfumu, we sisa ame ele munzo kuma lu ake kayana akuikuiu we onsuru.» ⁷ Yesu ya mulie:« Me we a la nze me mububu.» ⁸ Mulibu mukuru ba suda ya mofiri: « Mfumu, mu buani we yebu nzi somo munzo me, mulibu lie onze ndo moo mpe muru me esia a wa wama. ⁹ Kuobu neke muru ebu bansi ani bonfumu bo me, mpe me ni ba suda etutume. Me ni ndu a la nduru " we " mpe nde awui wue, mpe a la wu muke " ya ", mpe nde ayiya, mpe a la muru eme isia " sakobo ", mpe nde asasa.» ¹⁰ Angole amuyu nde, Yesu ebunguo ya kumunsui mpe ya lie a la ba ba^mame nde: « Mu lilie ma ebini, me mamono we mwiru nga ikui oko mukari ISRAEL. ¹¹ Me ya lilie, tse baya ba bafua kue tutu lée a ku elalal tée mpe bo basiu mu mesa bu mo ya Abraham, Isaac mpe Jacob ku bonfunu bonziame. ¹² Muli bana bonfumu ba batibi ongi kuke pibi, oko eka olii ya odia mini.» ¹³ Yesu ya mulie a la mukuru basuda: «we! aka bukui nze, a la nze maka bobunu.» mpe muru nde isale ya wame mu ntoo iso yini. ¹⁴ Mu nto ito Yesu onzo Pierre, ya yimono boko bo Pierre wu mukara ele eni baa. ¹⁵ Yesu ya mubiebe mukuo mpe bia ya lifi. Mulibu, nde ya nsubu mpe ya be basia. ¹⁶ Ndobu bu eto, bana ya nsua ku ke Yesu bui bara tse ba nfu ba bakuari, mpe mundo mo, nde onsuao binsui bibi, mpe ebu babiele bobaso. ¹⁷ Mu yiyini yo ya okuiu mutini elie ntumu nziame Esaïe: « Ya awe nde ngako maduiu mpe nde ya kiu Yawe mando mabiu.» ¹⁸ Bamwene Yesu ebui e bara ba mosi ankari, nde ya batumi liluru ngu enza e Galilée. ¹⁹ Angiako muru mumo yayi ya molie: « Mukuru esusuo, me ya muluono nto yeso ewenze.» ²⁰ Yesu ya mufiri: « ba nfie eni manzo mabo mpe banini ba kungie eni mayama mabo, me mwana muru bumo ebu sasi munsui nde yo we.» ²¹ Batumu bande mumo ebo ya mulie: « Mfumu ngua nzi me ngue ku fudiu tara me.» ²² Angiako Yesu ya mulie: « Mame me yeo ba banfi ba idui ibo ibo.» ²³ Yabu Yesu ya aliri mukara buara, ba tumu ba nde ya bamumami. ²⁴ Ta, ifu biene ya yi mukara nzia, mukara kko buara ya buyu muya madia; mobo Yesu ele. ²⁵ Botumu ya bayi a la nde mpe ya ba muwui ya ba mulie: « Libu biu, Mfumu, biu leyu akua ya le nfa! » ²⁶ Yesu ya balie: « Ndoki biene like ya buomo, bara okiu onsi?» mpe nde ya wiu ya alie ibini a la ifu mpe a la ngia; mpe ifu ya ifu kuoso. ²⁷ Bara ebunguo ya kibansue mpe ya balie: « Nki mutini e muru wuwu, nsa ifu mpe nzia e muyu?» ²⁸ Yabu Yesu ya winu nto mana ma makumi Gadaréniens, bara bue bake ebu mukara bo balu ya munfu munduru mbo ya yimono. ya ya yitu ku mapieme mpe ba keke aka banga misu, muru mumo baba wini ndu esa balura we akiana. ²⁹ Ta, bo bayu mungamu mpe ya balie: biu like ya ndo ya nze, mwana nziame? nze eyi akia kue ya liwa mubula ku eya eto ina kibalie?» ³⁰ Eke, ka ntama we, ya yako, ikii kiba ngi kinene ya babiu. ³¹ Ba nfu ya bayi ankua Yesu ya ba mulie: « ya nze nkuini onsao biu liyuo onze mu ikui eso ki bangi kini.» ³² Yesu ya balie: « liwe!» binsui bibi ya bituiu mpe ya bisome mukara bangu, mpe te muli, imbui ki bangu ya bayu munduile musuru mulamu le nzia mpe ya bafulo mumadia. ³³ Bara ba ba eke bangu ya ba bari, ya ba wini ku bula biene mpe ya ba fulie momaso ma maluiri a ba mwewe ma yito mukara bara bake ya binsui bibi. ³⁴ Ta muli bara bobaso ba basiu mubula bu nene ba tuiu kuya mono ya Yesu nde bamuene boya muene ya bayu mumpe ndobu nde ntu mu mukiri ebo.