¹ Ma ekiri mana mando mamabue amiu me bara kuobu bo ba mono, mu mutuneso nze kie bowe akua tara nze nziame wi eke oyu. ² Muli kibebu nze ewa mafuru a la ba bamini obo, kata ikuo. aku nze, baba esa mando ma ediame ku ibini, me ya olie bo basumabo lifuru lebo. ³ Mundo biene kiri nze ya wa mafuru ma bara ba me bobo, muli kuo le nze li ikali likayaba makiluiri kuo le nze li luimi, ⁴ Ki kabi nze sa ku ilue, ndoki tara biene etita ku lue a lifufuru. ⁵ Kiribu biene ya lesomo, likaka anka ba basisa mando kulue, ndobu bo ba kukunu osama mikiri mu manzo ma nziame mpe ku minfunu ma ma nku, ndobu bara ba bamono. mu ibini me ya lilie, bo basumabo lifuru le bo. ⁶ Muli biene kui biene lesama lisomo okara nze, kuru efu nzo mpe sama tara nziame wu ke bo ilie; ndoki tara biene we momono mande ma elue a lifufuru a la biene. ⁷ Mpe yabu biene lesama likabi mbi wie aka bu esasa babu ba basamu we, bo ba fufuru bo bakiu ku ba bibi tsée. ⁸ Muyiyini, likaka aka boo, ndoki tara biene yabi ku ki lela biene. ⁹ Muli, ta mutini lisamu biene: « tara biu oke oyu, nkumu ka yembue. ¹⁰ Muli lamu lenze liya ma eku kunu nze maka kobunu mutsi ya oyu. ¹¹ Liwa bo boli a la biu bidia bensu loleso. ¹² Libueno biu mu mambi ma biu momaso, aka bu lebiene biu ba likiri biu mabi. ¹³ Kali tsua ku mambi, mpe likiao a la makani ma mabi (munfu).» [ndoki a la nze kuke, lamu le nze mpe nfu nze, mpe bise bunze bika epini, oka bunu e firu biene!] ¹⁴ Ndoki kiri ebu biene li bueno mabi ma bara ba basa biene, tara nziame eku yu nde mpe ali bue bueno a la biene. ¹⁵ Kiri ebu biene libu bueno we ba basisa biene ama mabi tara biene nziame eku yu nde o mpe a libueno we mu mambi ma biene. ¹⁶ Kiri ebu, muli biene lime odia ndo osama, lika isuo ngebe aka ba basisa ba ba nfuru mampia, boya ba bamu bosu bo ndambu bara bamono bo bame odia ndo bisamu mu iini, me ya lilie, bo basuma bo lifuru le boo. ¹⁷ Muli biene, yabu biene lime odia mundo osama liyulu mutsui ebiene mpe lisuo bosu bobiene. ¹⁸ Ndoki likasuo a la tara biene leme odia mundo bisama muli muna a la tara eku limono ku ilue, nde a lifu furu. ¹⁹ Lika lue libo le biene mumana kuobu mususobo mpe ya batse ba didia to bibi lisome mpe li bayibi. ²⁰ Mundo bu lilue libo le biene oyu kuobu misusobo mpe batsé wa badia we mpe bibi wa somo we mpe bayibi we. ²¹ Ndoki bu eka bilo nze, mukou nze aka mpe a kiana. ²² Diu like yana munduru emuru, yabu diu like yana, nduru ye oso emono yana. ²³ Yabu diu like lilibi nduru ye eso ke mopibi! muli yabu okie oke ya nze oke pibi, pibi eso e tse ke kimotini? ²⁴ Muru mumo sa asiawe banfumu bue, ndobu ama mo mpe akunu mumo, amiwa a la wu muke ayu mpe wu muke. nze esa siawe nziame ya bilo be nze. ²⁵ Yiyini yo me lilie, lika funu mando malama ebiene, yabu muli biu ledia ki to biu lenua nki (to munduru biu, biu le buara nki). lamu lebiu liluiri bilo biu odia mpe nduru luiri biko? ²⁶ Lita banini ba oyu! bo bakunu we mpe ba kakawe, mpe ba balue we mbie mukara mbini, muli tara biene nziame ku ngie baliu. Biene liba luiru we a la bo? ²⁷ Na mukara biene wa si nsa tsu mulamu lende? ²⁸ Ndoki biene le fifni mundo biko bi ubuara? lifunu mundo bitiri bi onsio beku na ensu nsumu biko bebo. ²⁹ Me ya lilie nsa salomo mu lamu le nde eke buari oluru bitiri. ³⁰ Yabu nziame ebuaru bitiri biu onsio bi bike loboli mpe ba musu ya bitere omba, ki motini moli nde a la biene ali buaru we, biene, bara akiu ndamo? ³¹ Biene likaka ya ngebe mulie kobo: « Biu ledia nki?» to, « Biu le ngua nki» to, « Biu le buara nki?» ³² Bilo bisomi esoso babu basasamu; tara biene nziame ku yu yiabi bi le kukunu biene. ³³ Nku lisao bo nfumu bo nde mpe ya mambue nde, mpe bilo bio beso bali li wuwa. ³⁴ Kabi funu onze mundo lilimo, ndoki lilimo nde nganko a lifufunu. Nsu lileso ya mando nde ya makuiu.