¹ Bueto yesu yamani bi moo be nde biebeso, nde yalie a la bantmu: ² « Biene liyabi yebu paque ya libemo sia mansu mue, mpe mwana muru bamu kakaba mundo ba musa mu ekulusu.» ³ Muli banga ba nziame mpe ya ba nkuru ba bula ba bara ya baya ba nvinu mu siaru bo Caïphe, nde mfumu e banga ba nziame. ⁴ Boya bakuiri binfini mubue ku bakuara yesu mpe bawe bafumudu. ⁵ Muli bo balie:« lika makuara ina kilama ndo oma ebu bara bakakubu.» ⁶ Yesu ake kubula bo Béthanie munzo Simon muru nga kuo, ⁷ Ina ebu bosawu badia angia mesa, mukara mumo yayi ya bini yi emebe ma oki munduru mobu make mota enfunu; mpe nde ya mowiri mu munsui nde. ⁸ Muli, ina muene bansu bande muboo, boya yi keni mpe ya bayu mulie: « mundoki masi nde ebu ki abo we? ⁹ Mele maso ma mota tsée biene lekaka letio mo mu muta enfunu mpe liwa a la bara bawene ilo (nkono).» ¹⁰ Muli yesu, eke bayabi ma mafini boo, nde ya balie: « mundo ki biene lisisi mukoo mibi a la mukara wunu? nde asi ndo ebu a la me. ¹¹ Biene leka ntoo yesu ya ba nkoro, biene leka ntoo yesu ka yame yesu we. ¹² Mu ina awu nde meli maso maki munduru eme yesu, nde assi mundo odiu me. ¹³ Mu ibini me ya lilibue, mu mabu momaso ma mukiri nsini ku nsamu nsia eso ye mbu ye, balie ndo mukara eso wunu bafuru masi nde.» ¹⁴ Mumo webo eke bansu kumalbue, mukumu Judas Iscariot, ot, ya wini a la banga ba nziame. ¹⁵ Mpe ya balie: « Biene lengua ake ya bu me likabi nde?» bo ba fini ba muwa nzimi bi biene mabu maturu mundo nde. ¹⁶ Mu ina eso kini, nde yayu musao makani ndo kua mokabu mpe amuto. ¹⁷ Munsu letere limampa ma le bibimi, bansu ba nde ya bayi a la yesu mpe ya ba mofi: « nze kuini kuini liwe lifu yilu bu edia nze bilo bi ilama be Pâque?» ¹⁸ Nde ya bafiri: « liwe ku bula bunene a la muru mumo mpe li molie a la nde: '' Mfumu alie: « ntoo ya beno. me kuini edia bilo bznkoko be Paque ku ke nze ya bansu ba me.»"» ¹⁹ Bansu bande ya bawini basi bua abatuimi yesu mpe yaba yilie bilo be nkoko be Paque. ²⁰ Nkoko bu itoe nde ya siwu a kua mesa ya bansu bande nkuimi ya bue. ²¹ Mu ina balili, bo nde ya lie:« mu bini me ya lililie, mumo ebiene ankaba mpe antitio.» ²² Bo bayu ya ngebe tsée mpe mumo ebo ya bayu mu mufu: « Ibini me, Mfumu?» ²³ Nde ya bafiri: « webu asa kuo ima ya me mukara die, nde wuwunu we tio mpe we kaba me. ²⁴ Muana muru awiwe mutini ba komi mundo nde. Muli ngebe tsée a la webu mwana muru nde mukabi mpe nde mutio! Ebueni we muru eso wunu muka muburu we.» ²⁵ Judas, we kuini etio mpe ekabu nde ya molie: « mpe me, Mfumu?» nde ya mofiri: « Nze ngako elie.» ²⁶ Mu ina ebu bo eke badia, yesu ya we limpa, ya lituene, mpe ya linsiri binsui. nde ya awi a la bansu bande mpe ya balie: « liwu mpe lidia. Yiyi eke nduru eme.» ²⁷ Nde ya kobu mpe ya siama ya tuene. nde ya bawi mpe ya balie: « lingua, biene baso; ²⁸ Ma ma make maki ma me, me bimo bibi yano mama wiru mando bara bo baso, mundo udimu mambi ma bara momaso. ²⁹ Muli me ya lilie, me bungua we ma mbie vinu te nse lilibue ebana me ya biene mu bonfumu tara me Nziame.» ³⁰ Ya mani ata isiama, ya bawini angia bana li oiwe. ³¹ Muli Yesu ya balie: « Biene le mbambara mu nkonko lo boli; kuobu ba kome: " ³² Mu ina ewu me, me ewe ku Galilée.» ³³ Muli Pierre ya mulie: « nsa bara bo baso ba obari, me sa abara we.» ³⁴ Yesu ya mulie: « mu ibini me ya olie, munu pibi eso yi; ina ebu nsu muluimi kuo, nze ntumu a la me mbala turu.» ³⁵ Mpe Pierre ya mufiri: « nsa ebu me ye nfa ya nze, me esa otumu we. mpe bansu ba nde bobaso ba balilie motini mumo. ³⁶ Muli Yesu ya wini ya boo aboo babui Gethsémané mpe ya lie a la bansu bande: « lisiu akia me ya nguini bukimi ako ya nfunsama.» ³⁷ Nde ya we Pierre ya bana bue ba baboo ba Zébedée, mpe nde yayu ba osuo ngembe mpe mawa ya ba mabiao. ³⁸ Akiana, nde ya balie: « Makoo eyu ngebe tsée, ti nsu lilimfu lika akia mpe lita mikie ya me.» ³⁹ Nde ya wini ndama ntama, ya fini mankumbuo ya we bisu nde ya si mumana mpe ya siama mpe ya lie kobo: « Tara me, kirebu nze kuini kiao kobo leso le mpari li a la me. ntoo, yeoso, kabu nkuini me we, muli sa bukuini nze.» ⁴⁰ Nde ya yi ifuru a la bansu bande mpe ayi ba boo balie tuu. Akiana, nde ya lie a la Pierre: « Nki? wa leta minkee ya me nsa ntoo mo? ⁴¹ Lita minkie mpe lisama kuobu likalo mu mambi. Insui Nziame akende yana muli munduru biya bio we.» ⁴² Nde ya wini mbala ye wée mpe afusama mpe ya lie kobo:« Tara, ya bu buani kobo leso mpari le maru we nze kuini me nua, mutini kuini nze oka kobunu.» ⁴³ Nde ya yi firu mpe ayi ba boo balie tuu. Kuobu miu me yu bo kuru tsée mu mumi tuu. ⁴⁴ Muli nde ya wini mbala ye turu mpe ya sa basuiri nde ya siamu mbala ye turu alie mutini mumo. ⁴⁵ Angiako Yesu ya firu a la bansu bande mpe ya balie: « Biene le laa mpe bienne bunu lisiu obiene? ta ntoo ya itoe, mu ina ebu mwana muru ya ba mukabi mpe ya ba muto a la bara babi. ⁴⁶ Lensuru, obiene, linsue ta, we tio me mpe we kame eyito akua me. ⁴⁷ Mu ina abibi furu, Judas, mumo eku mabue, ya yito. Ebui bara mario a la mukuru banga Nziame mpe a la bakuru ba bara ba bula ya bayi ya nde. Bo yayi ya mabie ya ma kongo. ⁴⁸ Muru we kaba Yesu ike sue ilimi mpe alie kobo: « Muru ndeso ewa mbuere, ndu wumu nde, lumosini nde.» ⁴⁹ Mu mbalamo, ya yi a la Yesu mpe ya molie: « mbuere nze mfumu!» mpe ya mopii mu mungua. ⁵⁰ Yesu ya mulie: « Mbuini me sa makuini eyi eyisa.» Muli boo ya bayi, ya basi miao a la Yesu mpe ba mukuari. ⁵¹ Ta, mumo mukara bo we eke ya Yesu ya sii kuo ende, ya we mbie nde, ya nsiri nsi le muru esissa a la mumo wu banga ba nziame. ⁵² Akiana Yesu ya molie: « firi mbie mu likuru, ndeso we dudu bara mombie nde ngako linfu nde leka mumbie. ⁵³ Nze fifini we yebu me sa biu tara me nziame ebuo ebui ba wanzio bayia baya nguana bita? ⁵⁴ Ki motini bisuene beku mu malie mana?» ⁵⁵ Mu ina esokini, Yesu ya alie a la ibui: « Biene ya liyi ya miti mpe ya mabie mundo lekuara anka mibi? me ekeke mansu momaso munzo Nziame eluo, mpe biene lekuari we. ⁵⁶ Muli momaso ya mayiku mutini ekomi ba ntumu ba nziame.» muli bansu bande ya ba mubari baso mpe ya bamu ya nde ngabu yu. ⁵⁷ Bo bakuari Yesu ya ba mubiri a la Caïphe mukuru banga ba Nziame, to ba Scribes mpe ya bakuru ba bula bobaso eke bawinu. ⁵⁸ Pierre emu yamumana we wutama tii ku busiaru bu mukuru banga ba nziame. Nde ya asiwu ba ba keke ndo ku ata ma ma buiri. ⁵⁹ Ba kuru banga nziame mpe ya ba bawawa maluo ya yu muiso ndo mpia ba nfiri Yesu, kuobu bo bamusa ku linfu. ⁶⁰ Bo ndo mo bamwene bo yembi yo we, nsa yebu bara nfunu ba bayi ba yinfuru mampia eke ba tuiu. ya ngole, bara bue ya yi tuiu. ⁶¹ Mpe bo ya balie: « muru eso wu alie" me wa nsiamu nzo nziame esoyi mpe litui angoe mansu maturu."» ⁶² Nga e nziame ya tswiru mpe molie: « Nze ye firi?» nduwu alilie mando masoma mundo nze?" ⁶³ Muli, Yesu ya mufiri we, nga nziame ya molie: « Me ya afii kumu enziame mue buru lilie kiribu nze ke klisto, mwana nziame.» ⁶⁴ Yesu ya mofiri: « nze ngako elie. muli me ya olie, buru ya ba nze emo mono mwana muru esi wu okuo ti iluimi le ngangao mpe li limaru mu bifu bi oyu.» ⁶⁵ Muli mukuru ba nga ba nziame ya kao biko bu nde mpeya lie: « nde eni mando ma mabi! biene bu soso kiyo me lie bara masisi nde? lita biene leyu mando mabi alilie. ⁶⁶ Biene li fifini nki?» bo ya firi: « bikuini linfu a la nde.» ⁶⁷ Bo ya bamunsui makao ma mate mu busu bonde, ya mukiri mampi mu mia me boo. ⁶⁸ Balie: « nsamu nsia a la biu, klisto na ubiri?» ⁶⁹ Pierre eke esiwu unzi mubusiaru, mukara mumo isia ya yi a la nde mpe ya mulie: « nze mpe ekeke ya yesu muru e Galilée. ⁷⁰ Muli nde ya me anku ebo baso, ya lie: « me ngiabi ma bii nze.» ⁷¹ Mu ina awiwini nde kua tuu mukara mumo isia ya mumuene mpe ya mulie eni bake akiana: « muru eso wu ake ya yesu muru e Nazareth.» ⁷² Mpe nde ya me yabu we ome muru eso wunu: « me moyabi we muru eso wunu me lilie ye ibini.» ⁷³ Angoe ntoo nsii, babi akiana ya ba muene mpe ya ba molie a la Pierre: « Mu ibini nzi mpe eke ya boo; mutini ebibi eke osuo.» ⁷⁴ Akiana ya yu mu utunu mpe ya yu mu oma: « me moyabi muru eso wunu.» mu mbalamo, nsu mu luimi ya akuo. ⁷⁵ Pierre ya fini mando ma mulie Yesu: « Ina ekuo nsu muluimi, nze etumu mbala turu.» Muli nde ya tuiu mpe ya fuli ili nfumu na nfunu.