¹ Muli bonfumu bo nziame bu oyu bufani mutini mumo ya bakara nkuimi ebu ba yiabi we ba boo ya ba we bilo bimunsiame ba bo ya fumono ya ba luini ba boo? ² Batana mu karabo bake banga misu, batano bake banga makani. ³ Muina ebu bakara banga misu ya we munsiemo ebo bo bawe we meli ya boo. ⁴ Muli baliara banga makani ya bawe mabini mabo ya basi mee ya munsieme ebo. ⁵ Mpe mu ina ebu muluini ya lame, pia bobaso ya bayu nymi ya lile. ⁶ Muli mukara pibi; bo ya bayu linduo: « ta! muluimi yayi! nsue liwe lifu buana abu lele buana nde!» ⁷ Akian bakara so kuimi babu abu bamema laa we ya babo ya bawiu mpe ya bayilu munsieme ebo. ⁸ Bakara batana ba mibie misu ya balie a la banga makani: « li liwa biu meli mabiene ndobu munsieme me biu mbaa enfi!» ⁹ Muli banga makani ya bafini:« mundobu maku we mundo biu ya biene, liwe a la ba batitio liwe lifusumuma biene bangako.» ¹⁰ Mu ina bawini bo bajusu mu, muluimi yayi, mpe babaki ambu-eso ya bawini ya nde ku-ilamu, mpe ifiu inzo ya bakuiri. ¹¹ Buluiri ntoo bakara baso batana ebu ya boo balie abo we yaba yito mpe: mpe ya balie: « mfumu, mfumu, lifu biu ifui enzo bui lisomo.» ¹² Muli nde ya ba firi: « mpe mu ibini mo ya lilie, me liyabi we.» ¹³ Liwu biene, liyata likala tu kuobu biene liyabi we nsu mpe liyabi we ntoo. ¹⁴ Akiana eka mutini mumo ya boo ebu ya awu wini die mubula bukimi. Nde ya biu bara bande isia ba ndengako mpe ya bawi invama ende. ¹⁵ Mukara mumo ebo ya muwi libene bitana benzimi, a la wumuke ya muwi bibene bie be nzimi mpe a la we turu ya muwi ibene imo enzimi. Muru ya we muta bibene benzimi bi bi kuiu ya nde mpe boo eso ya wini die lende. ¹⁶ Muli, we wée bibene bitana benzimi ya futa ikiri ya boo bibene be nzimi bitana bi bi kimi. ¹⁷ Mutini mumo we wée bibene bie be nzimi ya biuru libene bie benzimi bi bikimi. ¹⁸ Muli muru isali ewe ebene imo enzimi ya wini, ya nsimi sunu mumana, ya diu nzimi enfu mande. ¹⁹ Angole mansu mfumu ebara ba isia yayi awa musamu mu makuiri. ²⁰ Muru isia ewe nzimi bibene bitana yeyi mpe ya ya nsua a la nde nzimi bibene bi bitana bi bikimi mpe ya lie: « Mfumu, nze ngui nzimi bibene bitana, ta, nzimi bibene bitana yi luiri angie.» ²¹ Mfumu nde ya molie: «ike yana, wi mubue mpe ke ya mukoo eyana mpe ke muru isia eyana! nze ke yana mubilo bendama me owa nsu mu bilo be tsée. somo mu ise a la mfumu nze.» ²² Muru isia ewe nzimi bibene bie yayi mpe ya lie:« mfumu nze engui nzimi bibene bie. ta, mebio nzimi bibene bie yi luiri angie.» ²³ Mfumu nde ya molie:« ike yana, wu mubu muru isia muse a la mfumu enze.» ²⁴ Muli we to, muru isia ewe ebiene imio enzimi yayi mpe yalie: « Mfumu, me ngiabi nze ke muru ebu mando ngoo tsée, nze ekaka bu ebu ekuini we, mpe nze tutu boo esia we. ²⁵ Me ebari buomo, muli meke nguini mpe eke fudui nzimi ibene mukara mana. ta, meke akia yayu wi nze ngako.» ²⁶ Muli nfumu nde ya mofiri: « muru mubi mpe muru isia wene ango mpe nze muboo, nze yiabi mekaka boo ebu ekuini we. ²⁷ Mu mubo nze eka fusa nzimi ongo mupara mpe muina eka furu me, me kawu nzimi eni muniu angia nzimi.» ²⁸ Likunu nzimi eso ebene eke a la nde liwa a la muru ke ya nzimi bibene kuimi. ²⁹ Muli, wuke abio, ba muwa banfumu oluru tsée) muli we bu, ilo kiowe, tsa kiki-akuo ba kukumu. ³⁰ Limu tibi muru isali ende nde ku-ifuru e onzi, ku-oka oliyi mpe ya odia mini.» ³¹ Mu-ina eya mwana muru mubu mfumu bonde mpe ya bantumu bandi, muli, nde asiu anza tiri ki bunfumu bande. ³² Bara bobaso ba munsimu ba yunu anku nde mpe nde akaba bara babame ngu nkimi baba kimi ngu nkimi, mutini mumo we kikie bimemi nde aki kaba bimemi ngu-ebio mpe bankumu ngu ebo. ³³ Nde asa bimemi ukuo li-ikuimi, mpe bankumu baba boo ukuo li-ikali. ³⁴ Muli nfumu ya balie a la babaki okuo lende li-ikuimi:« liya biene ba ekuini tara me, biene liwubu mfumu ayilu nde mundo biene baya bi nde mokiri. ³⁵ Ndobu me eke ya nzaa mpe biene eke lingui bilo bi-odia, me ike eni mpuu madia mpe biene ya lingui madia ma-ongua; me ekii munzio mpe biene- ekee lingio; ³⁶ Me eke nkuu mpe biene eki limbu, me eke munzo empari biene eki liyinta okime.» ³⁷ Muli bara bababue ya ta mufiyi: « Mfumu, nki-ina buu li-omuene eki nze ya nza mpe buu li-owi bilo bi-odia? mpe nki ina eke nze ya mpu nadia mpe eke li-ongui madia ma ongua? ³⁸ Mpe nki ina limu-muene bui munzio, mpe limu yo biu? Nki ina ki-eki nze nku mpe biu limungui biko nze buari? ³⁹ Mpe nki-ina eke nze mubie, too munzo empari biu ki liyi kuke nze? ⁴⁰ Mpe mfumu ya bafiri « biniki me yalilie, pia momaso masi biene a la mumo we mpio mubana baba boo, momaso biene lesi a la me.» ⁴¹ Muli yalie a la babaki okuo lindi likali: « limaru ankua me, biene baba pio, liwe omba ensuliliso li bayilu mundo mufu mpe yaba ntumu bande, ⁴² Ndo-enki me eki eni nzaa biene lewi we bio dia, me eki eni mpio madia biene lengui we madia; ⁴³ Me eke munzio biene lengio we a la me; me eke nkuu biene lengui we biko bi-obuana; me eki mubiele mpe onzo empari biene lengui we mpe lenti we.» ⁴⁴ Muli bo ya bamu furi mpe yaba mulie: « mfumu, nki ina biu li- omuene nze eki too eki eni mpio madia, too eki munzio, too nkuu, too mubiele, too onzo empari, mpe ebu biu kile yiwa we? ⁴⁵ Muli nde ya bafiri: « ibiniki meyalilie, mabu biene lesi we a la mumo me mpio ebana baba boo biene limesi we ame.» ⁴⁶ Muli bara babai bawe odudu lembaa oko bali nsu lileso, mpe bara baba bue bakaa ya lema li-impini.»