¹ Bu bukie kunzi banga ba nziame ya ba bawa ku nzo nziame ta bakuru ba bula ba wini bafuru infini mundo yesu ku ba mudu. ² Ya ba kuari, ya ba mukuiri misi; ya ba mukiri ya bamukabi a la mukuru banfumu Pilate. ³ Muli, bu muene Judas we etio nde ebu yesu ya banduiu isa, ya yu ngebe ya we nzimi eso bi biene makuturu ba muwi ya fu firi a la banga nziame ya bakuru ba bula, ⁴ Mpe ya alie: « me esi yembi etio makii muru we bu ya yiabi we.» Muli boya balie: « yiyimi eti biu mukii? ndo enze.» ⁵ Muli, ya we ya tibi nzimi eso bibiene makuturu ya futibi munzo nziame, ya wini, ya tuiu mpe ya fu isa sue. ⁶ Bansu ba nziame ya bawe nzimi eso yini mpe ya balie: « nzimi eso yini esa lesa we ya bu eso yini le lesa nzimi ndo ebu ike nzimi maki.» ⁷ Bo ya yumu ibo ibo mundo nzimi eso yini, nsue lisumu kia ndo oyadiu banzo. ⁸ Mu isa esokini, kia esokini ba ibiu ibiu: « kia ki maki » mansu masoma. ⁹ Akiana ya makuiu ma elie ntumu nziame Jérémie: « ya bawe nzimi eso bibiene makuturu yini, ya kuiu munta yimbu bakuini bo mundo bara ba Israël. ¹⁰ Mpe bo yawi mu muta ekuini ngakia, mutini eli mfumu nziame.» ¹¹ Muli, yesu ba mubiri anku mukuru ba nfu^mu, mpe mukuru ba nfumu ya mufii: « nze ke mukuru ba nfumu ba Juda?» yesu ya mofiri: « nze ngako elie.» ¹² Mu ina ba mufini bansu banziame, mpe ya bakuru ba bula, nde afifiri we. ¹³ Muli Pilate ya mufii: « nze yu yu we momaso ma bafifini nze mundo nze?» ¹⁴ Muli nde afifiri we nsa ndo mo, mpe muli mukuru banfumu ya muene ndo motini mokimi. ¹⁵ Ta, mu bokoo bobo mukuru ba nfumu munsu lilama baturu muru mumo wu ke munzo pibi wu poni ebui ebara. ¹⁶ Mu ina esokini eke ni muru mu mo munzo we munzo pibi we yiabi bara nsini nkunu ende eke Barabbas. ¹⁷ Muli, bu banvinu bobaso, Pilate ya ba fii: « biene kuini na me eyo? barabbas, tio yesu wu ba biu klisto?» ¹⁸ Nde ke yiabu ba mutio yesu mundo mukoo obie. ¹⁹ Ina ekebu nde esiu angia kiri kinfumu ki ansiri nsiri mando, mukia nde yayi ayimolie ndomo mutini eso wunu ya mulie: « kaka ando mundo muru eso wu ebu ndomo ayiabi we, kuobu mupibi elo bole nzue zbumu mundo eso wu tu eke lifi momiu mundo muru eso wu.» ²⁰ Mulibu mfumu ebanga nziame mpe ya bakuru ba bula yaba ya ya fiere akua ibui ebara mpe ya bafii barabbas mpe odu yesu biene likuini na. ²¹ Mukuru banfumu ya ba fii: « mubo bue biene likuini na we yeo me?» boya ba mofiri: « Barabbas.» ²² Pilate ya ba fii: « muli me nsake mundo yesu wu babiu biu klisto: « boya ba mulie: « lisa mu ikulusu.» ²³ Mpe nde yalie: « mundoki, ki ndo mbi nde asi?» muli boya yu mulie okara ngie: « limusa mu ekulusu.» ²⁴ Muli Pilate bua amuene ki asa we mpe kia obo we bu amuene nde ebu malie nde bara bakuini we, ya we madia ya si modie, ya awa miao anku ebui ebara ya lie: « me yi ngiabi we mu maki ma muru eso wu ebu yembi asi we lita biene bangako.» ²⁵ Bara bobaso ya balie: « maki nde mawuru a la biu ya bana ba biu.» ²⁶ Muli nde ya mu yo a la Barabbas angiako ya bayu obiri fimi a la yesu klisto yaba mukabi ku bamusa mu ikulusu. ²⁷ Angiako ba mbumbui ba mukuru mfuru ya ba mukiri ambu ba nsinsiri ma buobo ya nviu ibiu kieso ki ba mbumbiu. ²⁸ Ya ba mukiao biko be nde ya bamusiu ya iko ki nfi. ²⁹ Boya bayilu nkara ye mansiene, ya bamubuaru mu munsiu ya ba mutobe muti engansue, mubeo ende yi iluimi. boya fini makunu buo ya babi musebe mpe bamu lie:« mbuere, mukuru ba nfumu ba Juda!» ³⁰ Mpe bo boo ya ba munsui makoo ma mate a la nde, bo ya ba we fimi ya ba yu mubiri mu munsui. ³¹ Bu musebe ofi ya ba mukia iko ya sia ya iko ende ngako, bo ya ba mobiri ndo ba kumusa mu ekulusu. ³² Bu batui ande ya yi bayibo boo wu bula bo sireno nkumu nde Simon, we kuini owe yabo mundo abiri ekulusu. ³³ Ya bayito ambu mo ba bibiu Golgota, yisue: « ambu ke manfa ma munsui ma bara». ³⁴ Bo ya bawi maa ma ongua banviu masubu; muli bua miu nde ya mee angua we. ³⁵ Bu ba musi ofumi ekulusu, ya bakabi bikonde ya bafuta abio libio; ³⁶ Mpe bo basiu ya bayu muta. ³⁷ Angia munsui nde, ya basi elo imo bakome bisome: « Nde yesu - klisto ake mukuru ba Juda.» ³⁸ Bi bibie ba basi mu ekulusu m*e ya nde wu muke kuo lilu^mi wu muke mukuo likikia. ³⁹ Ba lui luiri akuande ba mutu manguo mo baniu minsuui. ⁴⁰ Balie: « nze lilie ebu nzi ke we nziame, asuru mu ekulusu!» ⁴¹ Mutini mumo benga ba nziame ba scribes ba kuru ba bula musebe mpe balie: ⁴² « Nde ke biu ba bake, muli abu nde ngako nde mfumu Israël, ya asuru mu ekulusu mpe biu likiu mando mande. ⁴³ Nde eke ekui nziame muli kire eke mukunu kuobu nde alilie: « muke mwana nziame"». ⁴⁴ Mpe bibi bie bake ya nde mu ekulusu ba mutu mangumo motini mumo. ⁴⁵ Muli, munto samo ti munto ewa, ya some mukiri nsimi. ⁴⁶ Mu ntoo ewa, yesu ya ngeme okara ngie mpe ya lie:« Eli, Eli, lama sabachthani?» ⁴⁷ Bo bake akiana, bu bayu ma liende, boya balie: « Nde abiu abiu Elie.» ⁴⁸ Mu mbala ^mwamo ebo abi ntini ya awe epa bibiko ya mukara nfunu ya bansubu mama ma nga ngani, ya basi mukara muti efimi mpe ba mwi ku angua, ⁴⁹ Ba bake ya balie:« limu yoo; lita yabu Eli ayia mukia kiao.» ⁵⁰ Yesu ya ngemi furu okarangie mpe ya nsiri mu wunu. ⁵¹ Ta, muli iko enzo nziame ya ikao akari ba ongie ti onsi mana ya niu makuano ya matieno. ⁵² Ma mpieme momaso ya mafi nduru yesu banfi bake ya mikoo mi mibue ebu eke badiu bobaso ya bawiu. ⁵³ Ya batuiu ku mapieme angoe owu eyesu - klisto, boya some mubula bunene bu bue bo nziame angia ko ya bamwini bara tsée. ⁵⁴ Ba bakeke yesu bu ba muene ebu ^mana mangui ya mama luiri ako, ya bayu mukara buono mpe ya balie:« ebiniki wuwu mwana nziame.» ⁵⁵ Bakara tsée ba ba mamami yesu oba o Galilée ku ya tita nde bo baso bake kiono, bayu muta otama. ⁵⁶ Mukara bo, bake Marie we fi bula Magdala, Marie ngua Jacques ya Joseph, mpe anga bana ba boo bo zébédée. ⁵⁷ Ko ko ya ito, ya yitu muru mumo enga nzimi tsée efi Arimathée, nkumu nde Joseph nde mpe ake nsu yesu-klisto. ⁵⁸ Nde ya ya fiere ankua Pilate ya lie nduru yesu, mpe Pilate ya kiu bamwa. ⁵⁹ Joseph ya we nduru nde, ya olie mu biko bibue. ⁶⁰ Mpe ya we ya fu idiu mu ibumu ende ki yano kibuki makuano. angiako ya sino kuano yinene ya kuiri mungua ibumu empieme mpe ya wini. ⁶¹ Marie Magdala mpe ya Marie, wumuke bake ako, basiwu angu ibumu empieme. ⁶² Nsu le liluene eke nsu liyilu, bansu ba nziame mpe ya Pharisiens ya banvinu okua Pilate. ⁶³ Boya ba molie: « mukuru, biu eke lefunu yake muru eso wunu ngama mpia eke nde emue ekesalie: " angoe mansu muturu, nde awuwu akara ba banfi." ⁶⁴ Muli tumu a la ba mbumbui bake mpieme yini ti mansu maturu maluru mu ndobu bansu bande wa bayi mpe ya yi biri mpe balie a la bara." nde ewiu mukara ba banfi," mpia eso engoe si luiri mpia ya nfiri nde etere-.» ⁶⁵ Pilate ya balie: « luiri muru mumo awe afunvunu ya boo ndobu bake yana mutini kuini biene.» ⁶⁶ Ya bawini mpe ya bafuke mpieme ya basiwu angia kuano.