1 Mu mutineso, bokuru bonziame buyu bo fuani muru ebu ene bia bande ya tui mu ipia mundo awe bara basia basa mukara kia nde. 2 Angoe ya muru ofi ya bara ba isia ya basini muta nzimi afuru nde munsu li munsini, nde ya batuimi ba we obia ba nde. 3 Ya tuui muntoo ye turu mpe ya muene bara ba isia basuiru ya nzana kiba basisi we. 4 Nde ya balie: «Biene mpe, liwe okia pia biebeso bibue me liliwa.» Muli bompe ya bawini bafusa. 5 Akiana bua tuiu muntoo ye samu ya ye wa, ya kiri mutini wuwunu. 6 Mbala yi nkimi akua ntoo ye kumamu, ya tuiu ya bafu babake ki bakikiri we, nde ya balie: « mundoki biene lisiwu akia nsu limunsini ilo emo liki kiri we?» 7 Bo ya bamofiri: « ndoki biu muru mumo liwe musia nde we.» nde ya balie: « biene mpe liwe obia be me.» 8 Nkoko ya itoo, nga bia ya lie a la kapiri ende: « ba biu bara baso ba isia mpe bafuru nzimi ebo oba muru ngoe ti muru etere.» 9 Bu ba yito bara basia ba bawe muntoo kumu mumo ya ba yito, muru mumo awe mupara mumo. 10 Muntoo ito bara batere ba isia, bobatuiu ba bafuru muta we nfunu muene bawi mumomo mupara mumo. 11 Bu bafiri ofi, ya bayu mu woo ya nga isia. 12 Bo ya balie: « bara ba bayi ngoe mu isia eke basia ntoo monki motini nze lifiri mutini mumo, abiu babu leyi ba ipia miu ya libi tse mu isia isokini.» 13 Muli nga isia ya bafiri kobo mukara bo: « muli me ye mbi lisiwe. me ya biene lemuu ka mupara mowe?» 14 Liwu yi liwime mpe liwe obiene; me pone owa muru ngoe isia mu mutini mumo ba lifuru ya biene. 15 Me nza osa yo mbue we mu bila be meu anke bio? biene like mukoo wu mubi munfi bome (bonvama bome). 16 Ndoki muru we tere ayu muru ngoe mpe ngoe aya muru we tere. Mayana bakome make ntama: « ba biu banfunu, muli baponi bake bansi.» 17 Muli yesu bu inama oyerusaleme ya we bansu bande kuini ya bue ya nde. mu nzi nde ya bi balie: 18 « Lita biu ya linimi oyerusaleme mpe mwana muru ba mutio a la a ba wuwa mafuru ya ba scribes. bo badu isa kie linfu. 19 Mpe ba muwa a miao me bara bame ya ba nziame bo ba musisebe a la nde, ba biri fimi, mpe ba musa ikulusu. angiako ongoe mantsu, nde awuwu.» 20 Anzia ngoe ngua bana ba Zébédée yayi a la yesu ya bana bande, nde afimi aku yesu nde ya muli ilo. 21 Yesu ya mufiri:« nze kuini ki?» nde ya mufiri:« me kuini bana me bue ba basiwu, wumu okuo ki luimi mpe wumu ke kukuo kikia mu bunfumu.» 22 Muli yesu ya bafiri: « nze yiyiabi we ilo ki le lenze. nze ku ongua kobu leso ongua meli?» Bo ya bomolie: « biu le kuku.» 23 Yesu ya balie: « ko bunu, kobo, biene lengungua, muli mu osuru mukuo kiluimi to muko li likia, ka mu we ewa muwa muli mamana make ma eyilu tara me.» 24 Mu nroo yu bansu bande kuini mando masomane, bo ya bayu ise kio we mundo bana baso bue ba boo bana. 25 Muli yesu ya biu ku kende mpe ya balie: « nze yiabi mukuru ebara ba munu yiabi nziame eni bonfumu mukara bo mpe bara babo ba baku kumu basisa bonfumu bobo mukara bo. 26 Muli eka ka mu bowe mukara biene. mu mutineso we ebu akuini aka mukuru mukara biene aka onde muru isia. 27 Mpe we kunu ebu aka muru etere mukara biene ayu nde muru isia ebiene. 28 Buko bunu mwana muru ayi ku ba mesia we, kuobu nde asia mpe awa nduru nde ndo bara bobaso.» 29 Mu ina batuiu bo kuzeriko, ibiu bara tse ya bayu mu banama. 30 Mpe linfamiu bie besiwu mukua nzi mu ntoo bayu bo ebu yesu eluru, bo ya bangimi mpe ya balie: « mfumu, mwana David, liyu ngebe a la biu.» 31 Ibiu ebara ya ba bansui lika bu ngamu lika mpii, muli yaba ngemi oluru: « Mfumu, mwana David, liyu ngebe a la biu.» 32 Muli yesu ya nsuiri, ya biu mpe ya bafii: « likuini ki mesa mundo biene?» 33 Bo ya ba mofiri: « Mfumu, biu likuini miu me biu limono.» 34 Muli, yesu, alui ya ngebe tsee, ya bube miu me bo. mu mbala mo boya yu mumono mpe bo mani.