¹ Mu ina ebu yesu ya mani obi mando masomana, ya maru o Galilée, mpe ya wini o mana ma Jidée ongu nzia e Jourdain. ² Ebiu ebara ya ba munami mpe yayu mu babo. ³ Ba Pharisiens ya bayi, yayu mumumiu mpe yayu mu mulie: « ike yana mu miki a la muru odu mabe ya mukia nsa yebu ndomo asi we?» ⁴ Yesu ya bafiri mpe ya balie: « biene le tangi we weluri bo ba yabe nde mukiri, akiri boo ya mukara? ⁵ Mpe nde yalie furu: " mu isa eso, boo ya maru a la tara nde ya nguande mpe ya nvinu ya mukia nde, mpe bobue ya bayu nduru mo? " ⁶ Akiana, bo bake ka bobue, bake nduru mo mutini eso, ba nviu nziame, muru mo nde we eba kaba.» ⁷ Bo ya bamo firi: « mundoki Moïse alituimi owa mukana odu mabe mpe ni monsiao?» ⁸ Nde ya bafiri: « mundu mikoo ngo me biene, Moise alituimi odu mabe ya bakia ba biene kuobu itere, eke ka mubu we.» ⁹ Me ya lilie: « ndeso we du mabee ya mukiande kiabu ba mukuari bukole ya muluimi mukimi mpe ya fubaa wu mulimi nde ya ati bibuli mpe boo efubaa mukara ebu ediu mabe nde afu ta bibiu.» ¹⁰ Bansu bande ya ba mulie a la yesu: « kirebu komo mando ma mukara ya boo make kono, ike yana we yebu mumo ebo abaa.» ¹¹ Muli yesu ya balie: « ike ka bara babaso ba bakiu mando masomana. ¹² Kuobu bara ba bake ba me bibaa kuobu mikuru menfi ba ya ba biuri. nde to bara ba ba diu mikuru me nde, mpe ba bake ba me babaa mundo bokuru nziame oyu. Muru we kiu luo lesoli, akiu onde.» ¹³ Mulibu ya yi ya bana ba mpio mundo ebu nde asa miao mpe osama mundo ebo, mulibu bansu bande ba bi oma ebu bayia ya bana mpio akabasa miao mpe akasama mundo ebu. ¹⁴ Muli yesu ya alie: « liyo bana ba mpio baya a la me mpe lika bansu mundo bu baba somo mubo kuru bo nziame oku yu babaka mutini mumo ya bana ba mpio.» ¹⁵ Nde yeyu muba muba sa miao, mpe angiande, ya maru akiana. ¹⁶ Ta muru mo yayi ala yesu mpe boo eso ya mulie: « Mfumu, kimambue mesa mundo ebo melama li emppini?» ¹⁷ Yesu ya mulie: « mundoki nze nfinfi a la me mamake mabue? nde momo wu ke yana, kirebu nze kuini esomo mumbu obo lama, ku mikime nziame.» ¹⁸ Muru wunu ya mulie: « nki miki?» yesu ya mulie: « ka du muru, kata bibili, kabiri elo muru, kanfiri bara mampia, ¹⁹ Mu wa liziri tara nzo ya ngua nze, mpe mukuru buini nze anka nze ngako.» ²⁰ Muana eso eboo ya mulie: « me ka eziri mando masomana momaso. Furu me nsaki?» ²¹ Yesu ya mulie: « kirebu nze kuini eka wu mubue, tio bibeso ke nze abio, mpe wa ala ba bowene libo to nkono, nze ebo liboo tsée mu bonkuru bo oyia oyu, Angiande ya, mpe ya nama?» ²² Muli buyu mwana eso ebo wunu ma mulie yesu, awini ya ngebe tsée, mundobu nde ake ya bilao bibu tsée. ²³ Yesu alie a la bansu ba nde: « ebini me lilie, ike mpuru tsée mu muru ngalibo tsée mu osomo mu bokuru bonziame bu oyu. ²⁴ Akiana, me lilie, ike mpuru nzama mpuru mu some mukari ku le nuo, mundo muru nga libo tsée musome mu bokuru bo nziame bo oyu.» ²⁵ Buyu bansu bandemando masomana, bi binguo ya bike onsiu mpe ya balie: « na we biao mawama?» ²⁶ Yesu ya bati mpe ya balie: « mamana make mpuru tsu a la bara a la nziame pia mamaso ma oku.» ²⁷ Akian Pierre ya bafiri mpe ya balie: « limata, biu ya liyeo bisia be biu bibeso mundo olumo nze; biu lebo a la nze?» ²⁸ Yesu ya balie: « ibini me lilie, biene bara ti mamami me, mu minsa mi me ya, buka ebu mwana muru siu mukara kiri nde ki bokuru bu bonfumu, biene mpe lesiwu me kara kiri ku mabie, lensiri mando ma makana kuma mue mabana ba Israël.» ²⁹ Muru ndeso esiwu ma nzo nde mabo, bana banguabo ba boo, bana ba nguabo ba bakara, tara nde, nguande, bana ban, de to bia bende munde nkumu eme, aboo manfumu ma mukama a mukamu mpe nde abo lama li impini. ³⁰ Akiani bake nku loboli baka bara ngoe, mpe bake loboli ngoe baka bara batere.