¹ Mu ina eso kini, bansiu ba nde ya bayi a la yesu ya bamufii: « ma ke mukuru bonfumu bo nziame boko yu? ² Yesu ba biu mwana mumo empio ya musi akara bo. ³ Mpe yalie: « me lelie ibiniki, kirebu biene libamu we, mpe liwu anka mwana eso empio, biene wa lesomo we mu bonfumu bo nziame boku yu. ⁴ Mando kobo, ndeso we musuiru anka mwana empio, nde wu wunu weka mokuru mu bunfumu bonziame eku yu. ⁵ Ndeso yao mwana empio mokumu mu yesu ayao me ngako. ⁶ Ndeso we esinu mwana eso empio we kikiu nkumu me yesu asia lisumu, obuani yana mundo muru eso wunu bakuru kuano mukii nde ba mutibi akara di le nzia. ⁷ Ngebe nse mu mukiri mundo ntoo ye mbi? kuobu ike yana mando masomana buana maya, akiani ngebe tse a la muru ebu mando maso mona maya a la nde! ⁸ Kirebu kuo lenze to itimi enze kiu bibiri mu masumu, insiri mpe etimi ntama ikaka akua nze. obuana yana nze somo mu bunfumu bo nziame bokuyu ka ya kuo imo to itimi imo ba utibi omba kaya ya miao mie to bitimi bie. ⁹ Yabu diu lenze like linsua mu manzi mamabi, likiao mpe litibi ntama likaka akua nze. Obuani yana nze somo mu bonfumu nziame oku yu ya diu limo to bo otibi kumo ebu enfunfa we a miu mie. ¹⁰ lita yana, lika tama, lita bansubu mumo elama ba mpio, kuobu me ya lilie, ku yu, bantumu bo nziame bata yana bosu bo tara nziame eku yu. ¹¹ Kuobu mwana nziame ayii ayiwa mawama a la ba badimu. ¹² Biene lififini nki? yabu wunu ake ani bumeme nde nkamu (100) mpe kike ya idimu asanki? asiu we bumeme liku wa awa (99) angia lama mundo awe afusao imeme imo ediumu? ¹³ Mpe yabu nde imuene, mu ibini me lilie, aka ise tsée oluru bimeme liku wa awa bi me odimu. ¹⁴ Mutini mumo mone kukuna tara biene nziame ekuyu yebu mwana mumo empio adimu. ¹⁵ Kirebu mwana ngua nze ebo osi ye mbi a la nze, we, musuo yembi awusi nde nze ya nde ngabu yu. kirebu oyu, akiana ya lifiru bamo. ¹⁶ Muli kirebu nde ayu we, wu bara bue to baturu bandu banze ba baboo ba bakimi mundo mi ngua mebara bu to baturu, mando maso mana mafafa. ¹⁷ Mpe kirebu mu oyu, biu nde eso yini we ayyu onzo nziame. kirebu mii oyu ma onzo nziame, akiani limumono onka muru e mesisama mpe ake motini mo awu efifiri mpe. ¹⁸ Mu ebini, me ya lilie: ma lekuru biene akia munsi nziame oyu akukuru mpe ma leniamu biene akia munsi nziame mpe oyu angiano. ¹⁹ Furu me ya lilie, kirebu mukara biene banvinu mu mana mu bala elo, tara nziame ekuyu aba wuwa. ²⁰ Kuobu mbu nvinu bara bue to baturu mu nkumu yesu, me kei yabo.» ²¹ Mulibu, Pierre yayi mpe yalie a la yesu, « mfumu, mbala kue me ebueno mwana ngua me ebo kireu nde nsi mambi a la me? ti mbala nsiame?» ²² Yesu ya mofiri: « ka mika nsiamu we eka liku nsiamu ya nsiamu. ²³ Akiana, bokuru bonziame bokuyu lifiani mutini mumo ya nfumu eta bisia nde asasiu a la bara nde ba isia. ²⁴ Bua abi osa kono ya ba mobiri muru nde isia ake ya ibini nde enzimi bibine manfunu nkuimi. ²⁵ Mundobu nde ake ilomo we kia furu, mukuru nde isia ya atuimi ba mutio nde, mu kiande, bana bande, mpi bilo nde bio beso akende bio mundo afuru ibini. ²⁶ Muru eso isia yalo, afinumakunu bo mpe ya lie:'' mukuru me, ngiu ngebe mundo me mpe me furu ye oso.'' ²⁷ Mulibu mukuru nde isia, ya muyu mu mukoo nde, ya muyeo mpe ya mulie ibini eso kini nze be furu we. ²⁸ Muina tuiu muru eso esia wunu ya abuani ya nkuini esia we ke ya ibini nde enziame bibene nkama. ya mukuari mumudi me nkii mpe ya mulie:'' furu ibini me ke akio nze.'' ²⁹ Muili buini nde esia ya lo mpe ya mupe mpe ya mulie:'' kaya ngebe a la me mpe me efufuru.'' ³⁰ Muli muru eso esia etere ya me; ya musi mu boloko ti ya furu nde ibini nde ake nde akio. ³¹ Mu ina muene ba buni nde ba isia momaso ma maluiri, bobake ngebe tsée, bo ya ba wini bafulie a la mukuru ebo momaso ma maluiri. ³² Angiako mukuru ebo isia ya mubiu mpe ya mulie:'' nze, muru isia mubi, me ya oyo mu ibini ake kio nze mundobu nze eke mbuene. ³³ Nze esa yu we ngebe a la mbuini isia anka bue yu me ngebe a la nze?'' ³⁴ Mukuru nde yayi nkene, mpe ya musi oboloko ti ya furu nde ibini me. ³⁵ Mu mutini eso bua asa tara nziame oku yu kirebu mbiene ngebe ba biuni ba biene ba ba boo yo we mu mikoo me biene munsimi.»