¹ Angoe mansu masomo, yesu yawe Pierre, Jacques mpe Jean mwana nguande boo, ya biri mbukimi ongia lama lilie tsée. ² Nde ya bamu ya yu mutini kimi oku obo, bosu bokeme anka mui, mpe biko binde ya biyu bibue tsée. ³ Mpe muli, Moïse ya elia ya bayitu, ya yu mumo ya nde. ⁴ Pierre ya firi a la yesu: « mfumu ike yana biu lika obiu akia yabu nze kuini, me akia etu manzo maturu, me yi nze, yike ndo Moïse, mpe yike ndo elia.» ⁵ Ina abibi nde, ta, efui imo ebie tsée ya iyi ba fiu, ndo ya etuiu mukara ifiu ya lie: « ta mwana we ekunu tsée wu nsi mukoo. limu yu nde. ⁶ Ntoo yu bansu bande mamana, ya baluo masu mabo ya masi munsi ya bari luomo tse. ⁷ Muli yesu yayi, ya ba kuari mpe ya balie: « linsuru biene baso, lika bara buomo.» ⁸ Muli bo ya bati ongie ba muene muru mumo asisia yesu nde ngabu yu. ⁹ Muli ba babie osuru bama, yesu ya bansui mpe ya balie: « mando maso limuene biene mama likalie muru ti ye kabu muma muru wiu mukara bara ba banfi.» ¹⁰ Bansu ba nde ya ba mofi: « mundoki ba Scribes balilie ebu we yia nku ekia?» ¹¹ Yesu ya bafiri: « mu ebini, elia ayiyia mpe ayilu lilo biebeso. ¹² Muli me ya lililie elia esuma ya, muli bo bumuyabi we mutini mokimi bobasi makuini bo ngako, mu mutini sa, mwana muru mpari ya mio mebo.» ¹³ Akiana bansu bande ya ba yiyiabu nde aba balie ndo yo ane mobalisi ebuero buero bara. ¹⁴ Muli bu bayi furu ya oke ibiu ebara, boo mumo yayi a la yesu, afini maku mubuo anku yesu. ¹⁵ Mpe ya lie: « Mfumu muyiu ngebe mwana aka enfa bubie bu infili mpe a momono mpari tse. Nto kimi aka elo omba mpe mu madia. ¹⁶ Me ya biri a la bandu banze bakuiu we mu obu nde.» ¹⁷ Yesu ya mofiri: « biene bara ba muli babi mpe okiu kowe, me asuiri ya biene ti nkina? me kuru mukou a la biene ti nkuna? li mobiri liyande akia.» ¹⁸ Yesu ya ngeme binsu busoni bibebi mpe ya bituiu mu karande. mwana eboo ya wami munkoo yini. ¹⁹ Muli bansu bande ya bayi muliu ayesu a la yesu mpe ya bamulie: « ki motini biu me liku onsao?» ²⁰ Yesu ya lie: « ndobu okiu obiene oke nsi. muli me lililie mu ibini, kirebu okiu biene oka libie liba bibiu mustarde, biene sa lilie a lamu lesoli, " lo ba lumaru mpe ndo mo meku yo we.» ²¹ [Muli mutini binsui beso bini bibi bini betuklu musamu mpe ya ola nzia.] ²² Muli bobake o Galilée, yesu ya alu ba bansu bande: « mwana muru ba mukamu a miao me bara; ²³ Mpe bo bamududu, mpe ku ngoe mansu maturu nde awuwu.» bansu bande ya bayu engobe engebe. ²⁴ Muli buba yilo ku Capernaüm bara bafiri firi mpao enzo nziame ya bayi a la Pierre ya babu mulie: « Mfumu ebiene afufuru we mpao enzo nziame?» ²⁵ Nde yalie: « nde ya kiu» muli busomo Pierre munzo, yesu ya mulie ndo etere: « nze fifini nki simoni, mfumu e mana, bana ba wuwu mpao ye emana? ewuwu bongako too banzio?» ²⁶ Mu ina bafini Pierre: « ba nzio» yesu ya balie: « kirebu mobo eke kayana we mu ofuru. ²⁷ Muli likasa mamabi a la ba bafuru furu mpao, we onzia tere ndobo mpe koo mbi etere ekuara nze etere; mu ntoo efu nze mungua nde, nze emono nzimi ebiene. iwu mpe wa a la bara bafu furu mpao, mundo nze ya me.»