¹ Ba Pharisiens ya ba sadducéens ya bayi a la yesu ku bamu miu ya ba fiu abasuo ilimi kiefa ongie you. ² Muli nde ya ba firi: « kiri nkonko toe, biene lelie: « nsu leka lie yana, kuobu you leka le bu.» ³ Mpe mi epa biene lelie: « leka libui tsée lo boli, ndoki yu lebei mpe eni pebi. Biene liyabi ota ebu you li libue to lilibi muli biene liyabi we ota bilimi be ntao. ⁴ Biene bara ba muli ba ngankene mpe biene bankisue kie Jonas.» Muli yesu ya maru mpa ya wini. ⁵ Mu ina ebu bansu ba nde ya siabu ongu enzia, ya baduimu osa wu mampa. ⁶ Yesu ya balie: « lita yana mundo mieme mampa ma ba Pharisiens mpe ya sadducéens.» ⁷ Bansu bande ya babie ufunu ibo ibo mpe ya balie: « mundo kuobu bu lesa wu we mampa.» ⁸ Yesu yiabu ma fifini bo, ya balie: « biene bara ba kiu ondama, ndoki biene lififini ibiene ibiene mpe lelie mundo ebu biene lisawu we mampa! ⁹ Biene le yiabu we mpe lefifini we mutini eliu me bara mu mampa mu bara babake manfunu matana ma baboo, mpe biene letoe bisao kue? ¹⁰ Turu mu mampa nsiamu ma elui bara manfunu mana maba boo (4000 Hommes) mpe biene letoe bisao kue? ¹¹ Buini biene liyiyabi we ebu me ii ka ndo mampa we? lita yana mpe biene lika ya makani mundo meme ba Pharisiens ya ba sadducéens. ¹² Muli bo yia yiabu ebu nde a ba balie ba makani ka mundo meme mampa we bo babo makani ndo maluo ma ba Pharisiens ya ba sadducéens. ¹³ Ina yesu yayi mukiri Césarée mubula eke Philipe, nde ya bafi bandu bande: « bara balilie mundo mwana muru?» ¹⁴ Bo yaba mofiri: ba bake balilie nze ke yome moba tisi, ba balie elia, mpe babake nze yilimia, to ntumu mumo bukobo.» ¹⁵ Nde ya balie: « mulibu biene lelie meke na?» ¹⁶ Simon-Pierre ya mofiri: « nzeke klisto, mwana nziame emue.» ¹⁷ Yesu ya mofiri: ise tsée, mwana Jonas, muli ka nduru we ya maki ma osue mando masomane, muli osue tara nziame ke oyou. ¹⁸ Muli me ya olie nze nkuano, angia nkuano eso yini metu nzo me nziame nsu limo we linfu wa libiao munguande wu osomo mukara nzo nziame eme. ¹⁹ Me owa bua ensaba banfumu bo nziame eku yu momaso ma ekuru nze munsi nziame oyu ya kuiri, momaso ma efu munsi mu nziame mpe oyu a efufu.» ²⁰ Muli yesu ya bei balie a la bandu bande, ba kalie a la muru yebu nde ake klisto. ²¹ Ba ina esokini, yesu ya bei balie a la bansu bande, me we o Yerusaleme kuko memono mpari tsée omiao mi bakuru ba bula ya bara bawu mafuru mpe ya ba Scribes, nde ba mududu mu mansu maturu lia wiu. ²² Muli Pierre ya mwue ya wini mu libeo ya yu mumunsu: « mamana momaso ma maru akuanze, mfumu ma mana maka oyi koso.» ²³ Muli yesu ya bamu yalie a la Pierre: « maru akuame munfu! nze fifini mando mabara.» ²⁴ Muli yesu ya alie a la bansu bande: « kirebu muru kuini oluono me, ama mando nde momaso, aliri kulunsi bande mpe ayanoma. ²⁵ Muli muru ndeso wu kuini oka ya mawama mundo nde nganko ma didimu impini, mpe muru ndeso mpe mawama mande madimu mundu me yesu a mabobo furu. ²⁶ Muli nze oloki nzi muru kirebu nze we mukiri munsini ya ngoe nduru nze nfu bao nki? kilo wa nze muru musumu nduru nze? ²⁷ Mundobu mwana muru ayiyia ya bo nfumu bo tara nde nziame bo angielu ba nde muli nde afuru muru a muru mu bisia bebo. ²⁸ Me ya lilie ebiniki, eni babu mukara biene bake akia, banfa we kirebu ba mwana muru ya yana mu bunfumu bande.»