¹ Ina ebu yesu ya bansu ya bayu ofa fiere oyerusaleme, mpe ya ba yito mu bolamu kunu ebo Bethphagé akua bamu Oliviers. ² Abgiako yesu yz tuimi ba nsu bande bu mpe ya balie: « liwe mu bula bu oku bunu, mpe biene lememo mwana mpunu ba kuiri ansi ba nsuwe mu muti limungiano ake ya mwana ba ende. Limungiana liyande a la me. ³ Kiri muru mumo lifi mundo ku lingiano mpuru wunu biene li mulie:'' Mfumu ene ngande, mpe muru eso wunu aliye yeo kuleyia biene ya mpuru wunu.''»» ⁴ Akiana, ya makuiu ma elie ntumu enziame. nde ya alie: ⁵ « Limulie ala mwana mukara SIONA:” ta, mfumu nze eya kuke nze, ayi ya ise iliri angia mpuru esiwu angia mwana mpuru.”» ⁶ Akiani bansu bande ya ba wini ya basi mutuni atumi nde. ⁷ Ya bansua mpuru wu mukara ya mwana nde, boya basi biko bebo angia mpunu yesu ya siwu angia biko. ⁸ Bara tse bayu mu utama biko bebo munzi babake bansiri mandio maba basa munzi nku. ⁹ Ibiu ebara eke kuku e yesu ya ibui ebara kibaname yesu ya bayu mungamu: « ozana a la mwana David! mubuero wu yi mu bonfumu bonziame! ozana a la nziame ewe ku ngia yu!» ¹⁰ Mu ina ebu yesu ya some mu yerusaleme bula bobaso ya yu mu ise mpe ya balie: « muru esowu ake na?» ¹¹ Ibui ibara ya efiri: « wuwu ake yesu ntumu nziame Nazareth we Galilée.» ¹² Anziango yesu ya some me nzo nziame ya nsuao ba batitio mpe ya ba suisuimi bilo munzo nziame mpe nsiamo ba mesa ya susuebe nzimi ya biri esisiu bara batitio binkuu. ¹³ Nde ya balie: « bakome kobo:" nzome ba biu nzo bisamu" biene ya lisi mbu ya nvunu bibi.»» ¹⁴ Angiako, binfa miu ya bikara ya bayi a la nde mukara nzo nziame mpe nde yayu mu babu. ¹⁵ Muli bumiene baba wuwa mafuru mu nzo nziame mpe ya ba basuo maluo munzo nziame bu bamuene mando mama bue asisi nde mpe bubayu bana bangama munzo nziame mpe balie: « ozana a la mwana David» bo yabayi mpuru tsée. ¹⁶ Bo ya ba mofiri: « nze ke yu ma mabi bara bame?» yesu ya bafiri: ‟ ibini, muli biene letiao we ma bakomi? ”» ¹⁷ Angia ngoe yesu ya maru ya tuiu ku bula bunene bo betani oko ule yana, ¹⁸ Angiako, mu ipia, bu ayi furu mu bula bunene, nza ya mafiri. ¹⁹ Ya muene muti ebie efigi munze nku, bu bawini ako mpe afubo muti nsao bitiri libu nsa limo lowe, nde ya olie a la muti efigie: « mukara nze muti eso wu nsa lebie lowe» mu mbala mo, muti efigi ya wini. ²⁰ Mu ina muene bansu bande ndo eso yini, ya bakamua tsée mpe ya fii a la yesu ki mutini muti esowu awini mu mubale mo?» ²¹ Yesu ya bafiri: « mu ibini, me yaya lilie kirebu biene mi okui mpe lisi we mikeme, biene lesa kalimalime we biene a la muti eso figi wuwe, biene lelie nsa a la lama, ” maru kie mpe we fulo lunzia, ” mpe momana sa make kobunu. ²² Momaso me leba biene mu misamu mpe likiu, biene le bobo.»» ²³ Mu ina some yesu munzo nziame, ba bawa mafuru ya ba mufu: « bonfumu bomona nze esisi mando masomani mpe no oyu bonfumu boso bunu?» ²⁴ Yesu ya bafiri: « miu mpe lifu ndo mo. kiri biene ledue, me lilie me kikiri mando masomana mu mfumu bana. ²⁵ O buero Jean (bofi kuini?) bo fiu oyu to a la bara? bo ya yu mu ubi ibo ibo mpe balie?» yabu biu lilie: ‟ oyu”, nde alilie: « mundoki biene limumu kiu we?» ²⁶ Yabu biu lilie: " ma bara biu liba bari ibui ebara ndo ebu ebui ebara ba mowewe Jean anka ntumu nziame.» ²⁷ Mulibu, boba mufiri a la yesu mpe bamulie:«biu liyabi we.» nde ya balie furu: " miu mpe lilie we a la biene nkari unki mfumu me nsinsi mando masomana. ²⁸ Muli biene lififini nki?" boo mumo ake bana bue ba boo: « ya wini a la wetere» mpe ya mulie: « mwana me ebo we kusa loboli okia me vinu. ²⁹ Mwana nde eboo ya mofiri mpe ya mulie: ‟ me ewe we” angiako ya abamu ma alie nde ya wini "» ³⁰ Mpe boo ya wini a la mwana we boo we wie ya mulie bua lie a la mwana boo we tere. Mwana nde boo ya mofiri mpe ya mulie: ‟ me wiwe tara” mulibu nde awini we. ³¹ Mukara bana baso bue ba boo bana masi makuini tara boo?» bo ya ba mofiri: ‟ we tere. ” yesu ya balie: « mu ibini, me ya lilie ba bafiru mpao ba tambuibi ba some mu bonfumu nziame bu ke yu oku biene. ³² Mundoki Jean ya yi kuke biene munzi mando ibini biene li mukui, muli ba fifiru mpao ya ba tambuili ya bo mukui. Mpe biene bu limuene ebu mundo masomana ya mayito, biene leyilie mikou me biene mundo okui onde.» ³³ Liyu nkumu yikimi:" eke ne boo mumo, nga mana. nde ya kuini vino mpe tui manzo mabara bakei mpe baya yafiru nzimi mu nsuka ensui a la ba tata bia nde vinu, angiako, nde ya wini mu bula bu bukimi. ³⁴ Bu ito ina balala vinu ya batuimi bara nde ba isia a la ba bakeke bia bu nde be vino ndoku bie evino. ³⁵ Muli baba keke bia be vinu bakuari bara ba esia, ya bere wumuke, wamuke ya diu, wumuke ya ba mobiri makuano. ³⁶ Nga akia ya uimi bara ba isia ba nfumu uluru babake batere, muli ba bakeke bia ba vino ya bakiri mutinimu anka bakiri batere. ³⁷ Angoe mamana nga bia ya tuimi mwana ndengoko ya mulie: ‟ bo bamu yuyu yayo mwana eboo. ” ³⁸ Muli ba bakeke bia be vino bu muene mwana nde eboo, bo yayu mu obi ibo ibo: ‟ ata nga bilo: liya, lemodu liwu bilo be ndo biebeso. ” ³⁹ Angiako ya ba mobiri, ya batibi ntama aluru kia vinu, mpe ya muduu. ⁴⁰ Mulibu bueyia nga akia vino nde asaki ala bakeke kia eso evino?"» ⁴¹ Bo yaba molie:" nde aba dudu bara baso bakeke bia beso be vino mpe nde awa a la bara bakimi baba yake bia beso bini be vino, ala bara ba ya muwa bie vino munsa bakaka vino." ⁴² Yesu ya balie: « biene tiao we ma bakomi mu mikana: ‟ nkuano batibi baba tutu nzo eke yu kuono yimbue ekuara nzo yiyi fi a la nziame mpe ke yombue tse amiu biu”? ⁴³ Akiana mu ya lilie, bonfumu nziame a la biene ba ba kukiao bawa bara bakimi bakiri bisia bibue. ⁴⁴ Muru ndeso elo mukuano eso yini ansiu binsuinsui. Muli webu kuano eso yini eyi muluo nde ansansamu."» ⁴⁵ Angiako baba wawa mafuru yaba Pharisiens bu bayu mankumu masomana ya bayiabi nde abibi mundo ebo. ⁴⁶ Bakuini ba mukuara, ba bara ibiu ebara ndoki bara ba mumuene nde ake ntumu nziame.