¹ Mu mansu maso Yesu ya maru munzo asusue nde mpe ya siwe akua nzia. ² Ebiu ebara enfumu ya badiu akuande mpe ya wini mukara buara mpe nde ya siwu. ebiu ebara emfumu bansuiri akua nzia. ³ Akiana Yesu abalilie mando tsée mu nkumu nde ya alie: « ta, muru mu mo we eku kunu atuiu ndo afukunu. ⁴ Ina akui kuini nde mambie (mburu) ya malo munzi eku. banini ya bayi mpe ya yidia mbie eso yini. ⁵ Mubie (mburu ya yilo anzia makauno mabu mana mansi. ina eso kini mbie ya tuiuri ya mene mukuobu mana make tshée we. ⁶ Mulie butuiwu muilé miti bakuini ya midiu mundo kuobu eke misimu mio we, miti ya mivimi. ⁷ Mike melo we akara monsiene bu maye mpe ya bafiu miti. ⁸ Mbie yike eloe munana mabue mpe ya miluiri mambie, mi mike ya mibiuri mambie nkama oluru, mi mike ya mbiuri mbie ma nkumasamo mpe mi mike maku maturu. ⁹ Webu ni mansi ayu.» ¹⁰ Batumu ba nde ya bayi a la nde ya molie: « mundoki nze ibi a la ibiu ebara mu mankumu?» ¹¹ Yesu ya bafiri mpe ya alie: « oke biene meke biwi makani ma oyiaba mutini bomfumu bu ongie, me a la bo makani mosamana babu wi we, ¹² Ndobu webu ake eni kio ba muwa oluru, ndoku bika tsée. ndobu we ke kio we ba kumu ntsa imo kia akende akio. ¹³ Mutini eso wunu mu balilie mu mankumu, mundo bu bo bomono mpe ba bamuenuene we ebiniki, mpe nsa bobayu, me bayuyu we ebini, mpe ba yiyabu we nsa elo imo. ¹⁴ Mpe mundo ebo ya makuiu malie otumu Esaie:" biene le yuyu me ki leyiaba we nsa elemo mpe biene le momono lekuara we. ¹⁵ Ndobu mikoo me bara meyu mawama we, mansi mabo maka ngo tsée mu oyu, mpe miu mebo bakuiri ndobu bakamono, ndobu mansi bakuiri ndobu ba kayu, ndobu mikoo mebo mika yaba mondo bara bana badimu mu ya furu mpe kuya ebu me babu." ¹⁶ Me ya lituene oka miu me biene mio memono, mpe mansi ma biene momayu. ¹⁷ Ebini me lilie, batumu banziame tsée mpe balilie mando ma ebini tsée bo bakuini ba mono mando masoma lemwene biene, bo bamwene we, mpe bayu ma leyu biene boba yu we, ¹⁸ Liyu munkumu ma muru we kukunu. ¹⁹ Yabu muru mumo oyu mando banfumu ebu nde ayiabu we, akiani muru nga makani yayi mpe fibi maba kuini mukara mukou nde. bukono bu mutini embie elo munku. ²⁰ Mbie elo mukara mukuono, we yu mando ma nziame ya mayao mu ise kinene, ²¹ Misimu we melamu ntoo nsi. Bu bayi ba yimumiu mu nde mande manziame nde abuku we. ²² Mbie elo akara mansiene we yu mando nziame me nde ngebe mu mando ma mukiri. ²³ Mubie elo mumana mabue, we yuyu mando manziame yayi mpe wu ke ya mando ibini yayu we ebu buru mombue mpe we eku kuini; mbala yike nkama oluru, yike makumasa mo mpe yike makumaturu mpe emayiu.» ²⁴ Yesu ya balie furu nkumu mo mpe ya balie: « bokuru bo nziame boku ngie bokuiu aka boo mumo ekuini mbie nde ye mbue mukara kia nde. ²⁵ Ye ekebu bara balie, we me kukumi nde yayi ayi kunu mbie yebi mukara miti nde me bleu mpe ya yuni. ²⁶ Bu yubu mbie ya mbuiri ya yu muku mpe ya mbuiri mbie, akiana bitiri bi bibi ya bituiu mpe. ²⁷ Bara ba nde ba isia bia nde ya bayi mpe ya yi yi molie: " mukuru nze ekuini we mbie yi mbu makia nze? Mundoki lifubo bitiri bibibi? ²⁸ Nde ya balie: " bi bini basia bi bibi be muru meskunu me, " bara ba nde basia ba mofi furu: " nze kuini ebu biu liwe lifu binsumu?" ²⁹ Mukuru ya bafiri: " nde ya me ndobu nsa biene lifu nsumu bitiri ya bleu le nde. ³⁰ Liyo biobeso biku mutini mumo ti ya lekaa bleu ya leka, malie a la ba kaka: " intere likiao bitiri bi bibi linsamu bio, li binvu ndo kuobu ba binsunu mba. Limu bumo bleu lisa mu ifu: " ³¹ Angiako Yesu ya basue nkumu yikimi mpe ya alie: « Bonfumu boyu bokiu anka mbie musearde ^ muru mu mo ya we mpe ya kuini mukia nde. ³² Mbie so ke ye nkoke oluru mbie yesa akiana bukui yayu muti we munene wu luiri mukia kieso, mu karande muli banini baya oya tumu mayama mu muti eso.» ³³ Yesu ya yu muta nkunu yi nkimi: « bonfumu boyu bokuiu anka Levain bu mukara mumo we we, ya anviu ya bikolo bituru be nfui ti ya ina kie bimi nfu.» ³⁴ Yesu oluo ibiu ebara mpe nde ebalie mando momaso mumokunu nde abalilie we ndo mo ebu muklari makumu mowe. ³⁵ Akiami nde abalie momaso ku maku ma balie ba ntunu ba nziame. mefu mungua me mu mùakumu me lie mando momaso ma diame ina bakiri mokiri.» ³⁶ Anzia mpe Yesu ya nsiamu ebuiri bara kieso, nde ya wini munzo akiana batunu ba nde ya yi ifiere akuande mpe ya ba molie: « lisuo biu nkumu ye bara banga makani ki ebuiri mukara kia.» ³⁷ Ya bafiri: « we kuuini mbie yi mbue ake mwana muru. ³⁸ Kia esuisue mukiri. mbie yi mbue eke bana ba bonfumu bo nziame. bana banga makani. ³⁹ Muru me kunu me we kuini bara ma ye basuisue mufu. Moisson asue mukiu ya ato kunto, ba moissonneurs bake batumu ba nziame. ⁴⁰ Akiana buke bu bitiri bi bibi buba nviu mpe bansuini omba, akiana oka kobunu muntoo eto. ⁴¹ Mwana muru atumu batumu ba nziame. mpe ya babasisa mando ma mabi, ⁴² Mpe aba tere mukara ndunu le wiba, okukunu eka oli ya odia mini. ⁴³ Akianabara babue kene aka mui mu bonfumu bo tara bo nziame. Webu ene mansi ayu.» ⁴⁴ Bonfumu buoyu bokuiu anka ilo kibue ki ediame mukara kia. Boo ya ifu ibo mpe ya ilue. enfi ise tsée, a titio bilo bebeso abio nde, mpe asuimi kia. ⁴⁵ Akiana bonfumu bongie bokuiu anka muru ya sosao ilo kibue tsée. ⁴⁶ Yabu nde biao ilo so kie yana tsée nde atio bie leso bi abiande mpe nde ya asuimi. ⁴⁷ Bonfumu bongie bokuiu anka bokuene ba kara nzia, botu mutini ba mbi bobaso ba bake ya ntini ya babu ntini we. mbala mobu bokuene boluiu we tita makuene ya nko makuene akua nsio. ⁴⁸ Angiako, ake ya ise mpe ya nviu bibue mukari bisao, bambi babi ya tili. ⁴⁹ Eka mutini mumo bue nsu ^mukiri batumu nziame bayiya akiana a la nziame ya pono ya akabue banga mpuru ya ba bue. ⁵⁰ Abatere ndunu lemba, akiana oka ili mpe ya odia mini. ⁵¹ Akiana bieneleyiabi mando masomo mo maso?» batumu bande ya ba mofi: ⁵² Biu le kiu, biu leyabi.»Yesu ya balie: « Akiana siribu bobaso basue mu bonfumu ngie bakuiu aka boo mo anga nzo, wu tii bilonde bibue bibi yano.» ⁵³ Mu ina ebu Yesu ya mani obi mando masomani momaso ya muru bita nse besoni. ⁵⁴ Akiani Yesu ya wini ku babo nde mpe ya yu musuo bara mu nzo nziame bayu ya ba kamua tse mpe ya balie: « muli muru esowi makani ma ifa nkuini mpe ya bipa? ⁵⁵ Muru esowu ako mwana we wa miti? Marie ka nguande? Jacques, Joseph, Simon mpe Judas, bake bana bonguande ba bo we? ⁵⁶ Bana bangua nde ba bakara bokeke ku akara biu, muli mando masomana nde abo kuini? ⁵⁷ Bo bamuene ku obi mundo nde, Yesu ya balie: « oke mubula bonde mpe munzo nde ngako ntumu me mu okiu.» ⁵⁸ Nde ati we bipa tse mumbu eso yini mundo owene okiu obo.