¹ Mu tsa sa wunu, Yesu eke eluru mukia ebleu munsui li ewumu bansu bande ba eke eni nza muyu muka bitu bleu mpe ya bayu mudia. ² Muli mu ntoo muene ba Pharisiens mubo, bo ya balie a la Yesu: « limata! bansu banze basa mando mabu mabuani we mu tsu li mwumu.» ³ Muli Yesu ya balie: « biene litangi we makomeDavid ina ake nde ya nza, nde mpe ya bara ake nde abo? ⁴ Ki motini angiako nde ya asome munzo nziame mpe ya bali mampa bawi mafunu a la nziame, mamana asi ma mabi mundo ali mampa mpe bake nde abo basi mamabi nde ku bali mampa masomani, muli ba buani odia mampa masomani kaka bonge ba nziame? ⁵ Mpe biene lintangi we mu miki ekomi MOISE ebu, muntoo mansu mawumu, banga bangiame ba sisa mu nzo nziame bake we tsu liwumu muli balie we biene lesi mando mamabi? ⁶ Muli melilie ndo eke kia iluiri nzo nziame ke akia. ⁷ Yalie biene eke leyaba mamake alia: '' me kuini ngebe mpe ka mafuru we '' biene lika mambi a la bara bu ndomo bayabi we. ⁸ Ndobu mwana mubu ake mfumu e tsu li wunu.» ⁹ Akiana Yesu ya maru mpe ya some mu nzo nziame ebo. ¹⁰ Ta, afubo boo mumo kuo le nde lenfa ba Pharisiens ya bayu mufu a la Yesu mpe ya bamulie: « Ike yana munsu li wumu obu bara?» mundoki boya mufunu mu mambi. ¹¹ Yesu ya t: « Na muru mukari biene, we bu eni imeme ende imo mpe meme ende imo eboo mukara ndunu lile munkara tsu li wumu, mpa wa mutiu we? ¹² Mukara ko muru wa luiri imewe! ike yana osa ma mabue mukara tsu li wumu.» ¹³ Akiana Yesu ya lie a la muru: « sii kuo le nze! » nde ya miyu ya sii mpe nde ya biao mawama, mutini mpe mao me ndo ya miyu mutini mumo! ¹⁴ Muli ba Pharisiens ya batuiu mpe ya bakuru binfinfini mundo Yesu ya ba fuaso nki motini bo bamudu. ¹⁵ Muntoo yu Yesu mando masomani, ya maru akiana ibiu ebara bamu lui luene mpe mpia bobaso babu mpe bawama. ¹⁶ Nde ya balie likasuo a la bara bokimi, ¹⁷ Mamana make kobo kuobu musamu nsia nziame mu nkumu Esaie malie nde maka bokumu: ¹⁸ « Ta muru isali eme wu mpni me, wi kuiri, we bu mukuo enise mundo nde. Mesa insui e nziame a la nde mpe nde aya nsamu nsia yimbue mukirir musini a la ba munu sisame. ¹⁹ Nde aya nsunu we ya bara mpa aya sawe buobo mpe muru mowe eyayu ndo nde mukara munzi makuu. ²⁰ A bowe nsa muti mumo mukeke enga enbini, sawe nsa mba yu liliame odiu, ti ya mama nde osa mando ma ebini. ²¹ Mpe mama sama basa mukou mikumu nde.» ²² Muli muru mumo enfi miu mpe ya webu abibi we nde ake ene bisui bibibi, ya baya bansua a la Yesu. nde ya babu mutini ebu eboo eso emini bibibi yayu mu obi mpe we munu monomo yaya mumemo. ²³ Bara bobaso ba eke enise tsée mpe ya baluele: « muru wa kula mwana David?» ²⁴ Muli muntoo yu ba Pharisiens ma esisia Yesu, bo balie: « muru esowo ansusio binsui libi mokumu mukuro BERZEBULE, mwana mukuru binsui bibibi muwe ngoo.» ²⁵ Muli Yesu eke yiabi ma fifine bo mpe ya balie: « yabu bonfumu bu bokuru bu monsimo bayeno ibo ibo mukiri ebo anfinfa, mpe mala manene momaso too manzo momaso bayeno ibo ibo babo we bamu. ²⁶ Yabu mufu nsiao mufu, ibo ibo ya ba iyeno. kimotini bo mfumu bo monsi mu bobo bamu? ²⁷ Mpe yabu me nsinsio banfu mungo BERZEBUE, a la na biene le luono li lansao? mundo mutini eso wunu, bola ka bansiri mando mabiene. ²⁸ Yabu me nsiusio binsi bibi mukara insui nziame, akiana banfunu bubo kuru bonziame ekuyu buke mukara biene. ²⁹ Mpe kimotini muru mumo asomo mukara nzo eboo mumo ebu mumo ebu ngo tsée mpe yebu oyibi bilo bibeso yebu a la boo eso ngango tsée mukuiri we missi? angiako, nde ayibi bilo ide bibeso bike munzo. ³⁰ Webu ake kayana we akukunu we a la me mpe webu onvunu we ya me mpe awu nvu we bara aba nsamu onsamu. ³¹ Akiana me ya lilie, mambi ma mase mpe ya owene liziri a la insui enziame mambi masomana ma maru nsa nki motini. ³² Mpe ndeso we ibi ndao yimbi a la mwana muru, mu motini so wunu nziame mambi mande aki kiao. mulibu ndeso ebi ye mbi mu insui e nziame, motiniso mambi mande nziame akino nsa mukiri mu, nsa mukiri we ya. ³³ Mundobu biene kiri likuini muti mbue mpe obie nde eka ye mbue, yabu kuini muti mubi mpe mbie nde eka yibi, kuobu muti ba muyiyaba mube nde. ³⁴ Biene like bana banteli, bara bakene like biene, ki motini biene lilie mando ma mambue? mamana mafifa ku mukou munguke abibi. ³⁵ Boo mubue atitiu bilo bibue bisali nde bekala ti ku mukou nde, mpe muru mubi abuluru bilo bibi tii mukou nde. ³⁶ Mpe me ya lilie mu nsu lito insiri nziame mando mabara bara muru a mwiu ba bafuru mundo mabo na lilie. ³⁷ Muli mu mando ma biene, biene lebo isa mpe le bibi biene isa mfufa. ³⁸ Mu libu bara babake basusuo maluo mpe ya Pharisiens ya bafiri a la Yesu mpe ya bamulie: « mfumu, biu likuini lisuo ibini imo kifi a la nze.» ³⁹ Muli Yesu ya ba firi mpe ya balie: biene bara ba ntama lesasiaba like bara bababi mpe bara letila bi buili lisao elimi mulibu ilini imo basuo biene kio we kiao ilimi Jonas ntumu nziame. ⁴⁰ Bukono mutini esia Jonas mansu maturu ma mii mpe ya matsu maturu mapibi munduru le mbili wu munene, mobo mutini mumo mwana muru asa nsunsu maturu mamui mpe ya matsu matura ma pibi onsi mama. ⁴¹ Babo ba nini we bansuru munsu leto uensiri nziame mando ma bara ba ntuma mpe abadu isa. kuobu bo bayilu mikou me- bo ina nsamu nsia Jonas mpe lita, we bu luiri bunene a la Jonas ake akia. ⁴² Mfumu mukara we sisuru ku elalaa nate ansunsuo mutsu etiri nziame mando mabara ya bara baso bantama mpe adu isa. nde amuru ntama yayi ayu mando ma makani ma Salomo. ⁴³ Yabu insui kibi ituiu munduru muru, ye wini ifa luru luru mukara nsio mpe ya efasao mbu ewunu, kirebu mbu awemu abiao we. ⁴⁴ Akiana nde ya lie:'' me ofuru onzo mbu etuiu me.'' bu ayi ayifuru, ayibo nzo eso ba kueme mpee ba yilu yana. ⁴⁵ Angiako ya wini mpe yafu wu binsiu nsiame bibi bangangu uluru nde, mpe mpia bibeso ya bibi osui akiana angako obe muru so wunu make moli ya maluru obe anka make etere. nde aka motini mumo ya bara baso bantama bana.» ⁴⁶ Muntoo Yesu elie a la ibiu abara, ta, nguande mpe bana banguande ba boo bansuiri onzi, basao ku bamo ya nde. ⁴⁷ Muru mu mo ya mulie:« ta, ngianze mpe bana banguanze ba boo bake onzi mpe basao kubamo ya nze.» ⁴⁸ Yesu ya afiri mpe alie a la amuru we yi molie wunu: « Na ngua me? mpe bana, bana banguame ba boo?» ⁴⁹ Angiako nde ya si kuo a la bansu bande mpe ya balie: « ta, akia mbu ke nguame mpe bana banguama ba boo! ⁵⁰ Mundobu ndeso esa makuini tara me nziame we ke kuyu, muru soxunu nde mwana nguame eboo, mpe mwana nguame wu mukara, mpe nguama.»