¹ Mu ina ebue Yesu ya mani osuobo miki a la bansu bande nkumu abue, ya wini oko ku bafu suo mpe ya onsamu nziame mula mabo ma manene. ² Mulibu, buyu Jean Baptiste, nsia bisali asasali Yesu, ebu Jean Baptiste akr mukara boloko, nde asiu mpu a la ntumi nde mpe ya molie: ³ « Nzike we ya too eni muru mukimi we lesao biu?» ⁴ Yesu ya firi mpe ya lie: « liwe mpe lifu muwa musamu eso wunu a la Jean mali muene mpe ya limayu biene. ⁵ Ba nfi miu bayu bara bake bikara baluru, banga kuo bansieme, banfi mansi bayu, mpe nsia ebue nziame ensiamu a la bara bakikiu mando ebini. ⁶ Mpe ise tsée a la webu asa we mamabi a la me.» ⁷ Na ebu bara baso ya ba wini munzi ebo, Yesu yayu mulie mu ebiu ebara mundo Jean: « Biene lefuta nki okaransio wune ya miti, bitiri etibi mupie? ⁸ Muli mundoki biene letuiu lefuta, muru ebuari biko bibana bi banyana? Mu ibiu, ba buara biko bi bana bi banyana bafufa munzo nfumu munene. ⁹ Muli biene le futa nki, ntumu nziame? ebini, me ya lilie, mpe yana oluru ntumu. ¹⁰ Ta, mulibu we ba kame: " ta, me ya tumi anka nze me ya tume ntumu we eyiu nzi anku nze" ¹¹ Me lie yi bini, mukari bobaso biri bakana, me lieru Jean Baptiste nde we, we ka muru ndende mu mfumu bonziame ake wu munene oluru nde. ¹² Oba mansu ma Jean Baptiste, bo mfumu bonziame bu ongie buke ya banga biya mpe banga biya bawu mungoo. ¹³ Ndoki ba ntumu bobaso mpe ya mitii bo bansiamu tii ma eyi Jean. ¹⁴ Mpe yabu biene likuini oyao, nde elie, nde we ya, we. ¹⁵ Ni mantsi mo oyu, nde ayu. ¹⁶ Biene le mamiu a la bara so baya ngoli? bake ka bana ba batama akara nzana, bo basiu mpe ba biu mumo mpe ya wukimi mpe bo balie: ¹⁷ '' Biu eke lebere mupara mundo bieno, mpe biene le kini wr. Biu ike lenfi, biene leli we.'' ¹⁸ Ndoki Jean ekeyi aliliwe mapa mpe onguingui ma mpe biene leli lie: " lita biene lelilie. ¹⁹ Muru nga linsui bi bibi mpe nde ake mbuimi eba fifiru mpao mpe basisa mamabi! " Muli maye masisue mu bisia bende.''» ²⁰ Muli Yesu ya babi bangeme mu malabo manene mundobu bisali binene basisali bo ndobu bo bakuini we oyilu miko mebo. ²¹ « Ngebe tse, a la biene bara ba bula, Chorazin! ngebe tse a la biene bara ba bula, Bethsaïda! kiri bisali binene leyana esia me a la biene mu bula Tyr mpe Sidon anka bu bakiri a la biene, ekala biene mikuo ba ntama mu bangou ya muto kuosuo ebu biene leyilu mikou me biene. ²² Muli me lilie a la biene nsu lesama a la nziame oliwa itumu kiburu bara bake mubula botiri Tyr mpe ya Sidoni, munsu luesa ma likaka a la biene. ²³ Nze, bula bokumu KAFARNAUMI, nze fifini ena ongia yu? ka mobue, nze bosuiru ti omba, kirebu KUSOSOMO eke bakiri bisali binene bisali a la nze bula boso bunu bu ka-ka ti loboli mulibu me olie. ²⁴ Moli me ya lilie kuke biene nsu le sama biene a la nziame me mono nze maluru anka ma memueu bara ba SOSOMO, munsu li usamu le nze.» ²⁵ Ena eso kiu Yesu ya lie: « me ya otuene a la tara nziame, mfumu we ongia yu mpe ya munana, Ndoki nzue lue mando maso a la bara banga makani ya mpe ya bali mando mpe nze asue a la bana ba mpio ki bayabi we. ²⁶ Ebini, tara, mamana ma ekuini nze basa mu mue nze. ²⁷ Mpia bilo biebeso tara owi kuke me. Muru mowe muyiabi mwana kaka tara muyiabi mpe muru mowe moyiabi tara kaka awana muyiabi mpe kuke ya mwana ene mpia bamusuo tara. ²⁸ Liya a la me, biene bobaso ba lisisa mpe biene baso bale biri bilo biluru mpe me liwa owumu. ²⁹ Lika bara bame ba isali mpe linama luo le me biene lika mbumu ndobu meke muru mokuo eyana mpe wesisa mamabue. ³⁰ Kuobu osine me oke mpuru we mpe nsui le me like bu luru.»