¹ Mu ina eso kimi, ERODE, mfumu munene ebula bu Galilée, nde ya yu balie nsia eyesu. ² Muru eso, nde ya lie a la bara bande isali, eke ibini ebu za zbu bueno bara: « Ewiu! mu ndobu nde ebiao insui ki ota bimpa.» ³ Mu libu ERODE ya ntuimi ba mukuara za, mpe ya ba kuari ya ba yuna ba fumusa onzo pibi (boloko), mundo HERODIADE, mukia manande Philepo, ⁴ Kuobu nde eke mulie; nze nzii yi - owi mukuandi yo we. ⁵ HERODE ya yu muso nzi ku ndu za, nde abi bari bara, nde mumuene a la za ebu buero bara anka nga monene enziame. ⁶ Muli, munsu li babuiri Herode, muli mwana mukara ebuiri Herodiade ya kini makini ankuu bara ba biu. Herode ake ya isu tsée: ⁷ Muli nde ya mulie mu makani kini nze kieso ebo nze me owuwa a la nze. ⁸ Mutini ekuini nguande, nde ya mulieu: ngua kukeme ngua keme mu die lesoli sa munsui eza we ebu buero bara. ⁹ Mu ola onde mfumu munene ya yu ngebe, mu mutini eso alie nde akuini we ma ndebu nde ke nsiri nseleka akuu ebara ba biu nde, mu elemu, nde ya kiu mpe ya wi nzi ba muwa. ¹⁰ Mpe nde ya tumi muru mumo awe akunsiri munsui za kunzo pibi (boloko) ¹¹ Munsui nde ya ba biri mudie mpe ya bawi a la mwana, mukara, mwana mukara ya fuwa a la nguande. ¹² Bansu ba za ya bafuwu mpieme nde mpe ya bidi biko ^mpe ya bawini ba fuliee a la Yesu klisto ya liu nfumu le bara. ¹³ Munsia eso yini Yesu ya some mobuara, ya wini ombu ende mbu yui ankara nsia; mpe mibui ebara ya ba tuiu mubula bobo bunene mpe ya ba munami munsi. ¹⁴ Bu atuiu nde mo buara amuene ibui ebara, mpe ya yu ngebe mukuo nde, mpe nde ya yu mu ubu balie. ¹⁵ Bu ito nkoko bans nde ya bayi ambu akende nde mpe ya mulie: « ambu eso ike akara nsio, mpe leyui koko; ebui eso ebara bafiri bawe ku, mala mabo; kuobu bawe bako sumu bilo biu odia. ¹⁶ Yesu ya bafiri: baka furu, biene bangako li bawa bilo budia. ¹⁷ Muli bo ya ba mofiri: biu akia like ya mampa matono ya bambi bue. ¹⁸ Mpe nde ya balie: « liya bio ku nkeme.» ¹⁹ Nde ya balie a la ibu ebara lisiu anzia mulie, nde ya we mampa malana ya ba mbi bue, mpe sini miu ati ngie, nde ya tuane nziame, nde ya nsiri mampa ya wi a la bansu bande, ya balie likabu mu ibui ebara. ²⁰ Bo baso ya balie balui, furu bikolu kumi abie ya bisia ya yifiri a la yesu. ²¹ Ba bali bake manfunu maku tana (5.000 Hommes) ma babo bakara ya bana ba batanga. ²² Yesu ya luiri mu mii anzia madia angiangoe, nde alie la bansu bande liwe le fundi ongu nzia me sa nsamu ibiu ebara ki. ²³ Bu insiamu ibui bara nde ya memi ongia bama, ndo afusamu nde buyu; kuobu eke leyu nkoko, nde ake nde ngayue. ²⁴ Bura, bu butoe ankara nzia ifu engo ya iyiya mipopo bwara ya bubi odimi. ²⁵ Muna ina ebu onzi ya bokie, limpibi lesi, yesu ewe ku bake bo ewe mu bitemo ngia nzia. ²⁶ Mu ina ba biene eluru angia nzia, boo insansa ya ki biao: « boya balie ndu wunu mumfu, nde bo ya bayu bo buono ya bababiao ya yu mungamu. ²⁷ Mbalimo yesu ya balie: «likiu obiene eke me lika bara buomo.» ²⁸ Mubo Pierre, ya mulie: « Mfumu, yabu nze, ndie me ngia ku kenge angia madia.» ²⁹ Yesu ya mufiri mi ya. mumbala mo, Pierre ya suiri mubuara mpe yayu muwe angia madia ku eke yesu. ³⁰ Mu ina amuene nde ebu ifu etse, ya yi, nde mbuomo ya bu biao mpe, bu abi odimi mu madia nde ya ti limaluo: mfumu! ya nviu me! ³¹ Mu mbali mo, yesu ya sii kuao ya mukuari. ya mulie, okiu onze oke nsii! ndoki nze esi mikeme? ³² Muli bobue ya basome mubuara mpe ifu ya ifi. ³³ Bara bake mubuara ya bafini mabuo anku yesu, mpe ya bamulie: ibini, nze ke mwana nziame. ³⁴ Akia bu mami osabu nzia, ya bate mumana ma Génésareth. ³⁵ Bara ba sisiu mu bula boso bunu bamu yiabi ntama a la yesu, bu ba muene ya bansia mu nsia mu mala momaso, ya baya nsuia ba bielo bobaso. ³⁶ Ya ba mobueno a la nde yesu owa nzi bo ba kuara nsa nsue iko ende. mpe bo baso ba kuari nde, eke ba biao mawama.