¹ Yesu anacibona omwandu gw'abantu, arheremera oku ntondo; n'erhi aba amatamala, abaganda bage bamushegereraho. ² Ababwira, arhondera abayigiriza, anaciderha erhi: ³ iragi lyabo abakenyi omu murhima, buly'obwami bw'empingu buli bwabo!

¹² Musime munashagaluke, bulya oluhembo lwinyu lwayishiba lunene omu mpingu, bulya ntyo kwobalibuzize n'abalebi balimushokolire.

¹³ Muli munyu gw'igulu. Cikwone omunyu nkagwakahez'obununu bwago, bicibyankacibu galula? Ntaco gwakaci kwanana okurhalikukabulirw'embuga, n'okulabarhwa n'abantu. ¹⁴ Muli bulangale gw'igulu. Olugo luyubakîrwe enyanya ly'ecirhwa lurhankacifulika; ¹⁵ nakandi barhankayasà akamole, n'abali kafulik'omu nyasi, cibanaka manik'emugamba, lyo kamolekera abali omunyumpa bwoshi. ¹⁶ Ntyo obulangale bwinyu bumolek'emwa abantu, lyo babon'emikolo yinyu, bakuze sho winyu oli omu mpingu.

¹⁷ Murhacikebagwa mpu nayishire okuishi rhenz'amarhegeko n'amalebi, c'arhali kuyishi garhenza cikuyishi gayunjuliza. ¹⁸ Bulya, nkubwire okunali, kuhika amalunga n'igulu bigere, harhakarhenga okumarhegeko i ciru yemunyi erhi nsingiri nguma y'amandiko, kuhika byoshi biyishi hikirira. ¹⁹ Ntya owanarhenze liguma lyomwaga marhegeko manyinyi, anagali ga yigiriza abantu okugajira, ayishiderhwa ye murho omubwami bw'empingu; cikwone owanagalange, akaba yiriza oku galange, oyo ye wayishi derhwa mukulu omubwami bw'empingu. ²⁰ Bulya, mmubwizire, akaba obushinganyaya bwinyu burhalushiri obw'abandisi n'obwa bafarizeyi, murhaka labarha omu bwami bw'empingu.

²¹ Mwayunvirhe oku abamira babwizirwe: oku orha nigaga; owanigè akwanine oku hanwa n'abatwi b'emanja. ²² Cikwone nie, mmubwizire oku ngasi yeshi wanabikira owabo oburhe, akwanine okuishi hanwa n'abatwi b'emanja; nk'oku owabwire owabo mpu: kandunduguli! Akwanine okuhanwa ekagombe; na nkakulya owabwire owabo mpu musirhe! Akwanine okuhanirw'omu nyega yomuliro. ²³ Lero erhi akaba odwirhe enterekero yawe wayiheka ahacesibwa, Oka kengera aho oku hali ecimufaninwe n'owinyu, ²⁴ ona lekere eyo nterekero yawe aha luso lwaha cesibwa, orhangi galuka oji yunvikana n'owinyu; buzinda oyishe oji rherekèra entulo yawe. ²⁵ Ocihumanye duba duba mwene n'omushombanyi wawe, amango ociri omunjira naye, lyo alekikuheka emw'omutwi w'emanja, n'omutwi w'emanja akuhe omukulu w'abasirika, akuheba omu mpamikwa. ²⁶ Nkubwizire okunali, orhakarheng'omwo orhanacilyula ensimuni nzinda.

²⁷ Mwayunvirhe oku byadesirwe mira: omanye orhajiraga obugonyi. ²⁸ Cikwone nie, mmubwizire ngasi yeshi osinza omukazi omu kucifinja yé erhi mira ajira obushungu bonaye omu murhima bwage. ²⁹ Nk'isu lyawe ly'elulyo lyakaba cirhumire c'okukuhushisa, onalirhomole olikwebe kuli nawe; bulya kw'okukulu kuliwe cirumbu cawe ciguma cihere, n'obugumana bwawe bwoshi buleki ishija omu cihenamu. ³⁰ N'okuboko kwawe kulyo erhi kwakaba igwarhiro lyo kukuhushisa, onakutwe oku kabulire kuli nawe; bulya kw'okukulu kuliwe cirumbu cawe ciguma cihere, ci n'obugumana bwawe bwoshi buleki ishija omucihenama.

³¹ Byadesirwe, oku owahinve mukage anamuhe ecerhe c'okushangalula. ³² Cikwone nie mmubwizire, oku ngasi yeshi wana hinve mukage; kulusha omukazi orhalumizizi emigenzo y'obuhya, erhya mujijire okuba cishungu, na ngasi wakayanka omukazi muhinve erhya jijire obushungu.

³³ Kandi mwa yunvirhe okw'abamira babw'izirwe mpu: orha lahiraga ebirha, ci okakomereza Nnamahanga endahiro zawe. ³⁴ Cikwone niehe, mmubwizire murhacigashaga ciru n'éhitya, ciru n'oku malunga, bulya eri ntebe ya nnamahanga; ³⁵ ciru n'okw'igulu, bulya kw'aheba amagulu gage; ciru na kuli yerusalemu, bulya ciri cishashagala c'omo mwami mukulu.

³⁶ Orhacigashaga enyanya l'irhwe lyawe, bulya orhahindula ciru oluviri lwawe luguma oku lwiru. ³⁷ Bikwanine oluderho lwawe lube neci, neci, nanga, nanga; ehyanka ciyushulwa kulibyo erhi birhenzire emw'omubi.

³⁸ Mwayunvirhe bya derhwa: isu okw'isu, na lino oku lino. ³⁹ Cikwone niehe, mmubwizire nti muzibuhaga oku mugalugalu. Hakabà owakushurhira omw'irhama ly'elulyo, ona muhindamulire n'éry'elumosho. ⁴⁰ Owakujise kadali, erhi cirondo cawe cirhuma, onamulekere n'olubega. ⁴¹ Owakuseze mpu ogende naye bilometri bibirhi. ⁴² Ohe okuhunyire, orhanagaluga olikuhoza.

⁴³ Mwayunvirhe oku byadesirwe: ozigire omwira wawe, ogaye n'omushombayi wawe. ⁴⁴ Ci niehe, mmubwizire: muzigire abashombanyi binyu, mugishe abamujacira, mujirire abalongez'amabi amindja, mushengere ngasi bamubulis'omurhûla n'abamushimbulula. ⁴⁵ Lyo muba bana ba sho winyu oli omu mpingu; bulya ye bashisa izuba oku babi n'okubindja ananiese n'enkuba oku bashinganyanya n'oku barhali bashinganyanya. ⁴⁶ Nkamwakazigira abamuzira, luhembo lucigi mwa habwa? Abantu b'olubaga nabo kwobanakajira ntyo? ⁴⁷ Nankamwaka kazilamusa bene winyu bone, erhi bici mujijirage kulusha? Abapagani nabo kabarhajira kwabene okwo? ⁴⁸ Kuziga mube bimâna nk'oku sho w'embingu aba mwimana.