¹ Agomango hanaciyisha mtu oderhwa yohana wokubatiza ajayigiriza omw'irungu ly'ebuyahudi akagi babwira erhi; ² muciyunjuze buly'obwami bw'empingu bukola bumuyegire, ³ Yohana he yolya waderhagwa n'Isaya mulebi amango aderhaga erhi erily'izû ly'omuntu wajaga yakuz'omwirungu rheganyi enjira ya Nyakasane yumanyanyi bw'inja enjira zage.

⁴ Yohana akagiyambala omushangi bw'endogomi n'omukuba gw'oluhu ecibuno akagilya enzigo n'obuci bw'emuzirhu. ⁵ Abantu boshi b'éyerusalemu abomulya yuda mwoshi na ngasi bomu Hindi bihugo byali eburhambi bwa yorodani. ⁶ Bakayish'émundali na bakaciyunjuz'ébyaha byabo bakayisha mpu ababatize omulwishi lwa yorodani.

⁷ Cikwone akabona abafarisayo banji bayishire mpu ababatize obwo bubatizo bwage n'abasandukayo akababwira buko bwa cibugusha ndi wamuyigirizize okuya k'obuhanya buyishire. ⁸ Muyanage amalehe minja g'obuciyunjuze ⁹ murha nacikagicibwira mwene na mwene mpu mugwerhe sho winyu ye ibrahimu bulya mmubwizirwe oku mulyaga mabuye gali aha Nnamahang'ogala byoshi anakûliramwo ibrahimu abana. ¹⁰ N'embasha ekola eri aha bisina by'émirhi hoshi aho ngasi murhi gurhalehesiri malehe minja gwatwibwa guna kwebwe okumuliro.

¹¹ Nie, namubatiza okumi lyo muhika omubuciyunjuze; cikwone oyishire nyuma zani ye muzibu kuli nie, ntanka cohashi lengeza enkwero zage ye, Ayishi mubatiz'okumuka mwimana n'okumuliro. ¹² Afumbasire olwibo omu kuboko kwage ayerulamw'amahemba have agahebe omu nguli, cikwone emisisi ayidulika omu muliro gurhazima.

¹³ Lero yezu anacirheng'egalilaya aha eyorodani emunda yohana âli mpu amubatizè. ¹⁴ Cikwone yowane alahira, aderha: niencifinjire okubatizibwa nawé, nawe wamayish'émundandi! ¹⁵ Yezu amushuza: oleke ojire Ntyo, bulya kulikwinja rhuhikirize ngasi ehinashinganine na yohana arhacirhindiraga.

¹⁶ Erhi yezu aba amabatizibwa, ayinamuka kurheng'omulwishi, honaho, amalunga gayiguka, anacibon'omuka gwa Nnamahanga gwayandagala now ngûku gwanaja kuliye. ¹⁷ Hona halya, izu lyana cirheng'enyanya lyaderha, oyu ye mugala wani muzigirwa ncivugira.