¹ Erhi Yezu ahuluka omu ka nnamuzinda aj'embunga aganda bage bamugendera mpu lyo bamulangula obubake bwa na nnamuzinda. ² Naye abashuza ababwira erhi: kamubwine ebyo byoshi? Mmubwizire okuli, aha nt'ibuye lyasigala okulindi buzira okushandakwa.

³ Erhi aba akola abwarhire oku ntondo ye emizetuni. Abaganda bage bamushegeraho bufunda funda bamu bwira mpu: orhubwire mangaci ebyo byaba n'ecabe cimanyuso cokuyisha kwawe n'ecokuhwa kw'igulu.

⁴ Naye yezu abashuza, ababwira erhi: mumanye ntaye wabarhebage. ⁵ Bulya banji bayishe okw'izino lyani banaderhe mpu nie Kristu banarhebe banji. ⁶ Mwayunve bàderha entambala n'emihigo y'entambala mumanye murhobohaga bulya kukwanine ebyo biyishe, cirhi burhaciba buzinda. ⁷ Ecihugo ca yimukire ecindi, n'obwami oku bundi bwami. Eci zombo n'omusisi byayishiba hanji. ⁸ Ebyo byoshi gw'omurhondero gwamalibuko.

⁹ Obwo bamulibuze banamuyirhe mushombwe na boshi erhi izino lyani lirhuma. ¹⁰ Banji bâhirime na banji ba hanane obuhâne bone oku bone banashombane bone oku bone. ¹¹ Abalebi bobushumi bababanji banarhebe Bantu banji. ¹² Na bulya amabi gayishiyushuka, obuzigire bwa banji bunyihe. ¹³ Ci owayorha alimwinja kuhika olyo lusiku luzinda ye wayokoke. ¹⁴ Eyi myanzi minja to bwami yayishi yigirizibwa omw'igulu lyoshi ebe cimanyiso oku lubaga lwoshi. Obwo lyo lusiku luzinda lwanaysihe.

¹⁵ Amango mukabona ebibibi byalebagwa na Danieli biri omu bantu bacesibwe owasoma anamanyage anayunvagye. ¹⁶ Lero abâli omu cihugo cé Yudeya bayakire oku ntondo. ¹⁷ N'oli okuburhungire bw'enyumpa arhahonoke mpu ajirhola ebiri oku mwage. ¹⁸ N'oli omu ishwa arhashubirag'eka mpu arhole omwambalo. ¹⁹ Abakazi Obuhanya bwa bakazi bali mazimi n'abayansa ago mango. ²⁰ Muhune murhishiyaka amango g'enkuba erhi o lwa Nnâmahanga. ²¹ Bulya ezonsiku zaba za malibuko garhazigibonekana kurhenga okulemwa kw'igulu kuhika buno garhakanacibonekana bundi. ²² Nankezo nsiku zirhankanyihibwe nta muntu wankacizire c'abishogwa barhuma ezo nsiku zanyihibwa.

²³ Amango erhi omuntu aka mubwira mpu Lola Kristu yoyu oli hâno kandi erhi hala murhemeraga. ²⁴ Bulya bayishiyisha ba Kristu bokucihamba na balebi bo bunywesi n'okujira ebimanyiso n'ebirhangaza binji ebyanka rheba ciru abishogwa acibe kwankahashikana. ²⁵ Ninyu omlebi mumanyage byoshi. ²⁶ Kuziga amango bakamubwira mpu yo-yo omwirungu; murhayijaga; yo-yo ocifulisire omu hisika, murhakuyemeraga. ²⁷ Nka kulya, obulomeke burhenga ebushoshokero bw'izûba bucibonese kuhika ebuzikiro bw'izûba kwo byashiba okwisha kwa mwene muntu. ²⁸ Aha omurhamba gwabe ho n'enyunda zanafulukire.

²⁹ Enyuma lya malibuko, izuba lya shitula mwizizi, n'omwezi nagwo gurhacibashe, n'entonde zahona okunkuba, n'emisi ya malunga ya geramw'omusisi. ³⁰ Nantyo ecimanyiso ca mwene muntu cabonekana omu malunga, amashanja goshi gw'omw'igulu gaciduduma, na gayishibona mwene muntu ayisha kurhenga omu bitu kurhanga emalunga n'obuhashe n'irenge linene. ³¹ Na ntyo anarhuma abaganda bage n'omushekera gw'izu linene, nabo bayishishubuza abishogwa bage kurhenga empande zini zigulo, kurhenga emalunga bwenene kuhika ahigulu lihekîre.

³² Mukolere olwiganyo oku murhi gw'amalehe. Erhi amashami gagwo gashebuka lyo mumanya okwi canda cirihofi. ³³ Nantyo, hano mubona ebyo byoshi, munamanye oku mwene omuntu alihofi, okumuhango. ³⁴ Kwo binali mmubwizire okuli, er'iburha rirhakagera, bwira n'ebi okuba. ³⁵ Irunga n'igulu byagera, cimyanzi yani erhagere ciru n'etya.

³⁶ Oku biyerekire olusiku na kashanzi, ntaye yeshi omanyire, na ciru abaganda bomu malungu, erhi omwana, cikwone ishe yene. ³⁷ Nka okubwabire okukasanzi ka nuhu ntyo kwo na mwene muntu ayishiyisha. ³⁸ Bulya ezo nsiku zalimbere lye ci honzi, abantu bakazigi lya n'okunywa, bakagi yaluka n'okuyalusa abana babo, kuhika amango Nuhu adahaga omu bwarho. ³⁹ Abantu barhakengeraga bici kuhika ecihonzi cayisha cabaheka boshi. Ntyo kwo mwene muntu ayishiyisha. ⁴⁰ Bantu babiri bashiba bali omu ishwa bashiheka muguma baleke owundi. ⁴¹ Bakazi babiri bashiba balibashwa: muguma ahekwa n'owabo asigale. ⁴² Hoshiaho mulalire bulya murhamanyiri olusiku omucunguzi winyu ayisha. ⁴³ Mumanyire bw'inja, oku nnanyumpa akolamanya olusiku omushambo ayisha analanga. ⁴⁴ Co cirhumire ninyu mulalire, bulya mwene Nnâmahanga ayishiyisha olusiku murhacimanyiri.

⁴⁵ Mushi ohi oli mwikubagirwa na mwirhonzi, oyu Bantu b'enyumpa yage mpu abagabire ebiryo omu kasanzi kashinganine. ⁴⁶ Iragi lyoyo wahabagwa obukulu, hâno Nnâmwabo ayisha ayishibugana omwambali ali Ajira ntyo. ⁴⁷ Nkubwizire okunali, anamujira mukulu wa birugu byage byoshi. ⁴⁸ Ci oyo akaba mukozi mubi erhi ankaderha omu murhima erhi: Nnâhamwirhu arhishiri duba, ⁴⁹ Erhi ankaba akola akashurha ababo ayisha, analye ananywe haguma nabalalwe, ⁵⁰ nnahamwabo oyo mukozi ayisha olusiku arhagererizi na kasangiarhamanyiri. ⁵¹ Bonabo amuhinve haguma n'endyalya: ho hayishiba endulu n'okukenyeza amino.