¹ Lero abafarisayo n'abalimu b'amarhegeko baiisha e yerusalemu baji hofi na yezu, n'okuderha: ² bulya gurhi abigirizibwa base barhakenga obworherere bw'abashosi? Bulya barha kalaba amaboko, erhi barhola ebiryo byabo?

³ Abashusha: na ninyu, gurhi kurhuma mufunda irhegeko lya Nnamahanga okubunguke bw'amorhezi ginyu? ⁴ Bulya Nnamahanga adesire: okenge sho na nyoko; na: waheherera ishe erhi nnina agw'asirwe ayirhwe.

⁵ Ci mwehe, munaderhe: owabwine ishe erhi nnina: erhi na nka kurhabiremwa ekola nterekero ya Nnamahanga, arhacilonzizi okurhabala ishe erhi nnina. ⁶ Mnaheze ntyo omwanzi gwa Nnamahanga lyo mujira okw'obworhere bwinyu budesire. ⁷ Ezi ndyalya, Esaya amanyire leba enyanya zinyu, erhi aderha: ⁸ olulubaga luli lwankenga omukanwa kwone, ci omurhima gwalo guli kuli na nani. ¹⁰ Erhi aba amacihamagalira olubaga, alubwira: muyunvé, muyunvé, munamanye. ¹¹ Arhali ehija ekanwa hyo hizinga omuntu; ci ehirhenga ekwanwa, hyo hizinga omuntu.

¹² Obwo abagirizibwa bamuyegera, Banacimubwira: k'omanyire okw'abafarisayo bagayisibwe n'emyanzi bayunvirhe?

¹³ Naye abashuza: ngasi mburho larha wenyanya arharhweraga yayishikulwa. ¹⁴ Mubaleke: eri mihurha elongolana emihurha; erhi omuhurha gwankaheeka omuhurha, yanahirimira yombi omu mwina.

¹⁵ Petro, ashuza, amubwiri: orhuhugulire ogwo mugani.

¹⁶ Na yezu aderha: kana ninyu, ka murhacigwarha bwenge? ¹⁷ Kamurhanamanyiri oku ebija ekanwa byooshi omu nda bija, na buzinda bikabulirwe ahantu hihwe? ¹⁸ Cikwone ehirhenga ekanwa omu murhima hirhenga, ehyo hyo hihimbuza omuntu. ¹⁹ Bulya omu murhima mwo murhenga engererezo mbi, okuniga, obucungu, n'okusolomo, okuzimba, n'okunywerha, n'okuderherera abandi amabi. ²⁰ Alaga ebintu bizinza omuntu; cikwoone okulya buzira oku kalaba enfune, okwo kurhazinza omuntu.

²¹ Yezu, arhenga eyo munda, acijira omu mpande z'e Tiri n'eze Sidoni. ²² Obwo, mukazi muguma mukananayo, ayiishaga muli eco cihugo, mwayakuza: omubere obonjo, nnahamwirhu, mwene Daudi! Omunyere wani anayiirwe n'omuzimu.

²³ Arhamushuzagya akanwa, na banafunzi bage bamuyegera ho, bamuyinginga: galula ye, bulya agendekire ajayakuliza enyuma zirhu.

²⁴ Anacuza: ntarhumagwa okurhali oku bibuzi byahezire bw'enyumpa y'israeli.

²⁵ Cikwone ayisha amufukama emalanga, aderha: waliha, ntabala nani!

²⁶ Naye ashuza: birhali binja okurhola omugati gwa bana, n'okugukwaba orhu bwana.

²⁷ N'eci, nnahamwirhu, akuderha, ci kwoki orhubwana rhunakalya obuhungumukiza bujarhoge oku meza ga ba nnahamwabo.

²⁸ Lero yezu amubwira: mukazi, obwemere bwawe bulibunene; bikujirirwe nkw'okocifinjire.

²⁹ Yezu aderha eyo munda, aja hofi n'enyanja y'e Galilaya. Ayinamukira oku ntondo, akutamala. ³⁰ Lero engabo nnene yamuyegera, erhi bali haguma n'ébirema, n'émihurha, n'orhuduma, n'abandi balwala banji bakabahira aha magulu gage, n'aye akabafumya. ³¹ Kuhika olubaga lwachagaluka oku bona orhuduma rhaderha, n'ébirema bafumire, abashunagizi bajagenda, emihurha yabona; bakuza nnamahaga w'israeli.

³² Yezu, erhi amahamagala abigirizibwa bage, aderha: mberire olulubaga obwonjo; bulya bali nsiku zicarhu bali hofi na nani, barhanagwerhi ebi balya. Ntalonzizi mubagalule barhaliri, n'écoba nti bankayishinyihirwa n'emisi omunjira.

³³ Abigirizibwa bamubwira: ngahi rharhenza omw'erirungu emigati ya yugusa olulubaga lunenene?

³⁴ Yezu anacibadosa: migati inga mugwerhe? Nda, bamushuza, na rhusamaki rhusungunu.

³⁵ Lero anacitamaza engabo okwidaho, ³⁶ arhola erya migati nda, zirya nsamaki, n'erhi ayusa avuga omukwa, ayibega, abuliy'ihereza abigirizibwa baage, nabo bayigabira olubaga. ³⁷ Boshi banayigurha, babuliheeka ntanda nda ziyunjwire bihimbi bya sigalaga. ³⁸ Abalyaga baali balume bihumbi binji buzira okuganja abakazi na bana.

³⁹ N'erhi aciba amalika engabo, ashonera omu bwaarho, aja omu cihugo cé Magadani.