¹ Agomango mwali Herodi ayunva baderha entanya za Yezu, abwira abambali erhi: Olya Yohana mubatiza oyo! ² Afusire omu backed, okwo kwokurhumire agwerhe obuhashe bwokujira ebisomerine.

³ Bulya Herodi, wagwarhaga Yohana, amuyimanza, amuheba omu mpamikwa, enyanya za Herodiase mukà mulumuna, Filipo. ⁴ Bulya Yohana amubwizire: Orhayemerirwi okurhola ye nka mukawe. ⁵ Akagilonza oku muniga ci ayoboha olubaga, Bulya lwakagi bona Yohana nka mulebi.

⁶ Lero olusiku lw'oku kengera okuburhwa kwa Herodi lwa hika, mwali wa Herodiase asamira emalanga g'abalilalisirwe, asimisa Herodi. ⁷ Ciru acigasha oku amuhâ ebi Alana muhuna byoshi. ⁸ Omu kushimba ihano lya Nina, aderha: ompere honaho, oku nambi, irhwe lya Yohana mubatiza. ⁹ Mwami agaya; Cikwone, okcigasha n'abali lalisirirwe, arhegeka mpu bamuhe lyo. ¹⁰ Arhuma mpu bajitwa irhwe lya Yohana omu mpamikwa. ¹¹ Bayisha badwirhe irhwe lya Yohana oku nambi, baliha oyo munyere, Nate alihekera nina. ¹² Abaganda ba yohana Bayisha barhola omubiri gwage, bagubisha. Banagenda bajibwira Yezu ebyabire.

¹³ Okw'ogwo mwanzi, Yezu arhenga eyomunda omu bwarho, mpu aciyegulire ahantu h'irungu, n'olubaga erhi lukumanya, barhenga omu mirhundu bamu kulikira n'amagulu. ¹⁴ Erhi arhenga omu bwarho, abona olubaga lunene, abayunviza obwonjo, afumya balwala.

¹⁵ Erhi ebijingo bibà, abigirizibwa bage yamuyegera, bamubwira: Lyamabà irungu lino, n'akasazi ka gezire, Lola olubaga, lyo baj'omu lugô bagul'ebi balya.

¹⁶ Yezu abashuza: Barhali lwifinjo lwa kugenda; mubahé mwene ebi balya.

¹⁷ Cikwone bamubwira: Hano rhugwerhe migati irhanu na nsamaki zibirhi, byone.

¹⁸ Anaciderha: Nderheri byo. ¹⁹ Atamaza olubaga oku lubala, arhola erya migati irhanu na zirya nsamaki, agalamira emalunaga, akuza. Nakandi, abega erya migati n'oku yihereza abigirizibwa bage, Babo bayigabira olubaga. ²⁰ Boshi balya banayigurha, banaheka ngega ikumi na zibiri za birholo byasigire. ²¹ Abalire byankahisire hofi baluma bihumbi birhanu, buzira bakazi nabana.

²² Enyuma z'aho, arhunika abaganda mpu bashonere omu bwarho bana mushokolere bayikirire ishiriza, oku acigwerhe asengeruka olubaga. ²³ Erhi aba amabasengeruka, ayinamukira oku ntondo, oku ji shenga, lero byaba bijingo, erhi ali eyomunda yene. ²⁴ Obwarho Mira bikola buli ekerhi k'enyanja, bwaja bwa hugunywa n'akalaba; Bulya empusi yakagi rhenga emunda bali yerekire. ²⁵ Oku mucô, Yezu aja emunda bali, ayisha agenda oku nyanja. ²⁶ Erhi abigirizibwa bamubona ayishire agenda omu nyanja, bakanguka, banaciderha: Mwomoka, omu bwoba bwabo, balika endulu.

²⁷ Yezu ababwira honaho: Hebi omurhima omunda, niene oyu, murhayobohe!

²⁸ Metro amushuza: Nnahamwirhu, akaba analiwe, oderhe nje emunda oli nyishe bagenda oku mishi.

²⁹ Anaciderha: oyishe! Metro arhenga omu bwarho, anagula oku mishi, mpu aj'emunda Yezu ali. ³⁰ Cikwone erhi abona oku empusi erhakalindwa, ayoboha; n'erhi arhangira okuzika, ayama: muciza, ocize!

³¹ Honaho Yezu alambula okuboko amubwira, amubwira: oli muntu was bwemere busungunu, Bici birhumire wabà n'akarhinda?

³² Banacishonera omu bwarho, n'empusi yahwa.

³³ Abali omu bwarho barhondera oku fukamira Yezu, banaderha: Okunali oli mwene Nnamahanga.

³⁴ Erhi babà bamayikira enyanya, bana omu cihugo c'egenezareti. ³⁵ Abantu b'eyomunda, erhi bamanya Yezu, balumiza omwanzi emwa abalungwe boshi, banamulerhere abalwala boshi.

³⁶ Yakagi mu sengera mpu ciru abaleke nakahuma oku cishumiro c'omushangi gwage. Na ngasi boshi bamuhumure kwo, banaja bafuma.