¹ Gan ke mɛ Yesu kpo i we onukplanvi ye kpɔ Jeluzamu bo tɛkpɔ Betafage e ko din le otɔ Oliva tɔ u. ² Bɔ de u-ɔ Yesu dɔ dodan i we onukplanvi ɔwe bo lɔ na ye nɔ bio:" Mi yi ogleta xwue ke mɛ mi va ɖiɛ nɔ, Mi na kpɔ osɔ kɛtɛ ɖokpo le bibla le a ha nii ye osu. Mi tun a bo sɔ ye va na. ³ Na mɛ ɖe kan oxo u mi se sɔn e u, mi lɔ bio xwetɔ wɛ dɔn zɔn ɖokpo zɔn ɖokpo e na jo mi do"" ⁴ E va emɛ nɔ, nu ke oxolɔɖeŋytɔ ye lɔ ye bo lɔ:" ⁵ Lɔ na nyɔnusivi siɔn tɔn;" "kpɔn, xɔlu tɔ we o gbɔnnɔ kɔn we nɔ bo sɔ yi ɖe xwue bo le osɔ kɛtɛ ji. ⁶ Onukplanvi ye ɔwe ye yi bo wasi. ⁷ Ɖi ke e lɔ ɖo ha. Ye hin oxɔ kɛtɛ osi kpo osu-ɔ va ni, ye sɔ ye axu gaga bo sɔ ɖe eji Yesu xunnɔ eji. ⁸ Ɛmɛ susu le ɛmɛ ye mɛ ɔ can tɛ ye we awu gaga do omɔ ji nɔ mɛ ɖe ye bo gbo ama ye bo o ɛtɛ nɔ agba. ⁹ Ye mɛ ke jɛ ŋkɔn kpo ke le godo ni ye-ɔ, o do axwa nɔ bo lɔ no bio:" Xozana na ovi Davidi tɔn! otanyɔn na mɛ ke va le xwetɔ we nyikɔ mɛ! Xozana na oji we oji kunsi." ¹⁰ Ke Yesu ɖyɛ Jeluzalɛmu,, e xo avo do ye ye bo lɔ: " Mɛ ŋye e ke?" ¹¹ Ɛme ye o yi ogbe nɔ:" I wɛ ŋyi Yesu, oxolɔɖenyitɔ Nazalɛtutɔn le Galile." ¹² Bɔ de e u-ɔ, Yesu ɖyɛ sisɛn-xɔ. Ye ŋan mɛ ke sa onu nɔ ye kpo ke xɔ onu nɔ ye, e bo gba ɔkplɔn na mɛ ke ye o cɛ oxo nɔ ye, e bo sɔ okpo sɔ da fli na mɛ ke osa hɔnnin ye nɔ. ¹³ Bo lɔ na ye nɔ: E le winwlan bio " oxe tɛ ye, ye na ŋyɔwɛ bio kue fan xue " vɔ mi ye ɔ suɛ do wasi fi ke ye nɔ fi ɛ fi le-ɔ." ¹⁴ Ŋunva nɔn kpo ɛtɛkunɔ va Yesu kɔn le sisɛn-xɔ. e bo gɔ ɔdon na ye. ¹⁵ Gan ke mɛ ɔvɔsan wasi tɔ kpo osin wlan tɔ ye kpɔ onu nywɛn xlɛn ye-ɔ bo se vikpɛ ye odo axa le ɔvɔsan xwe nɔ bo lɔ nɔ bio:" Xozana na ovi Davidi tɔn". Aɖi wle gbun. ¹⁶ Ye bo lɔ ni nɔ: " Ose onu ke ɛmɛ hin ye otun nɔ?" Yesu yi ogbe na ye bo lɔ nɔ:" Ɛ, mi hɔn hlɛ kpɔn:" Sɔ gbɔn ovi kpɛ ye we onumɛ-ɔ kpo vife le ɔnɔnu ye-ɔ, o na do zozo na ye a do kpa gigo adoduɛ." ¹⁷ Bɔ de u-ɔ, yesu lɛ le ye kɔn bo yi Betani e bo dɔ blɛ. ¹⁸ I we godo-ɔ, ke unkɔnɖe-ɔ, e trɔ va otoxo-ɔ mɛ le kekle nu hovɛ bo ci. ¹⁹ Ke e kpɔ figiti le omɔ to-ɔ e bo yi e kɔn bo ve kpɔn ama ɖoɖiɔ le eji. Elɔ na otiɔ: hɔn mɔ na sɛn kpɔn3 zɔn ɖokpo ɔ otin bo hu. ²⁰ Ke yi we onukplanvi ye kpɔn onu e mɔ ha; ojo jɔ ye, ye bo lɔ:" Naɖe figitin ɔ xu zonɖo kpo ɖo e mɔ ha? ²¹ Yesu yi ogbe na ye bo lɔ na ye nɔ:" Ko lɔ na mi nɔ, le oxo jɔxo mɛ nɔ na miɖo xɔse ɔ mi ye can na wasi nu ke wa otin ke, na mi hɔn xo kpɔn. Mi na lɔ na oto bnio lɛ le blɛ a bo va jɛ ɛhu mɛ e bo na va e mɛ. ²² Kpo kan do eji ɔ, nu bi ke mi biɔ le xɔse mɛ-ɔ, mi na yi. ²³ Gan ke mɛ Yesu ɖyɛ cɔci xɔmɛ, ɔvɔsan wasitɔ ye kpo ɛmɛ wɛnwɛ otɔ mɛ tɔn ye va gan ke mɛ e kplan onu emɛ ye nɔ bo lɔ ni nɔ: "honhlon ni lɛ o do wa odan hɛn ye nɔ mɛ bo na honhlon hɛn ye wu we?" ²⁴ Yesu yi ogbe na ye:" Ko na kan oxo ke wu mi se. Na mi lɔ na nɔ, ko na lɔ sɔ gbɔn honhlon ke mɛ ko wasi onu klɛ ye le nɔ na mi. ²⁵ Ɛsin do ota jaan tɔ (fie e sɔn?) oji unkunsi alo gbɛtɔ ye kn?" Ye bo ta lilɔ le ye ɖe ye mɛ bio:" Na mi lɔ bio oji unkunsi, e na lɔ na mi:" un ni jɔ mi hɔn do ɖo xɔse ni?" ²⁶ Vɔ na mi lɔ bio: " Gbɛtɔ ye kɔn " mi na vo na otogun-ɔ ɖo otogun-ɔ sɔ Jaan ɖi oxolɔɖenyi tɔ." ²⁷ Le blɛ-ɔ, ye yi ogbe na Yesu bo lɔ:" Mi ye hɔn ŋyɛn." Yesu can lɔ na ye; " Kɔn lɔ honhlon ke mɛ ko wasi onu klɛ ye le na mi nɔ. ²⁸ Vɔ na ɖe mi o buyi ɖo nɔ? " Unsuglo ɖokpɔ wɛ ɖo ovi ɔwe: " e yi ɛmɛ tantyɛn kɔn bo lɔ: " Ovi ye, ve wa odan na le viun we oglegbe le egbe. ²⁹ Ovi-ɔ yi ogbe ni bo lɔ:" Kɔn wasi nɔ" vɔ yi we godo-ɔ e va trɔ ogbe ta bo yi."" ³⁰ Unsuglo sɔn ŋyi ovi ɔwe gɔ kɔn bo mɔ lɔ oho ɖokpo-ɔ ke ni. Ovi ke yi ogbe ni bo lɔ:" Ko na yi huanje" vo e kp yi ³¹ Le ye mɛ ovi kpɛ ɔwe ke ye mɛ-ɔ wasi otɔ we ojro?" Ye yi ogbe ni:" Ɛmɛ tantɛn wɛ" Yesu lɔ na ye:" Le oxo jɔ xo mɛ-ɔ, ko lɔ na mi nɔ takuɛ jɔtɔ ye kpo ogalɔtɔ ye-ɔ na ɖyɛ xɔluduxe Mawu tɔ do unkɔn na mi. ³² Ɖo Jaan va mia kɔn gbɔn jijuɛ we omɔ ji vɔ mi ko xɔse. Mi ye gan ke mɛ mi va kpɔn onu-ɔ va va-ɔ, mi hɔn mɔ va trɔ oji mɛ a do xɔse." ³³ Mi ɖo ptp olo dido bu:" Unsiuglo ɖokpo ɖe le, bo ɖo ogle. E do viun, do okpa lɛ ɖue, e bo ɖe viun we ogun ɖɔkpo, e bo sɔ ɛmɛ cɔ tɔ ye bo sɔ lɛ due bo sɔ haya na viun ɖatɔ ye. E bo sɔ ŋyi oto bu mɛ. ³⁴ Gan ke mɛ ye na gbɛn kpɔ, e ɖo odansɔtɔ ɖeye dodan mɛ ke haya ogle i tɔn a do yi ke ŋyi itɔn le otinkubsisɛn ye mɛ. ³⁵ Vɔ ye mɛ ke e haya ogle-ɔ ye wle i we odansɔtɔ ye, ye hɔ mɛ ɖe ye, hu mɛ ɖe ye bo mɔ tɔ owan wu mɛ ɖe ye bu hɛn mɔ ŋyi e ke. ³⁶ Ogletɔ mɔ sɔ ɛmɛ bu ye ke su hu san tɔn, viuntɔ ye mɔ hɛn ye ɖi ɛmɛ tantyɛn ye ha. ³⁷ E we godo-ɔ, ogletɔ sɔ oviɔ tete sɔ ɖo dan bo lɔ nɔ:" Ye na ɖo sisi na ovi tɛ ye." ³⁸ Vɔ gan ke mɛ ye kpɔn ovi-ɔ ogbɔn nɔ, ye lɔ le ye ɖe mɛ nɔ:" Mikpɔn cinɔ ɖu tɔ: mi va, mian huwi a bo yi cinɔ." ³⁹ Siɛ-ɔ ye kple, bo ve sɔ flyɛn do ogle-ɔ we godo bo huwi. ⁴⁰ Siɔ, gan ke mɛ ogle tɔ viun tɔn na va va-ɔ, na ɖe e na wa na ɛmɛ ke haya viun gle itɔn ye?" ⁴¹ Ye na lɔ ni bio:" E na gu okun na dɔunɖunu nɔ klɛ ye kpo ɛhun ŋynylan kpo a bo sɔ yi we viun gle-ɔ sɔ haya na ɛmɛ bu ye, ɛgbɛtɔ ye ke na nɔ sɔ otin kun sisɛn viun tɔn ni le gan ke mɛ ye na ɖe-ɔ." ⁴² Yesu lɔ na ye nɔ:" Mi hɔn hlɛ le wiwlan ye mɛ:" Ɛkpɛn ke oxɔ gbatɔ ye sɔ fli va trɔzun we ɛkpɛn. Eke sɔn Xwetɔ kɔn e bo ŋyɔhɛn le mia we unmɛ"? ⁴³ I wɛ dɔn ko do lɔ na mi nɔ, ye na yi xɔluɖuxe Mawu tɔn le mia si a bo sɔ na otogun bu ke na na i we okun sisɛn. ⁴⁴ Ɛmɛ ɖe kpokpe-e ke na jɛ ɛkpɛn ke ji-ɔ na ŋyi gbigba. Vɔ, mɛ ke ji e na jɛ-ɔ, na kutu."" ⁴⁵ Gan ke mɛ vɔsanwasityɔ ye kpo faliziatɔ ye se olodido klɛ ye-ɔ, ye ŋywɛ bio hi ye we oxo mɛ e mɔ lɔ nɔ. ⁴⁶ Ke ye jro na wle-ɔ, ye vo otogun-ɔ ɖo ɛmɛ ye o kpɔɛn nɔ ɖi oxolɔɖenyi tɔ.