¹ Xo nju gbo-ɔ jiŋukunsi xɔluɖuɖuxwe-ɔ le ɖi oglɛtɔ ɖe ke tɔn le keklenu futu-u a do kplɔ odan watɔ ye do viŋi gle itɔn gbe. ² Ikpɔ odan watɔ ye lɔ do oho ɖokpo ji na ŋukɔn ɖiɖe ɖokpo, e dɔn ye dodan viŋi we gle-ɔ gbe. ³ E tɔn le ogan ɔton mɛ emɔ ha bo mɔ kpɔn odanwatɔ bu ye ke le oximɛ ye ye ko wa onuti-i nɔ. ⁴ E lɔ na ye biɔ "Mi ye can mi ve wa odan le viŋi we glegbe na, na ke mi wa ɖo ko na tu ɔxɔ e tɔn na mi." Emɔ ha ye bo sɔn bo ve wa odan. ⁵ E mɔn trɔ tɔn le ogan atrekpo mɛ ha, e mɔ wasi le ɖi ke e wasi ɖo ha san ha. ⁶ E mɔn trɔ tɔn le ogan weɖokpo mɛ ha e mɔ kpɔn ɛmɛ bu ye ke hɔn wa onu ti nɔ, e mɔ lɔ na ye bio " e ni jɔ na mi do le bwɛ odan ɖe ma wa le ŋukɔn ɖiɖe?" ⁷ Ye ɖo e wu ni: onu ke dɔn wɛ ny bio ɛmɛ ti hɔn yɔ mi na odan. " E bo lɔ na ye bio: " mi ye can mi yi viŋi gle tɛye gbe." ⁸ Hwedo do, ogletɔ lɔ na onujikpɔntɔ itn bio: " wɔ odan watɔ ye a bo tɔ ɔxɔ tutu na ye sɔn ɛmɛ kpotwi ye ji a bo do yi ɛmɛ tantɛn ye ji." ⁹ Ke na odan watɔ ke yi odan wagbe le ogan weɖokpo mɛ ye gbɔn, mɛ ɖokpo ɖokpo yi oho gan ɖokpo ɖokpo. ¹⁰ Ganke mɛ odan watɔ tantyɛn tɔn ye gbɔn, ye bu-i bio hye mɔ na yi oho hu oho gan ɖokpo ha. ¹¹ Ke ye yi ɔxɔ tu ye tɔn ɖo-ɔ emɔ ha vɔ, ye tɔ ɛhwɛ jijɛ do ogletɔ wu. ¹² Ye lɔ bio: " odan watɔ kpotwi ke ye-ɔ, ye wa odan na ogan xixo ɖokpo ha, vɔ o bo va tu ɔxɔ ɖokpo ye na mi, mi ye ke na nɔ ohwe nu sɔn keklenu gun ozan bodo-o." ¹³ Vɔ gletɔ lɔ na mɛ ɖokpo le ye mɛ bio: " hadwe tɛ ye, kɔn wa onu nyinyla ti kpo we. Oho gan ɖokpo ji hɛn mi gbo do? " ¹⁴ Mi yi ke na nyi mia tɔn a bo lɛ, blɔ tete wɛ jrɔ bo tu ɔxɔ hu ɛmɛ kpɔtwi ye le ɖi ɛmɛ tantyɛn ye ha. ¹⁵ Ko-ɔn ɖo ɛcɛ na do sɔ bo we dɔkun nu ye a do wa onu ke jro wɛ? Alo ke ko nyi onu na ɛmɛ tɔ wɛ bia owun na mi nɔ? ¹⁶ Emɔ ha ɛmɛ tantyɛn kpotwi, ɛmɛ kpotwi, mɔ nyi ɛmɛ tantyɛn. ¹⁷ Kena Yesu o sɔn yi Jeluzalɛmu, e kplɔ onukplanvi weve ye. Le omɔii e lɔ na ye bio: " ¹⁸ Mikpɔn mi yi Jeluzalɛmu nɔ we bo na sɔ gbɛtɔ we vi-ɔ a bo sɔ na ɔvɔsantɔ ɖaxo ye kpo osɛn kplan ɛmɛ tɔ ye. Ye na do oku we ɛhɛ ni-i abo sɔ-ɛ so sa na mayise nɔ ye na ye a do ko-e, ¹⁹ a bo xwe abo kin do otinsogaji. Vɔ, e na fɔn sɔn oku le onyi hinhɔn ɔtɔn gɔ gbe." ²⁰ Sɔ yi eji-ɔ Zebeɖe we vikpɛ ye we nɔ va Yesu kɔn kpo vikpɛ itɔn ye. E va jɛ klita le ɔkɔn mɛ na Yesu bo biɔ onu ɖe ye wi. ²¹ Yesu bo kinse bio: " Un ni ojro na ma wa na we?" Nahwe bo ɖeo wu ni bio: " Ɖe mɔ na vikpɛ tɛ ye ɔwe ava xinnɔnyi, ɛmɛ ɖokpo le aɖusi tɔ we mɛ, mɛ ɖokpo le ɔmyɔn tɔ we le ganke mɛ ona va le xɔluɖuhwe tɔ we mɛ." ²² Vɔ Yesu bo ɖe wu ni bio: " ɔn yɔn onu ke na obiɔ nɔ. Mi le ogbe sisɔ na se vivɛ wu na nu kɔkpo ke ko va nu nɔ?" Ye bo ɖo-e wu ni bio: "Mi le ogbe sisɔ." ²³ Yesu bo ɖo-e na ye bio: " Honu gbo wɛ kɔkpo tɛ ye, mi na nwi. Vɔ ke nyi ɛmɛ ɖe na xinnɔnyi do aɖusi mɛ na alo ɛmɛ ɖe mɔ xinnɔnyi le ɔmyɔn mɛ na, blɔ hwɛn nɔ na, vɔ didɛ ye wɛ nɔ na ɛmɛ ke e jro denyi na ye." ²⁴ Ke onukplavi owo ɖyɛ ye se e mɔ, aɖi wle ye do nɔvinɔ ɔwe dyɛ ye wu taŋ. ²⁵ Vɔ, Yesu bo yɔ ye va iɖe kɔn bo lɔ bio: " O nywɛ bio mayisenɔ ye we ga ye nɔ kpa ɛcɛ do ye ji, ɛmɛ ŋukunsi le eji ye can bo nɔ ɖo ɛcɛ do ye ji. ²⁶ Vɔ e ɔn na nyi emɔ le mia mɛ. Do gbɔn va-ɔ, ɛmɛ ke jro na nyi ɛmɛ ɖaho le mia mɛ ɖo na nyi odansɔvi miatɔn. ²⁷ Ɛmɛ ɖekpo kpo-e ke jro na nyi tantyɛn le mia mɛ ɖo na nyi odansɔvi miatɔn. ²⁸ Emɔ wɛ gbɛtɔ we vi-ɔ ɔn va na ye na do sin, vɔ a va sɛn ɛmɛ a bo sɔ ɛgbɛ itɔn a do ɖɔli ɛgbɛ ɛmɛ susu tɔn. ²⁹ Ke e tɔ le Jeliko, ɛmɛ susu gbagbagba bo xodo-e. ³⁰ Ŋuvado nɔ ɔwe bo le onyi xlin xlɔn le omɔ to. Ke ye se lɔ bio Yesu mɛ mɔ va yi nɔ, ye do axwa bio;" Xwetɔ, Davidi we vi, kpɔn dɔnuɖunu na mi." ³¹ Ɛmɛ susu gbagbagba bo gbɛ na ye bio ye mɔ bɔ onu vɔ ye mɔ do ahwa sinsɛn-ɔn do eji: " Xwetɔ, Davidi we vi, kpɔn dɔnuɖunu na mi." ³² Kpɔn Yesu bo nɔ te, bo yɔ ye bo kan ye se nɔ bio: " e ni mi jro na ma wa na mi?" ³³ Ye bo ɖo-e ewu ni bio: " xwetɔ na mia ye ŋukunsin ye ni hun." ³⁴ E vɔ, e bo ɖu dɔnu na Yesu, ke etɔ ɔlɔ ye we ŋukunsin bo hun zɔn ɖokpo, ye bo tɔ onu kpinkpɔn bo xodo Yesu.