¹ Kimii yee kimache Yeesu kwoomchi biiko lokooy. Kiiruruukyi keey biiko chee chaang'. Yu kakas kuu nyooto, kuwo inee ak rubiikyii yee toroor ankutebee ng'weny. Koonookyi rubiichoo ² ankutoow Yeesu kooneetiis. Kimwooy kule,

¹¹ Oberuurootiin soo, kule nee akweek choo oyenwoo, yoo kakeechubook ankeewusook nto keemololchook ng'al chee chaang' kubo anii. ¹² Yoo kakeeyewook kuu nyooto, otyeen kubo ng'erekweek, kuuyu mii kiy nyebo kwong'uut nyee makutuweneenook Yeyiin am kibkoonkoy. Ntee kiikeewusoon mbo nkicheek *woorkooyikaab Yeyiin choo kibo taay kuu nyooto.”

¹³ Kimwooy Yeesu kule, “Akweek muunyeetaab kooreet. Nteenee yoo kakuskusiit muunyeet, kameetakiitooysee nteenee keeluluktooy kootartaar biiko. ¹⁴ Akweek ku lebkeeyyeetaab kooreet. Mawunyaktoos *kiriinkeet nyoo kikeeteekyi tulwo, ¹⁵ amamii chii nyee tabe taariit ankookubuuyee kerebeet, nteenee ikoochine yee torooroot sukulebkechi biiko tukul am ko. ¹⁶ Kunyoo machaktoos olebkechi biiko kubuntee yeyuutekwook chee karoomech, si yoo kakasaak kookaasta koon nyoo miite kibkoonkoy.”

¹⁷ Meesoot chii kule kyaachoonii anii chaanemtooy kiruutekaab *Muusa ak chebo *woorkooyik, nteenee kyaachoonii chaatyiiche ng'aleechaa. ¹⁸ Kubooyiit man, amwoowook kule akoy kukeeyta barak akoo ng'weny, mamii kiy nyee makiinemto am kiruutechoo ankoo ku mining' nyee tyaa, akoy kuyityiin ng'aleechaa tukul. ¹⁹ Kunyoo, chii ake tukul nyee kameto kiruutechoo ankoo mbo nyee mining' nyee tyaa ankuyey biiko alak kurub ng'aleekyii kuma chii nyoo am baytooyiisyeetaab Yeyiin. Nto nyoo karub kiruutechoo ankuyey alak kurub, kiitoroore nyooto am baytooyiisyeetaab Yeyiin. ²⁰ Amwoowook kule, meewute chii baytooyiisyeetaab Yeyiin yoo kamachurta kusiir Farisaayeechaa akoo kaaneetichoo bo kiruutek.”

²¹ Kitas taay Yeesu kumwooy kule, “Abere kyookas kule, kikeemwoochi chiitaab keny kule, 'Meebakach chii. Nto chii ake tukul nyoo kabakakiis, akoy kiitiilchi ng'al.' ²² Nto anii amwoowook kule chii ake tukul nyoo kanyeerchi ng'eetaabkaamet, makiitiilchi ng'al. Nto chiito nyoo kamwoochi ng'eetaabkaamet kule, 'Iberber' makiiyyoong'tee kook sikiitiilchi ng'aleek, nto yoo kaleenchi ng'eetaabkaamet, 'Iyeku solwo', kumisyine kiimut bokeetoorchi wolee bo maataab kibchuulyo. ²³ Kunyoo, yoo imache ituwenchi Yeyiin kiy ankiisoot kule itinye tisya am wolee mii ng'eetaabkoomet, ²⁴ ibakookyi kiyoo yooto bo *Kootaab Yeyiin ankiiwe wolee mii ng'eetaabkoomet boochoomnye kurook nto yityo weetuwente kiyooto. ²⁵ Yoo miite chiito ake kukweriing' kook kubo besennyii nyee iboomnte, kumachaktoos simokasyiine am keeltaab too kutoombo oyite kook. Yoo kameeyey kuu nyooto, kukweriing' nyiin kook ankooyokoochiing' boonteetaab kook. Makunaming' boontoonoo bo kook ankoorekeerchiing' chiito nyoo riibe kibratiisyek kukertiing' ko. ²⁶ Kaamwoowook, meetebii wolooto akoy iyaakte besenoo tukul.”

²⁷ Kitas taay Yeesu kumwoochi rubiichoo kule, “Abere kyookas akweek kule kikeemwooy keny kule, 'Meemarte.' ²⁸ Nto anii, amwoowook kule, chii ake tukul nyoo kase koorko ankuchorokyi kuwuu nyee kaakumarta. ²⁹ Kunyi, yoo keesakyiing' koong'uung' isuuchi ng'ooki, ilootu. Kaykay iboot komosta akeenke nyebo boorng'uung' kusiir keewiirchi boorng'uung' tukul wolee bo maataab kibchuulyo. ³⁰ Nto yoo keesakyiing' awung'uung' isuuchi ng'ooki, itilte. Kaykay iboot komosta akeenke nyebo boorng'uung' kusiir keewiirchi boorng'uung' tukul wolee bo maataab kibchuulyo.” ³¹ Kimwooy Yeesu subak kule, “Kyookas mbo subak keemwooye kule chii ake tukul nyee mache kubar kooyeey kumachaktoos kusirchi koorkeet barweet nyee kakwetee. ³² Nto anii amwoowook kule, chii ake tukul nyoo kakwet koorkeenyii kubo ng'aleek alak chee maname keey akoo martaayeet, kaakoosakyi koorkoonoo kuyek choonchooyen. Nto chiito nyee keemut koorkoonoo, kaakumarta nkinee.”

³³ Kimwooy Yeesu subak kule, “Kyookas akweek kule kikeemwoochi chiitaab keny kule, 'Yoo keewoolchi keey chii Yeyiin kule makuyey kiy, kumamachaktoos kwiiri kiyooto nteenee machaktoos kootyiich.' ³⁴ Nto anii amwoowook kule matebi chii kut koowaal keey. Meewaal keey chii kutweche woliin bo kibkoonkoy kuuyu baytooyiisyee Yeyiin wolooto. ³⁵ Amatebi chii kut kule, 'Kwaama teng'et,' kuuyu tyiche Yeyiin wolooto. Meewaalee keey chii kiriinkeetaab Yeerusaleem kuuyu bo wolooto baytooyiinteet nyoo woo. ³⁶ Meewaalee keey mbo meting'uung' I-asante, kuuyu meemuuche mbo kut iyey buutyoonteet akeenke am meting'uung' kuleeliit nto kutuuyiit. ³⁷ Yoo keechame kiito ake, kuyeme imwaay kule: 'Ee, wuu nyooto.' Nto yoo itaye, imwaay kule: 'Acha mawuu nyoo.' Yoo keemwaay ng'al chee siire chuutechu kukwoonee choo wolee miite Kibrokosyoonteet.”

³⁸ Kitas taay Yeesu kumwooy kule, “Kyookas mbo subak keemwooye kule, 'Koong' ak koong', keelta ak keelta.' ³⁹ Nteenee amwoowook anii kule, meekoromchi chii nyee miyaat. Yoo kasyeeching' chiito ake kibkermetuut komosta ake, iweekyi komosta nyiin ake kusyeech. ⁴⁰ Nto yoo kakwering' chii kook kumache kaansuung'uung', imuytoochi mbo nkinee kabuutiit. ⁴¹ Yoo kakerchiing' chii koong' ikalabchi tukuukyii am asiista akeenke, itasyi asiista ake. ⁴² Nto yoo kasooming' chii kiito ake, ikoochi. Nto yoo keebeseeniing' chii kiy, ikoochi.”

⁴³ Kitas taay Yeesu kumwooy kule, “Kyookas mbo subak keemwooye kule, 'Ichame laatyeeng'uung' ankiiweche buunyoonteeng'uung'! ⁴⁴ Nteenee amwoowook anii kule, ochame buunikwook ankoosoochine choo wusook ⁴⁵ sookerkeytiitu Koon nyoo miite kibkoonkoy. Yeye Yeyiin kooluuchi asiisnyii biiko choo karoomech ak choo miyootech. Yeye mbo subak roobta kuroobenchi biiko choo karoomech ak choo miyootech. ⁴⁶ Obere akweek toos makutuwenook Yeyiin yoo ochame baateey biiko choo chamook ee? Ntee yeye chii ake tukul kuu nyooto. ⁴⁷ Nto yoo ong'aloolchine biiko choo cheekwook baateey ii, onyooru nee nyee karaam? Ntee yeye nkicheek choo meenkete Yeyiin kuu nyooto. ⁴⁸ Churtaat Yeyiin nyoo miite kibkoonkoy, kunypoo, machaktoos ochurtootiin nkakweek.”