Kuurkeetaab 2
1
Kikeesikyine Yeesu kiriinkeetaab Beeteleyeem am yeemeetaab Yuuteeya kubaytooyiisye *Eroote. Yu kabokeesich Yeesu, kukwaanee biiko alake komostaab koong'asiis kukwa Yeerusaleem, chee kiboonto kiirnateetaab kookeelik.
2
Yu kayit, kuteeb kule, “Miite ano baytooyiinteetaab Yuutayeek nyoo kokeesiche? Kakeekasee wolee keebuurto kookeelyeet am koong'asiis kule kookeesich, kunyi kaakeekwaa bokeekutunkyi inee.”
3
Yu kawokukas baytooyinteet Eroote ng'aleechaa, kwaam met miisin. Kiiyiimset ng'aleechaa nkicheek biikaab Yeerusaleem tukul.
4
Yooto kooruruuch baytooyiintoonoo mbo *kibkoros chee wooyech tukul akoo kaaneetikaab kiruutek tukul chebo Yuutayeek ankuteebee kule, “Makeesikyi ano *Kiriisto nyoo kokeekanye?”
5
Kuwalchi bichoo kule, “Keesikyine Beeteyeem am Yuuteeya, kuuyu kimwooy Yeyiin kubununee *woorkooyoonteet ake kule,
6
'Beeteleyeem, meemining' inyiing' mbo kisich am kiriinkoosyekaab Yuuteeya, kuuyu makurutuneeniing' baytooyiinto nyee makubayta biikyuu bo *Israyeel.'”
7
Nto tee yoo, kooyookto *Eroote kuutiit am kichamumu bokeekuurchi bichoo kiboonto kiirnateetaab kookeelik sukumwoochi inee asiiswek bakeenke chee kitookunee kookeelyaanaa.
8
Yooto kumwoochi bichoo kule, “Obe Beeteleyeem ankuboocheeng'lakwanaa karoomin, nto yoo koonyooru, boomwoowoo saawe nkanii waakutunkyi.”
9
Yu keewaany baytooyiinteet kung'aloolchi bichoo, kuba. Nto yu kakas icheek kookeelyaanaa kung'erekiis nyebo kwong'uut.
10
Kiireetoot kookeelyaanaa bo koong'asiis akoy wokuteemanee barakuutaab lakwanaa am ng'erekweek.
11
Nto yu keewut bichoo ko, kunyoor leekweet akoo kaamet Maaryaa. Kukutunkyi lakwanaa. Nto tee yoo kootyaach tukuuk chebo kwong'uut choo kibokookatee lakwanaata, kunam wolee mii *ta-aabuut ak tukuuk alak ayeeng' chee boong'u nyee anyiny.
12
Nto yu iyeeye bichoo kaa, kubeetee keelto ake kuuyu kikiikuket icheek Yeyiin am kiirwootik kule meeyeey wolee miite *Eroote.
13
Yu kaakubeechi keey bichoo kiboonto kiirnateet, kuchoonchi Yooseef *malayikeetaab Yeyiin am kiirwootik ankumwoochi kule, “Mii Eroote wokucheeng'e leekweet kule kubakach. Kunyi imweeyte lakwanaa akoo kaamet akoy Miisir ankuboobuur wolooto akoy ayibuung' lokooy.”
14
Kung'eet Yooseef kweemowuunooto ankumwoochi kaameetiitaab leekweet kule koomweeyto tukwaay leekweet akoy Miisir.
15
Kibokoobuur wolooto kut kume Eroote. Kuyityiin yooto akoo yoo kimwooye Yeyiin kubununee woorkooyoonteet ake kule, “Kyaakuur lakwanyuu kuchoonee Miisir.”
16
Kikiikubeer Eroote yu kibo taay kule kikenchi inee bichoo kibo kiirnateet. Yooto kunyeer miisin ankumwooy kule keebakach leekook tukul choo weeriik am Beeteleyeem akoo chebo soong'wek alak tukul choo ki laatoos. Kimwaayta keebakach leekook choo boonto kenyiisyek ayeeng' ankurek kurubta keey ak wolee kimwaayta bichoo kibo kiirnateet.
17
Kunyoo kiyityiin yooto ak kiyoo kimwooye woorkooyoonteet Cheremnyaa kule,
18
“Kichoonee kaanchooyto Raama, nyebo meeyso ak ameetaab mbuy. Riiree Raayeel lokokyii amachame keesaaysaay kuuyu meekumii lokochoo.”
19
Nto yu kawokume Eroote, kuchoonchi *malayikeetaab Yeyiin Yooseef am kiirwootik kumii Miisir ankumwoochi kule,
20
“Oyeey kooreetaab Israyeel kuuyu kookubek choo kimache kubakach leekweet.”
21
Kung'eetita Yooseef leekweet akoo kaamet ankutakyi keey kooreetaab Israyeel.
22
Nteenee kikiikookeer Arkelaawo kwaan kubayta Yuuteeya. Yooto, kunyokoriit kuwo akoy wolooto. Nto subak, kikiikung'aloolchi inee Yeyiin am kiirwootik kunyoo, kiwo akoy yeemeetaab Kalilaaya.
23
Kiwokuminy am wolooto kiriinkeetaab Naasareet. Kiyityiin yooto akoo yoo kimwooye *woorkooyik kule, “Makeekuuree Naasareetiin.”
34
Manaawo *Tawuti barak, nteenee kimwooy kule, 'Kimwoochi Yeyiib Mokoryoonteenyuu kule: Ibuurunee awunyuu nyebo taay
35
akoy yoo kaayeyiing' itebee buunikuuk.'
36
Kunyoo, koonket biikaab *Israyeel tukul ng'alyoontooni: Kiyey Yeyiin Yeesu nyiitenyi kyookwertoochi akweek murtooywoonteet kuyek Mokoryoonteenyoo ankuyek mbo subak Kaararookiinteenyoo.”