1 Lafa nahita olo lako Jesosy, le niakatsy tam-bohitsy eo. Lafa tafapetsaky Ie, le namonjy Androzy mpianatsiny. 2 Namoha ty vavany Ie sady nampianatsy androzy, manao hozao:
13 Nateo ro sira ty tany. Fa laha ty sira ro lasa matsatso, amy ty fomba ino ro ampisira zay ndraiky? Tsy ho soa ndra amy ino andra amy ino sasy zay fa haria noho hitsahy ty tomboky ty olo sisa. 14 Nareo ro fahazava ty tany iaby toy. Ty tana miory amy ty vohitsy eo ro tsy azo avony sasy. 15 Tsy misy olo mandrehitsy jiro ka le mampipetsaky zay ambany sobiky eo, fa amy ty fipetsahan-jiro eo ka le manazava ty iaby an-tsano ao zay. 16 Engao hazava aloha ty olo eo manahaky fomba zay ty fahazavanareo mba ahitan-drozy ty asa soa anovinareo sady nkalazany ty Babanareo ze an-danitsy any.
17 Ka mieritseritsy hoe avy handrava tg lala ndra olo to-resaky rey Zaho. Tsy avy hanimba rey Zaho, fa hanantanteraky androzy. 18 Fa volaniko aminareo marina fa zisiky-paharwva ty lanitsy noho ty tany, ke tsy ho rava amy ty lala ndra lelitera raiky noho anabo-soratsy raiky aza, zisiky-pahantanteraky ty raha iaby. 19 Laha zay ndra ia ndra ia mandika ndra le ty kelikely bibiky amy lily rey noho mampianatsy ty hafa anao manahaky zay ro hikaiha hoe kelikely bibiky amy ty fanjaka ty lanitsy ao. Fa ndra ia ndra ia manenky noho mampianatsy rey ro ho kaihy hoe bevata amy ty fanjaka ty lanitsy ao. 20 Fa volaniko aminareo fa laha tsy mandilatsy noho ty ahy ty mpanora-dalà noho ty fariseho ty fahamarinanareo, le tey hilitsy amy ty fanjaka ty lanitsy ao mihintsy nareo.
21 Fa renareo fa voavola tamin-drozy fa ela hozao: ‘Ka mamono olo,’ sady ‘Ndra ia ndra ia mamono olo le ho sazie amy ty fitsara any.’ 22 Fa volaniko zminareo fa ze iaby meloky amy ty rahalahiny le maeva ty ho sazie amy ty fitsara any; sady ndra ia ndra ia mivola ty rahalahiny hozao: ‘Iha ro olo avao!’ le ho sazie amy ty filan-kevitsy any; sady ndra ia ndra ia mivola hozao: ‘Adala iha!’ le maeva ty ho amy ty farihy mirehitsy afo any. 23 ha zay laha manome ty fanomezanao amy ty alitara eo iha ka le tiaronao teo fa mana alahelo aminao ty rahalahinao, 24 le engao aloha ty alitara eo ty fanomezanao, ka le mandehana tohizo ty lalanao. Milongo aloha amy ty rahalahinao, sady bakeo mimpolia le ameo ty fanomezanao. 25 Milongo malaky amy ty mpanasazy anao laha mbo miara-lia aminy amy ty fitsara any iha, fa sandraky ty mpanasazy anao hanome anao amy ty mpitsara, sady ty mpitsara mety hanome anao amy ty manam-boninahitsy, ka le hanovy an-tsano maiky ao iha. 26 Volaniko aminareo marina, fa tsy ho afaky miboaky mihintsy ao iha zisiky-pandoavanao ty jala fara ty kelikely bibiky amy ty tsosanao.
27 Fa renareo fa voavola hozao: ‘Ka maheriloha.’ 28 Nefa volaniko aminareo fa ze iaby manenty ampela ka le maniry azy lefa aheriloha tam-pony ao sahady. 29 Laha mampeloky anao ty masonao ankavana, le alao zay sady atoraho lavitsy anao. Fa soa vatany ho ahy nao laha ty antsasany raiky amy ty vatanao ro tokony ho simbà fa tsy ty vatanao iaby ro atoraky amy tg helo any. 30 Lafa mampeloky anao ty vatanao ankavana, le tapaho sady atoraho lavitsy hiala aminao. Fa soa vatany ho ahy nao laha ty antsasakiny raiky amy ty vatana ro tokony ho tsobo fa tsy ty vatanao iaby ro atoraky amy ty helo any.
31 Sady fa voavola avao koa hozao: ‘Ndra ia ndra ia misaraky amy ty valiny, le engzo ie hanome azy ty taratasyfisaraham-panambalia.’ 32 Fa Zaho koa mivola aminareo fa ze iaby misaraky amy tyvaliny, hafa-tsy noho ty heriloha, le mampaheriloha azy. Ndra ia ndra ia manambaly azy afara ty fisarahany ro maheriloha.
33 Sady koa, tenareo da voavola tamy ty taloha hozao: ‘Ka mifanta fifanta diso, fa andeso anila ty Tompo eo ty fifantanao.’ 34 Fa Zaho koa mivola aminareom ka mifanta amy ty raha iaby, ndra amy ty lanitsy aza, fa seza fipetsahan-Janahary zay;
35 ndra amy ty tany, fa fipetsaha-tombokiny zay; ndra koa amy ty Jerosalema, fa tanà ty mpanjaka bevata zay.
36 Ka mifanta amy ty lohanao, fa tsy afaky manafotsy ndra manamainty ty singam-bolo raiky iha. 37 Fa engao ty vatanao ho, ‘Eka, eka,’ ndra ‘Aha, aha.’ Ze mandilatsy zay le baka amy ty raty iny.
38 Renareo fa voavola hozao: ‘Maso solo ty maso, sady hý solo ty hý.’ 39 Fa Zaho koa mivola aminareo hoe, ka manohitsy ze raty. Fa koa, ndra ia ndra ia mamango ty fifinao ankavana le ameao azy koa ty ilany. 40 Sady laha misy olo maniry ty hiaraky aminao ho amy ty fitsara any ka le manendaky ty salonao, le engao ho azy avao koa ty sikinao. 41 Ndra ia ndra ia manao forise anao handeha kilometatsy raiky, mandehana miaraky aminy amy ty kilometatsy roe. 42 Ameo ze mangataky aminao, sady ka mandà ndra ia ndra ia maniry ty hindra aminao.
43 Fa renareo fa voavolako hozao: ‘Tsy maintsy mitea ty mpiara-belo aminao iha sady malay ty fahavalonao.’ 44 Fa volaniko aminareo, tiavo ty fahavalonareo sady mivavaha ho ahy ze manenjiky anareo, 1 45 mba ho avy anaky ty Babanao ze an-danitsy any nareo. Fa Ie ro mampiposaky ty masoandrony amy ty raty noho ty soa, sady mampilatsaky ty ora amy ty marina noho ty tsy marina. 46 Fa laha ze tea anareo rey ro tiavinareo, ino ro valisoa azonareo? Moa ndra le ty mpamory haba aza tsy mba manao manahaky zay koa. 47 Laha ty rahalahinareo raiky avao ro arahabanareo, ino ro mba anovinareo mandilatsy ty hafa? Moa ndra le ty Je8aza tsy mba manao manahaky zay koa? 48 Laha zay le tsy maintsy tanteraky nareo, manahaky ty fahanteraha ty Babanareo ze an-danitsy any.