1
Miembena mba tsy hanao th asa ty fahamarinanareo anila ty olo eo nareo mba ho hitan-drozy, fa laha tsyzay le tsy hahazo tyvalisoa baka amy ty Babanareo ze an-danitsy any.
2
Laha zay lafa maneho fihantsa nareo, le ka mitsoky trompetra manintoy ty hafa manahaky ty anovy ty mpiatsara velatsihy amy ty synagoga any noho amy ty lala eny, ka le mba mety hahazo ty fanompoa ty olo ndrozy. Volaniko aminareo marina, fa ndrozy ro fa nandramby ty valisoany.
3
Fa lafa manoro fihantsa nareo, ka anovy hay ty tananareo havia ze anovy ty tananareo havana,
4
ka le mba hamea milamy ty fanomezanareo. Bakeo ty Babanareo ze mahita amy ty milamy ro hamaly soa anareo.
16 koatsy zay, lafa mifaly hany nareo, ka mampiseho endriky mampalahelo manahaky ty anovy ty mpiatsaravelatsihy, fa manaraty tarehy ndrozy ka le mba mety ho hita ty olo fa tena mifaly hany. Volaniko marina aminareo, fa nandramby ty valisoany ndrozy. 17 Fa iha, lafa mifaly hany, alao menaky ty lohanao sady sasao ty tarehinao, 18 ka le mba tsy ho hita ty hafa hoe mifaly hany, fa amy ty Babanao ze amy ty milamy ao avao; sady ty Babanao ze mahita amy ty milamy ao, ro hamaly soa anao.
19 Ka manajary ty hanananareo an-tany etoy, ze simbà ty kadrajaky noho heriky, sady hilira ty mpangalatsy forise ka le hangalatsy, 20 Fa koa, hajario ty hanananareo an-danitsy any, ze tsy ho simbà ty ladrajaky noho heriky, sady tsy hilira ty mpangalatsy forise ka le hangalatsy. 21 Fa ze misy ty hanananao, ro ipetsaha ty fonao avao koa.
22 Ty maso ro itsangana ty vatanao. Laha zay, lafa soa ty masonao le ho atsiky fahazava ty vata iaby. 23 Fa laha raty ty masonao, le ho atsiky haiky ty vatanao iaby. Laha zay, lafa maiky ty fahazava ze anainao ao amy zao, manao ino ty habevata haiky zay!
24 Tsy misy afaky hanompo tompo roe, fa halay ty raiky ie sady hitea ty raiky, lafa tsy zay hanome-vata ho ahy ty raiky ka le halay ty raiky hafa. Iha ro tsy afaky hanompo an-Janahady noho ty hanana.
25 Laha zay volaniko aminareo, ka miahiahy mikasiky ty ainareo, ze hohaninareo ndra ze hinominareo - ndra milasiky ty vatanareo, ze hisaloranareo. Fa tsy bevata noho ty hany va ty fiaina, sady ty vata bevata noho ty fisalora? 26 Henteo voro amy ty lanitsy eny rey. Ie raiky ro tsy mandraraky ndra mamboly ndra mamory an-tsompitsy ao, fa ty Babanareo ze an-danitsy any ro mamaha azy reny. Tsy sarotsy vatany mandilatsy reny va nareo? 27 Ia aminareo ro afaky manampy hakio raiky amy ty andro hiainany amy ty fanahia?
28 Nanino nareo ro miahiahy mikasiky ty fisaloranareo? Saino ty mikasiky ty lilia amy ty baibo eny, ino ty faniria rozy reny. Tsy mba miasa rozy reny, sady tsy mandamy fisalora. 29 Volaniko aminareo, fa ndra i Solomona aza amy ty voninahiny oaby le tsy nosalotsy manahaky ty raiky amy reny. 30 Laha ampisalorin-Janahady manahaky zay ty akata am-baibo any, ze iaby misy henanikio noho hamaray le atoraky am-pataoera ao, manahaky ty ino ro ampisaloriny anareo bevata vatany, nareo kelikely finoa? 31 Laha zay ka miahiahy ka le mivola hozao: ‘Ino ro hohaninay?’ ndra hozoa: ‘Ino ro hinominay?’ ndra hozao: ‘Ino ty fisalora hanovinay?’ 32 Fa Jentilisa rey mila raha rey, sady ty Babanareo ze an-danitsy any ro mahay fa mila rey nareo. 33 Fa anovo aloha ty fanjakany noho ty fahamarinany le hamea anareo raha rey. 34 Laha zay, ka miahiahy ty hamaray, fa ty hamaray hitahy ty azy. Ampy ho ahy ty andro kirai-draiky ty raty aminy ao.