Toko 20
1
Fa ty fanjaka ty lanitsy ro manhaky ty tompon-tany ze nandeha vo marain-dray bey hanakarama mpiasa ho ahy ty tanim-bolobokiny.
2
Lafa baka nifanaraky tamy mpiasa rey ie fa hizara raiky isa'andro ty karaman-drozy, le nalefany tamy ty tanim-bolobokiny any ndrozy.
3
Niboaky ndraiky ie tamy ty lera fahatelo sady nahita mpiasa hafa nitsanga tan-tsena eo.
4
Hoy ie tamin-drozy hozao: ‘Nareo koa, mandehana amy ty tanim-boloboky any, sady ze an-keviny marina ro hameako anreo.’ Ka le nandeha niasa ndrozy.
5
Mbo niboaky ndraiky ie teo ho eo amy ty lera faha eny sady koa tamy ty lera faha sivy, sady nanao manahaky zay avao.
6
Tamy ty lera faha folo raiky amby ro niboaky inrdaiky avao koa ie sady nahita mpiasa hafa nitsanga.
7
Hoy ie tamin-drozy hozao: ‘Nanino nareo ro mitsanga eto anay ty andro raiky?’
8
Lafa avy ty hariva, le hivola tamy ty mpiembin-draharahany ty tompo azy tanim-boloboky iny hozao: ‘Kaihy mpiasa rey sady aloavo ty karaman-drozy, manomboky baka amy ty farany any mana amy ty velohany any.’
9
Lafa avy mpiasa ze nala tamy ty lera faha folo raiky amby rey, le nahazo zara raiky iaby ndrozy kirai-draiky iaby ndrozy.
10
Lafa avy mpiasa velohany rey, le nihevitsy fa hahazo mandilatsy ndrozy, nefa ndrozy avao koa ro nahazo zara raiky kirai-draiky iaby.
11
Lafa naharamby ty karamany ndrozy, le nitoreo mikasiky azy tompon-tany iny ndrozy.
12
Hoasan-drozy hozao: ‘Mpiasa farany rey ro niasa kera rraiky avao, nefa le nampitovizinao taminay ndrozy, zahay ze nisaka ty vesatsy ty andro raiky noho niaritsy hafana.’
13
Fa namaly azy tompon-tany iny ka le nivola tamy ty raiky tamin-drozy hozao: ‘Nama, tsy manao ze tsy mety aminao zaho. Tsy zara raiky va ro nifanarahanao tamiko?
14
Rambeso ze anao sady zoro ty lalanao. Zaho ro nitingy hanome ho an'i mpiasa nikarama farany manahaky ty anao avao rey.
15
y manan-jo hanao manahay ze teako my zay va zaho? sa mialona va nareo safe malalan-tana zaho?’
16
Ka le ty farany.”
17
Laha hiala ho a-Jerosalema any Jesosy, le nangalaky ty folo roa amby tanilany eo Ie, sady tan'dala eny Ie nivola tamin-drozy hozao:
18
“Ingo, hiakatsy ho a-Jersalema any tsika, sady ty Anak'olo ro hanome amy ty loha ty mpisoro rey noho mpanora-dala rey eo. Ndrozy ro hanasazy Azy ho maty.
19
sady hanome Azy amy Jentilisa rey mba hiheheza, ho vangoe, sady hotomboha Azy amy ty hazofijalea. Fa amy ty andro faha telo ro hatsanga ndraiky Ie.”
20
Bakeo ty reny ty anakilahy i Zebedio rey namonjy an'i Jesosy niaraky tamy anakilahiny rey. Nandohaliky tanilany eo ie sady nangataky raha baka Aminy.
21
Hoy Jesosy taminy hozao: “Ino ro irinao.” Hozao ie taminy: “Mibekoa mba hipetsaky anakilahiko roe lahy reto, ty raiky an-tananao ankavana eo sady ty raiky an-tananao ankavia eo, amy ty fanjakanao ao.”
22
Fa Jesosy namaly sady nivola hozao: “Tsy hainareo ty raha angatahinareo. Afaky ty hino ty kapoaky ze hinomy va nareo.” Namaly ndrozy hozao: “Afaky zahay.”
23
Hoy Ie tamin-drozy hozao: “Hino ty kapoakiko vatany nareo. Fa ty hipetsaky an-tanako ankavanako noho ankaviako eo ro tsy anjarako ro manome, fa ahy ze fa niomany Babako rey.”
24
Lafa nahare zay mpianatsy folo lahy hafa rey, le neloky mare tamy mpirahalahy roe rey.
25
Fa Jesosy nikaiky androzy nana aminy eo sady nivola hozao: “Hainareo fa mpanapaky ty Jentilisa rey ro hanasazy androzy, sady lahilahy manan-danjan-drozy rey ro hanao ty fahefany amin-drozy eo.
26
Fa tsy tokony hanahaky zay ty aminareo. Mifanohitsy amy zay, ndra ia ndra ia maniry ty hanjary bey aminareo le tsy maintsy ho mpiasanareo,
27
sady ndra ia ndra ia maniry ty ho velohany aminareo eo le tsy mintsy ho mpiasanareo,
28
manahaky ty Anak'olo tsy avy ho tompoe, fa hanompo, sady hanome ty ainy mba ho valim-panavota ho ahy ty lako.”
29
Laha niboaky baka Jeriko eo ndrozy, le olo lako mare ro nanoriky Azy.
30
Nisy lahilahy jiky roe nipetsaky tamy sisin-dala eo. Lafa nahare fa nandalo Jesosy, le nikoraky mare ndrozy hozao: “Tompo, anaky i Davida, mamaloza fo aminay.”
31
Nimeloky androzy ty olo lako, nibola androzy mba halaky, nefa vo maiky ndrozy nikaikaiky mare hozao: “Tompo, anaky i Davida, mamaloza fo aminay.”
32
Bakeo Jesosy nijano sady nikaiky androzy sady nivola hozao: “Ino ro irinareo hanoviko aminareo?”
33
Hoasan-drozy taminy hozao: “Tompo, mba hahita ty masonay”
34
Bakeo Jesosy, nalahelo, ka le nikitiky ty mason-drozy. Direkita le nahita ndrozy sady nanoriky Azy.