¹ Yezu buna kamanisi kuhoya mambu mana, katuki ku n'si Galileo, wele ku n'si Yuda ku ntandu nzadi yi Yudani. ² Kibuka ki batu ki n'landi pe kabakodisi. ³ Bamfuadisi bisi mona, bazodi ban'songila, beke hoya ne, "Bwene ye n'swa mû pila yi minsiku, Mutu yakala bakabana ye n'nketwa'ndi longo kikuma ki koso diambu? ⁴ Yezu Kabusi ne," Kutanga ku ne Wuna wu basala yandika luyandiku n'keto ye yakala? ⁵ Pe hoyi diaka ne, hakana Mutu yakala kasisa tat'andi ye ngudiandi we kangama ye n'nketwa'ndi, pe babole bakuma kima kimosi. ⁶ Hakana baseleko diaka bole, bakumi kima kimosi. "hakana bina kavukisa Nzambi heko Mutu kabisa. ⁷ Bakambi nki kikuma Moyize keke tuheka n'swa n'tuheka n'keto n'kanda wu kukula holo wu kuhonda longo.". ⁸ Kabakamba Mudiambu di kukola ku mbundu Zeno, hakana Moyize kaluhedila n'swa lukuma (lukatula) ba n'keto beno, Kasi ku luyandiku makaloko Buna. ⁹ Yilukambi, koso mutu wuna yambula n'nketwa'ndi, Hô keko mu mambu ma mbongi pe kakwela wuhika, kasadi kindumba. Pe yakala wuna kwela n'keto wu tele mbongi, yandi pe kasadi kindumba. ¹⁰ Ban'longuki bahiula Yezu ne, "Na Bwabuna bwene Mudiambu di n'keto ye yakala, kweku ye mfunu wu kukwela." ¹¹ Kasi Yezu kabakàmbaka ne, Keko Konso mutu fwene katambusa mambu mama, Kasi ku banà ye kikalulu kiakina batambusa mo. ¹² Samu hene ye lumani lubata yandika kifundu ki ngudiandi, hene ye ba lumani pe kubayakala, hene pe ye lumani basala Mudiambu di kimfumu kimazulu. wuna wene ye Kikesa ti luzolo lu kuyamba dilongi diadi, kayamba dio." ¹³ Bamongi ban'ete bana bankeke Mukusia ne kabasia moko, ka sambila mu diambu di bawu, Kasi Ban'longuki bazodi lwoko. ¹⁴ Kasi Yezu bakambi n'a, "Lubaheka nzila bana bisa kwe mene, lubabusidiku bisa kwe mene, samu Kimfumu kimazulu kiene kibawu. ¹⁵ Kabasidi moko, Kunima wele, katuki hakana. ¹⁶ Mutu mosi wisi kwe Yezu pe hoyi ne, "Mfumu, nki buma bubunkete mfwene yisala mu kumonga luzingu lu mvula yi mvula? ¹⁷ Yezu n'kambi ne," Nki kikuma weke ndombila mamene ma bunkete? Mosi kene wubunkete, Kasi nazodi kota mû luzingu, lungisa (batila) minsiku. " ¹⁸ Mutu wene hiudi, "Nki minsiku?, Yezu n'kambi ne," Hondiku, teku mbongi, yibiku, pe teku kimbangi ki bungumba., ¹⁹ Zitisa tat'aku ye ngudiaku, pe zola pangiaku boso dizola ngeyene. ²⁰ Ngunza Wuna n'kambi,"Yi lemvuka mû mambu mana makulu, nki mfwene Yisala diaka? ". ²¹ Yezu n'kambi," Hô zodi wukuma wukaseme, teka biakulu biwebiawu, hana bio ku baputu, pe kala ye kimvwama kingi mû zulu, Kunima Zosa ndanda mene. ²² Kasi ha kawidi makulu ma ka n'kambi Yezu, kakabuki ye kiadi kingi, samu kakala ye bima bingi. ²³ Yezu kahoyaka ku ban'longuki bandi ne, "Mu masonga yilukambi, kwe bulu kwe mutu n'kwa kimvwama mû kukota mu kimfumu kimazulu. ²⁴ Dihika Yilukambi, kwene ata pasi lo ku buluku mu kukota mu n'wa ndongo, Kasi pasi kwe n'kwa kimvwama mû kukota mu kimfumu kimazulu. ²⁵ Ha bawidi Bwabuna Ban'longuki, bayituki bwingi, Bayandiki kuhoya, "Na huluka mana?. ²⁶ Yezu keke batala pe hoyi, mana makulu mene pasi kwe batu, Kasi ye Nzambi mana makulu masalama. ²⁷ Piele kahoyaka," Tala Mfumu, ntu yambula biakulu Mukusia landi ngeyi, nki tumonga? ²⁸ Mu masonga, Yilukambi, beno balundandi, mu n'sungi yikwisa, hana kazakala Mwana mutu ha kiti ki kimfumu (luyalu), beno pe lukala bazakala ha biti kumi ye biole bi Kimfumu, mu kusambisa bikanda kumi ye biole bi Yisalayele. ²⁹ Koso mutu, wu wusisa n'zwandi, bapangi bandi babayakala, babanketo, tat'andi, ngudiandi, bana bandi, holo kifulu kiandi kikazingilaka kikuma ki zina dimene, kamonga n'kama ye n'kama zi bikasa sisa, pe kamonga luzingu lu mvula ye mvula. ³⁰ Kasi bingi babene lelo ban'tete, bakuma banduka, pe babene lelo bansuka bakuma ban'tete.