¹ Muna Ntangu yene, ban'longuki bisi kwe Yezu, Bahoyaka ne, "Na wene mbuta mû Kimfumu kimazulu?". ² Yezu tedi Mwana mosi wu n'keke ye n'sidi hakati di bawu, ye ³ hoyi," Mû masonga yilukambi, Hô lusobiku lukuma yabana bana bankeke, lukotoko ata bunke mû Kimfumu kimazulu. ⁴ Hakana mutu yandikulu wudikulumuna bwoso Mwana wandu, wanduna wene mbuta mû Kimfumu kimazulu. ⁵ Woso mutu wuna yamba Mwana wandu mosi muzina di mène, kayambi mène. ⁶ Kasi wuna tuma mwana mosi wandu kasumuka, bufwene Mudiambu di yandi banzitikila tadi dimbuta mbuta mutsingu bantimbula mû n'si nzadi. ⁷ Kiadi ku n'si n'toto Mudiambu di Ntangu yayi yi pasi! Samu bwe mfunu mambu mama masalama. Kasi kiadi ku mutu wuna masalamana mambu mama.! ⁸ Kasi koko diaku to kulu diaku dieke kunatisa mikanu, tabula dio losa dio kiana. Mboti wukota mû Kimfumu kimazulu ye koko ditabuka, haa kifulu kikwe hia mbawu ye moko mole ye malu mola. ⁹ Hô disu diaku dikunata bwingi ku masumu, katula dio losa dio kiana. Bufwene wukota ku kimfumu kimazulu ye disu dimosi, ha phalasi yikwe hia mbawu mû bilungi ye meso mola. ¹⁰ Lukeba tuyambula kubalewulaka bana ba. Samu yilukambi bawanzio babawu bayakala kaka kilunzi ki tata wene kuzulu. ¹¹ Samu mwana mutu kisa mû kuhulusa babalala. ¹² Bwe luyindula? Hô mutu je ya mameme n'kama mosi, Hô dimosi dilala, kasisoko mameme mana makumavwa ye vwa ku mongo, we dinga dina diladiki? ¹³ Ntangu yi kamona dio, kakala ti kiesi kingi Samu di dimeme dina kuhioka mana mahika. Pila ¹⁴ mosi keko luzolo lutata wu wene mû zulu na mwana mosi wunkeke kalala. ¹⁵ Hô mpangi'aku kakusala mbi, n'tela n'kambi kifu kina kasadi buna lwene beno bola. Hô kakuwila, ngeyi n'ungi. ¹⁶ Hô kabusa kukuwila, monga pangi mosi Hô bola, Mukusia ne mû n'wa batu baba ba bola masonga malubuka. ¹⁷ Hô kabusa kubawila, nata ku Nzonzambi. Hô kabusa kuwa ku Nzonzambi, monga bwoso mp'ani holo m'futisi paku. ¹⁸ Mu masonga yilukambi, biakulu bi lukwetika ha n'si n'toto, bikala pe bikukwetika kuzulu. biakulu bi. lukutumuna ha n'si n'toto, bikalype bikukutumuna ku zulu. ¹⁹ Yilukambi Hô batu bole bawisani mû koso diambu dibalomba ha nsi n'toto, tata mène pe kabaheka. ²⁰ Samu hana bakutakani batu bole Hô batatu mû zina di mène, mène pe Yene ye bawu." ²¹ Kunima Piele wisi, n'kambi Yezu, "Mfumu, mbala kwa mfwene yin'lolula pangiama wuna sadi kifu kwe mene?". ye kuna tsambwadi? ²² Yezu kan'kabusilaka ne yilukamboko nsambwadi, Kasi mbala makumi nsambwadi ye nsambwadi. ²³ Hakana Kimfumu kimazulu kiene bwoso ntotila wu zodi Katanga bansadi bandi. ²⁴ ha Bayandiki ye wu Wu-ntete, wufweti n'heka pata mafunda kumi ma midi. ²⁵ Kasi ha ka'mwene ne kakaloko ye kina kan'futa, mfumwandi hene n'swa ban'teka ye n'nketwa'ndi ye bana ba'ndi ti biakulu bikakala biawu Mukusia ne kafuta mfuka. ²⁶ N'sadi kamongi bwidi, fukami kuntwala mfumwandi, n'kambi ne,'Mfumu, meka m'wa Ntangu, yifuta yakulu.'. ²⁷ kunima mfumwandi bun'hele bulu ku mbundu, n'yambudidi pe losi mfuka yene kimakulu. ²⁸ N'sadi Wene ha kalubuka we monana ye mosi pe wukala ye pata n'kama ziyandi, n'kwete ha dinga, kan'kambaka futa mfuka yi mene.'. ²⁹ N'kwenandi bwidi muna malu mandi, kan'kambaka ne, "Peka mwa Ntangu, yifuta." ³⁰ Kasi n'sadi wu busi, we n'kwatisa ku boloko ti kuna kafutila mfuka. yandi. ³¹ Bakweno bakasadi bawu ha bawidi pe bamwene makulu ma mahioki, kiadi ki bakwete bwingi, bele Be samuna bwo ku mfumu bawu makulu makasadi. ³² Mfumu bawu ha kawidi bwo, n'tedi n'sadi wene, n'kambi ne,'Ngeyi n'sadi wu mbi, mene yikuloludi pe yikuyambudidi mfuka yakulu futiku. ³³ Fweneko wukala ye kiadi bwoso yikuwila mene? ³⁴ Mfumu, nkabu zin'kwete, n'hele pe ban'sia ku boloko ti kuna kafutila mfuka yakulu yi yandi pe. ³⁵ Bwabuna pe tata mene wukala kuzulu kasala pe ku konso mutu wukonda lolula mpangi'andi ye mbundu mosi.'