¹ Kieleka, kimfumu kizulu kiene bwoso n'kwa nseke wu lubuki mu kibungi Mukusia ne kamonga batu babasala mu bisalu (masola) mandi. ² Ha bawisani ye ban'sadi Mukusia ne kafuta ndisu mosi muna Kilumbu, batumi ku masola mandi. ³ Lubuki mu n'kala Ntangu yi tatu, mwene ban'sadi bahika bakala ha kifulu ki zandu ata kima kasadiku. ⁴ Bakambi n'a,'Beno pe lwenda ku sola, biakulu bibiene bikitoko yiluheka bio', Bamongi bele Be sala. ⁵ Lubuki diaka ku n'kala Ntangu yi sambanu ye vwa kasadiki kaka mbandu mosi. ⁶ Kilumbu kihika, mu Ntangu kumi ye mosi, pe wene bahika basadiku ata kima. kabahiulaka nki kikuma luzakaladi bwabubu ata kima lweke saloko Kilumbu ki m'vimba? ⁷ Bahoyi ne,'Mudiambu batu mongiku mu kisalu, kabakàmbaka ne,'beno pe lwenda ku masola.' ⁸ Masika mosi, Mfumu n'tedi wu talaka makulu, batela ban'sadi Bakulu pe yandika ku bafuta. yandika wu wunsuka ye kuna Wu-ntete.'. ⁹ Ha bisa bansadi bakamongi mu ntangu yi kumi ye mosi Bamongi pata mosi. ¹⁰ Ha bisa bansadi babantete, bazeye na bamonga zingi, Kasi Bamongi kaka pata mosi bwoso babansuka. ¹¹ Kunima dikumonga mbongo zibawu, babokuti kwe Mfumu. ¹² Bahoyaka,'Bansadi baba bansuka basadi kaka Ntangu mosi yi kisalu, mana n'tuhele betu kulu ntalu mosi, beto batu mwene pasi yandika kibungi ti mwini.'. ¹³ Kasi Mfumu bakambi kwe mosi wu bawu n'a,'Yeke kusaloko pasi, n'tuwisanoko ye benu na yifweti lufutaka pata mosi mu Kilumbu? ¹⁴ Lumonga bina luwisana, lwenda, n'sodi yi n'heka ku batu ba bamongi buntwene ntalu mosi ye benu. ¹⁵ Yeko ye n'swa yisala mana NZodi mu bima biama? holo lukwe zodi yiyika Mudiambu yene kwama wumboti? ¹⁶ Bwabuna batu bansuka bakuma ban'tete, babantete bakuma bansuka. ¹⁷ Samu kakala wuyilama kenda ku Yeluzalemi, mongi Ban'longuki ba kumi ye bole wele bawu. mu n'kala, kabakàmbaka ne, ¹⁸ Lutala ntweke kwenda ku Yeluzalemi, Mwana mutu ban'teka ku Bamfumu ba batambiki ye bamin'siku, pe banzengila n'kanu lufwa. ¹⁹ Pe bam'bula miswani pe ba n'koma ha kulunzi, kasi kafutumuka Kilumbu kitatu.' ²⁰ Kunima ngudi mwana Zebede wisi kwe Yezu ye bana ba'ndi, dikulumuni ku meso ma Yezu pe n'lombi buma. ²¹ Yezu Kabusi ne,"Nki zodi? "Hana n'swa n'a bana ba mène bazakala mosi ku koko dingeyi di kitata, mosi didikimama. mu Kimfumu kingeyi." ²² Kasi Yezu kabakàmbaka ne, "Weke zayoko bi weke lomba. Wene ye ngolo wun'twa mbungu yi Honda mène? Ba n'kambaka ne N'twene bafwana." ²³ Kabakàmbaka ne makiedika lunwa kopa dimene, Kasi mamatadi kuzakala ha koko di kitata ye dikimama dimene, keko mène yihanaka kio, kina yandiene tata hanaka. ²⁴ Ha bawidi Bwabuna Ban'longuki kumi bana, babawididi n'kabu zingi bana ba bôle. ²⁵ Kasi Yezu batedi belebele ye yandi pe bakambi, "Luzeye na Bamfumu ba makanda bayalaka mu kingolo ngolo pe batu ba bawu ba ngolo bakala kaka ye kimfumu kingi kwe bawu. ²⁶ Kasi makaloko buna hakati di beno, n'kutu Wuna zodi katombuka hakati di beno kafweti kala n'sadi eno. ²⁷ Pe wuna zodi kakala Wu-ntete hakati di beno, kafweti kala n'sadi eno. ²⁸ Bwabuna, mwana mutu kisoko ne bansadila, Kasi yandi kahana luzingu lu yandi samu di masumu ma batu bingi." ²⁹ Ha balubuki ku Yediko, batu bingi babalandi. ³⁰ Pe bifwameso biole bikala bizakadi mu n'kala n'zila, ha bawidi Yezu keke kwe hioki, Bayandiki kuyamuka ye ndinga ngolo ne, "Mfumu, Mwana Dawidi, n'tuwila kiadi.". ³¹ Batu babanganini Mukusia ne bayambula mazu, Kasi bawu ba yamuki diaka," Mfumu, Mwana Dawidi, n'tuwila kiadi beto." ³² Yezu telemi, batedi pe bahiudi, "Nki luzodi yisala Mudiambu di beno?". ³³ Bankamba n'a," Mfumu, meso ma beto mamona.". ³⁴ Hakana, Yezu, kiadi kin'kwete, simbi meso mabawu, mbala mosi mesu makanguki, Bayandiki ku'mona pe ba n'landi.