¹ Kunima ndambu bamfuadisi ye bamfumu ba nsiku bayeleke kwe Yezu wu Yeluzalemi. Bahoyaka, ² Nki kikuma ban'longuki baku beke zitisoko minsiku mi bambuta? basukulaka moko mabawu kuntwala kudia.". ³ Yezu bakabusidi ne, "Ah beno nki kikuma lukonda zitisila minsiku mi Nzambi, luzitisa mi benweno? ⁴ Samu Nzambi kahoya,'Zitisa tat'aku ye ngudiaku, wuna yandi kulu konda Zitisa tat'andi ye ngudiandi kafwa kaka. ⁵ Kasi luhoya kwe batu ne,"Koso Mutu wuhoya kwe tat'andi ye ngudiandi, Kabu di yi n'ka kuheka, dia yikamba yi n'ka heka Mfumu Nzambi. " ⁶ Mutu Wuna Keko diaka ye mfunu kuzitisa tat'andi. Hakana luhondila ndinga Nzambi kikuma ki minsiku mieno. ⁷ Mazoba (bingumba)! Izayi kahoyaka makiedika Ntangu yi basakudi mu zina di beno, ⁸ Batu baban'zitisaka kaka ha ntandu lulumi, Kasi mbundu zibawu zene kiana ye mène. ⁹ Ban'zitisa mu bungumba, Mudiambu kwaandi di minsiku mi dibundu, balongaka minsiku mi batu." ¹⁰ Kunima tedi Kibuka ki batu pe bakambi, "Luwa ye lubakisa, luzaya_ ¹¹ Heko kima kikota mu n'wa Mutu kim'bebisa, Kasi koso ndinga yi yilubukaka mu n'wandi, yayina yibungaka mambu. ¹² Ti ban'longuki bisi n'kamba Yezu ne bamfuadisi bakele bakangami, beke kukoko ha bawidi Mana kele hoyaka? ". ¹³ Yezu Kabusi ne," Koso n'ti wu kakonda kuna tatamene ban'vusa. ¹⁴ Lusiku ngindu kwe bawu, bene banati bifwameso. Hô kifwameso kanata n'kweno kifwameso babole Be bwa mu dibulu. ¹⁵ Piele Kabusi kwe Yezu, "N'tutendudila kingana kiene.". ¹⁶ Yezu pe bahiudi ne," Beno pe lukwezayiku kaka? ¹⁷ Lukwemoniku na kiakulu ki kikikota mu n'wa, kihioka mu nsiobo ye lundi, Kunima kiele ku kabine? ¹⁸ Kasi bima bi bilubukaka mu n'wa bitukaka ku mbundu, bia-bina biheka mutu bulu. ¹⁹ Samu ku mbundu kutuka ngindu zi mbi, zikuhonda, zi mbongi, zi kukonda kuzaya mambu, kindumba, bwifi, kuhuna mambu ye ngusi. ²⁰ Tala bima bi bebisa Mutu. Kasi kudia wukonda kusukula moko kubebisaku Mutu. " ²¹ Kunima Yezu katuki hakana, wele ku n'si Tyre ye Sidon. ²² Ye n'keto mosi wu Canaan wuzingi kwo wisi kwe Yezu, Yandiki kuhoya ye ndinga ngolo kwe Yezu ne,"Mfumu, ngwila kiadi, Mwana Dawidi, mwana mene wu n'keto keke tungisama kwe Satana. ". ²³ Kasi Yezu kakabusoko ata mvutu. Ban'longuki bandi bisi m'bondila, beke hoya ne, Mfumu, n'kabusa Mudiambu keke didila beto. ²⁴ Yezu kabakàmbaka, "Bapitika Mudiambu di mameme ma malala nzila mu nzo Izalayele.". ²⁵ Kasi kamongi wisi, fukami kuntwala yandi ye hoyi," Mfumu, nsadisa mene. " ²⁶ Yandi Kabusi, "heko mboti Mutu kamonga dipa dibana kalosila bambwa." ²⁷ Mama wene hoyi ne, "Makiedika Mfumu, Kasi ata bambwa badiaka pe bima bibibwa mu n's'i mes. a bisisa Bamfumu baba." ²⁸ Yezu n'kabusidi ne, "Ngudi, lukwikilu lwaaku lwe lwingi. Masalama mana weke lomba masalama. pe muna Ntangu yene mwan'andi pe kodi. ' '. '. ²⁹ Yezu katuki, wele ku simu dinzadi Galileo, wele, mete mongo we zakala hakana. ³⁰ kibuka ki batu kiele kwe yandi, ye bifwameso, mababa ti bikata, ye batu babakala babela, ba ban'ete kwe Yezu pe kabakodisa. ³¹ Hakana, batu bakala ye kiesi kingi Mudiambu bamwene mababa mahoyi, bifwameso bimwene. Bakumisi bwingi Nzambi Izalayele. ³² Yezu tedi ban'longuki bandi, kabakàmbaka ne, yene ye kiadi ki batu baba, Mudiambu bene kaka ye beto. Nzodiku yibayambudila ye nzala, hana Be bwa ngambu mu nzila. ³³ Balonguki ne, Kwe n'tumwena mapa ma mafwene mabalungila lawu di batu ba, huma hakaka hene bu ha yumuka ?. ³⁴ Yezu bahiudi ne, "Mapa makwa lwe mawu? Bahoyaka ne nsambwadi ye bana bambisi ba mamba. ³⁵ kunima Yezu bakambi Bakulu bazakala muna mafu. ³⁶ Mongi mapa mene ye bambisi, Kunima dikukabusa matondo, bukuni mo pe hene bitini ku ban'longuki, ban'longuki bahene ku batu. ³⁷ Bakulu badidi pe basepidi, batonguni bibisele biakulu, bakutikisi bitunga nsambwadi. ³⁸ Batu mafunda maya ma bayakala ba didi, tangiku banketo ye bana. ³⁹ Kunima Yezu bahele Bakulu nzila Benda, yandi wele ku n'si Magadala.