¹ Muna Ntangu yina, Yelodia wu wusodi Bamfumu widi beke hoyila Yezu. ² Kakambaka bansadi bandi, "Wandu Za Matisi, wu futumuka ku bafwa. hakana peve zingolo zina zeke sala mwe yandi." ³ Kuna ntwala, Yelodia kan'kwatisa Za, n'kasisi misinga, kan'sidi mu boloko kikuma ki Yeodiade, n'keto mpangi'andi Fidipu. ⁴ Kikuma Za wun'kamba ne, "Fweneko mu pila yi nsiku wu n'kumisa n'ketwaku.". ⁵ Yelodia kazodi kan'honda, Kasi kabangiki batu, Mudiambu bamongiki bwoso n'tumu. ⁶ Kasi kilumbu ki feti di Kilumbu ki kabutuki Yelodia kifwene, Mwana wun'ketu wu Yelodia kakini ha ntwala batu bakaviti pe Yelodia kasepidi bwawu. ⁷ Mu mvutu n'kambi mwan'andi na kiakulu kina ndomba yikuheka. ⁸ Mwana wù, ha ban'longisidi kwe ngudiandi, kahoya,"Peka haka ha dilonga, n'twa Za Matisi ⁹ ". Mfumu (ntotila), kulomba kuna kun'vwalangasi ngindu, buna kasala lo Mudiambu kan'sila bwo, ye Mudiambu di batu babakala Hô, hene n'swa basala bwo. ¹⁰ Tumi Be tabula n'twa Za ku boloko. ¹¹ Pe ban'ete n'twa wene ha dilonga, ban'hele mwana wene pe nete we n'heka ngudiandi. ¹² Kunima balonguki ba Za bisa monga mvumbi bele Be zika. Kunima bele Be n'kamba Yezu. ¹³ Yezu ha kawidi bwo, katuki hakana, mongi bwatu we zakala huma ha yandi buhika. Batu ha bawidi, ye babatuki mu mavula mahika, bele Be n'landa mû malu. ¹⁴ Yezu wisi ha ntwala bawu, widi kiadi pe kodisi bambefo babakala hakana babela. ¹⁵ Ha kuyidi kuma, ban'longuki Be n'kamba Yezu ne huma ha n'twene ha yumuka," batuma batu Benda mû mahata ma belebele basumba bima bikudia. " ¹⁶ Yezu kabakàmbaka ne beko ye nzala yi kwenda, lubaheka benweno bima bikudia. " ¹⁷ Bawu Bahoyaka ne "N'twene kaka ti mapa matanu ti bambisi ba mamba bole.". ¹⁸ Yezu kabakàmbaka ne" Lundatina bio." ¹⁹ Yezu samuni ku batu bakulu bazakala hana mfuta makanga. mongi mapa matanu ye bambisi bole, tombudi meso kuzulu, sambudi 'mo ye bukuni mo. Kunima hene ku ban'longuki bandi, bakabisa kwe batu. ²⁰ Bakulu badidi pe ba yukuti. pe ban'ete mamasele. bitunga kumi ye biole bikabasi. ²¹ Batu baba didi bakala mafunda matanu ma bayakala, tangiku banketo ye bana. ²² Mbala mosi Kunima, bamatisi mu bwatu ban'longuki bandi Mukusia ne bendaka simu dina, hakana yandiene keke kabusa batu. ²³ Kunima ku yambudila batu, mete ku mongo we sambila. masika ha mabwidi kakala yandi buhika. ²⁴ Kasi bwatu hakati kati di nzadi, bukalako ye pila yi ku sungika bwo, mfunzi yiyisiki masambu makulu pila lo. ²⁵ Mu ntangu yibwidi piba, Yezu wele kwe bawu, kayeleke ha n'kanda mamba. ²⁶ Ban'longuki ha bamwene Mutu weke ha ntandu mamba, babangi, ba yindudi ne m'fu pe bayandiki kuyamuka ye Boma. ²⁷ Yezu bakambi muna Ntangu yene ne,"Mene wuna Lubangiku, lumoniku bôoma. " ²⁸ Piele kan'kambaka ne, "Mfumu, Hô ngeyi n'kamba mene pe yisa ha ntandu' mamba kwe ngeyi.". ²⁹ Yezu ne," Zosa " hakana, Piele lubuki mu bwatu Yandiki kwenda ha ntandu nkanda' mamba mu kwenda kwe Yezu. ³⁰ Kasi Ntangu yi kamwene mfunzi yisi mwene Boma, pe Yandiki kumioka mu mamba, hakana yamuki,"Mfumu pulula mene." ³¹ Hakana, Yezu lambudi koko pe n'kwete, kan'kambaka, Mutu lukwikilu kinkeke, nki kikuma bangidiki?. ³² Ntangu yi bakoti Yezu ti Piele mu bwatu, mfunzi pe yilepami. ³³ Ban'longuki babakala mu bwatu batambusa, bamfukamini Yezuna,"Makiedika wene Mwana Nzambi. " ³⁴ Ha balabuki ku simu, batelema ha Genesaret. ³⁵ Batu ba hakana, ha bazeye ne Yezu wanduwu, bayalumuni n'sangu mu mahata ma n'kala pe bayandiki kunatina Bakulu babakala babela. ³⁶ Bakala n'lendika bingi basimba kaka n'dingi n'lele yandi, pe Bakulu babasimbi wo bakodi.